இந்ததளத்திற்கு வருகை தரும் உங்களை இன் முகத்தோடுவரவேற்கிறேன் .என் நட்புக்கள் அனைவருக்கும் ஏக இறைவனின் சாந்தியும் சமாதானமும் நம் அனைவர்கள் மீதும் நிகழட்டுமாக !!!

Monday, February 27, 2012

மெழுகு பொம்மை தயாரிப்பது எப்படி

பார்த்த நொடியில் கவனம் ஈர்க்கின்றன சாந்தி செய்கிற மெழுகு பொம்மைகள். பரிசளிக்கவும் அலங்காரமாக வைக்கவும் ஏற்ற வகையில் மிக்கி மவுஸ், பிள்ளையார் என விதம்விதமான உருவங்களில் அசத்துகின்றன அத்தனையும். குறைந்த முதலீடும் குறைந்த நேர உழைப்பும் தேவைப்படுகிற மெழுகு பொம்மை தயாரிப்பு, வேலைக்குச் செல்லாமல் வீட்டிலிருக்கும் பெண்களுக்குக் கணிசமான லாபம் தரும் என்கிறார் சாந்தி.

‘‘ஒரு எக்சிபிஷன்ல இதே மாதிரி பொம்மைகளைப் பார்த்தேன். அதைப் பண்றவங்களைத் தேடிக் கண்டுபிடிச்சுக் கத்துக்கிட்டேன். வீட்டுக்கு வர்றவங்களுக்கு அதை அன்பளிப்பா கொடுக்க ஆரம்பிச்சேன். அதைப் பார்த்துட்டு பிறந்த நாள் பார்ட்டில கொடுக்கிறதுக்கும், கொலுவுக்கும் மொத்தமா ஆர்டர் வர ஆரம்பிச்சது. அப்படியே வளர்ந்து, இன்னிக்கு கடைகளுக்கும் சப்ளை பண்றேன். இதைச் செய்யறது ரொம்ப சிம்பிள். பெரிய உடலுழைப்பு தேவையில்லை. ஆனா, திருப்தியான லாபம் நிச்சயம்’’ என்கிறவர், இந்த பிசினஸில் இறங்க நினைப்போருக்கு வழிகளைக் காட்டுகிறார்.

என்னென்ன தேவை?
முதலீடு?
‘‘பாரஃபின் வாக்ஸ் சிப்ஸ்
(1 கிலோ & 70 ரூபாய்), மெட்டல் மோல்டு (ஆயிரம் ரூபாய்), பொம்மையை அலங்கரிக்க கண், மூக்கு (1 பாக்கெட் & 5 ரூபாய்), வாக்ஸ் கலர் (1 பாக்ஸ் & 10 ரூபாய்). பேக்கிங் செய்ய பிளாஸ்டிக் ஷீட் (ஒன்று & 1 ரூபாய்).
மோல்டுக்கான செலவுதான் கொஞ்சம் அதிகம். ஆனா, அது ஒரே முறை முதலீடுதான். முதல் முறை தொழில் தொடங்கறப்ப 1,500 ரூபாய் முதலீடு போட்டா போதும்.’’

லாபம்? விற்பனை வாய்ப்பு?
‘‘ஒரு கிலோ மெழுகில் 100 பொம்மைகள் செய்யலாம். 2 மணி நேரத்தில் இதைச் செய்து விடலாம். ஒரு பொம்மையை 10 ரூபாய்க்கு விற்கலாம். கடைகளில் அதை 20 ரூபாய்க்கு விற்கிறார்கள்.’’

பயிற்சி?
‘‘ஒரே நாள் பயிற்சி. கட்டணம் 300 ரூபாய்.’’

-சாந்தி

Contact: 91-44-42209191 Extn:2234

1 comments:

appadiyae raw materials la yenga kidaikum nu sonna nalla irukkum

Post a Comment

Share

Twitter Delicious Facebook Digg Stumbleupon Favorites