இந்ததளத்திற்கு வருகை தரும் உங்களை இன் முகத்தோடுவரவேற்கிறேன் .என் நட்புக்கள் அனைவருக்கும் ஏக இறைவனின் சாந்தியும் சமாதானமும் நம் அனைவர்கள் மீதும் நிகழட்டுமாக !!!

• எங்கும் உயர்ந்தே நில்! எதிலும் தமிழே சொல்!! வறுமை கண்டு நொருங்காதே! வாய்ப்பு இருக்கு மறக்காதே!! விதையென விழு! விருட்சமென எழு!! உறுதியான உள்ளம் ! உலகை வெல்லும் !! ;

விவசாயத்தை தொழிலாக்கு! இந்தியாவை வளமாக்கு!! உயர்ந்தவனாய் இரு! பிறரை உயர்த்துபவனாய் இரு!! சிந்தனையில் சீற்றம்! வாழ்க்கையில் ஏற்றம்!! மூச்சு உள்ளவரை முன்னேறு ! முடியும் என்பவர்க்கே வரலாறு !! ;

.

• முடியும் என்றே முன்னேறு! வெற்றி என்பதே உன்பேரு!! செயலில் மேதையாகு! பலருக்கு பாதையாகு!! வல்லமையை வெளிப்படுத்து! வாழும் உலகை வசப்படுத்து!! முடியும் என்பதுதான் முன்னேற்றத்தின் முதல்படி !!

.

• பண்பில் உயர்ந்து நில் ! பணியில் உயர்ந்து செல் !! அனுபவத்தைப் பாடமாக்கு ஆனந்தத்தைப் பதவியாக்கு தடைகளைத் தகர்த்திடு சாதிப்புகளை நிகழ்த்திடு !!

.

Showing posts with label சாண எரி வாயு. Show all posts
Showing posts with label சாண எரி வாயு. Show all posts

Wednesday, December 11, 2013

மாடு, ஆடு, கோழி கழிவிலிருந்து எரிவாயு...


வினை விதைப்பவன் வினை அறுப்பான்’ என்பது போல, தனியார்மயத்தின் விளைவை அனுபவிக்க ஆரம்பித்துவிட்டது இந்தியா. பெட்ரோல் உள்ளிட்ட அத்தியாவசியத் துறையில் தனியார் ஆதிக்கம் செலுத்தத் தொடங்கிய பிறகு, மாதம் இரண்டு முறை பெட்ரோல், டீசல் ஆகியவற்றின் விலை ஏறுகிறது. சமையல் எரிவாயு சிலிண்டர் விலை விண்ணில் பறக்கிறது. 'ஆண்டுக்கு ஒன்பது சிலிண்டர்கள் மட்டுமே மானியத்தில் கொடுப்போம்...’ என கறார் காட்டுகிறது, அரசு. 'இதை எப்படி சமாளிப்பது?’ எனத் தெரியாமல், எரிவாயு இல்லாமலே எரிகிறது, சாமானியனின் வயிறு.
இந்நிலையில், ''விலைவாசியைப் பற்றி கவலைப்படுவதைவிட, அதை எப்படி சமாளிக்கலாம் என்று யோசிப்பதுதான் நல்லது. வீடுகளில் ஆடு, மாடு வைத்திருப்பவர்கள்... தமிழக அரசின் விலையில்லா ஆடு, மாடுகளை வாங்கியிருக்கும் ஏழை நடுத்தர மக்கள்... அந்தக் கால்நடைகளின் கழிவுகள்  மூலமாகவே சமையல் எரிவாயுப் பிரச்னையைத் தீர்க்க முடியும்'' என்கிறார், கன்னியாகுமரியிலுள்ள விவேகானந்தா கேந்திராவின் இயற்கை வள அபிவிருத்தி மையத்தின் திட்ட ஒருங்கிணைப்பாளர் ராமகிருஷ்ணன்.
தொடர்ந்த ராமகிருஷ்ணன், ''சமையலறைக் கழிவுகளில் இருந்து எரிவாயு தயாரிக்க உதவும் வகையில், 'சக்தி சுரபி’ என்ற பெயரில் ஒரு கலனை ஏற்கெனவே அறிமுகப்படுத்தி இருக்கிறோம். இதைப் பற்றி, 'பசுமை விகடன்' மற்றும் 'அவள் விகடன்' இதழ்களிலும் எழுதியிருக்கிறீர்கள்.
அதன் தொடர்ச்சியாக ஒரு மாடு, நான்கைந்து ஆடுகள், கொஞ்சம் கோழிகள் வைத்திருக்கும் அடித்தட்டு மக்களும் பயன்பெறும் வகையில், புதிதாக ஒரு கலனை வடிவமைத்துள்ளோம். நான்கு அடி உயரம், மூன்றரை அடி விட்டம் கொண்ட இந்தக் கலனில்,  உட்செலுத்தும் குழாய், செரிப்பான், வாயு சேகரிப்பான்(இந்த வாயு சேகரிப்பான், வாயு சேர்ந்த பிறகு மிதக்கும். இதை மிதக்கும் கலன் என்றும் சொல்வார்கள்.)  ஸ்லர்ரி (சாணக்கழிவுக் குழம்பு) வெளியேறும் பகுதி, உற்பத்தியான வாயுவை வெளியே கொண்டு செல்லும் குழாய் என மொத்தம் ஐந்து பாகங்கள் இருக்கும்.
இரண்டு வாரத்தில் எரிவாயு!
முதல் முறை உற்பத்தி தொடங்கும்போது... 400 கிலோ சாணத்தை, 400 லிட்டர் தண்ணீரில் நன்கு கரைத்துவிட வேண்டும். இந்த அளவு கரைசல் எப்பொழுதுமே கலனில் இருக்க வேண்டும். இந்தக் கரைசலுக்கு 'ஸ்டார்ட்டர் கரைசல்' என்று பெயர். இக்கரைசலை உட்செலுத்தும் குழாயில் புனல் மூலம் ஊற்றி, மூடிவிட வேண்டும். சாணத்தில் வைக்கோல் முதலிய மிதக்கும் குப்பைகள் இல்லாமல் பார்த்துக் கொள்வது முக்கியம். இந்தக் கரைசலில் 'அனோரபிக்' பாக்டீரியாக்கள் அதிக அளவில் உற்பத்தியாவதால், அந்தக் கலனில் இருக்கும் மிதக்கும் கலன் ஒருவாரத்தில் படிப்படியாக உயரத் தொடங்கும்.
எரிவாயு உற்பத்தியாக உற்பத்தியாக கலன் உயரும். இரண்டு வாரத்தில் சாண எரிவாயு முழுவதுமாக உற்பத்தியாகிவிடும். உற்பத்தியான எரிவாயு, வாயு வெளிச்செல்லும் குழாய் மூலம் அடுப்பை அடையும். கலன் அரை அடி உயர்ந்ததுமே, அடுப்பில் தீ பற்ற வைத்து சோதித்துப் பார்க்கலாம். ஆனால், முதல் 5 நாட்கள் வரை உற்பத்தியாகும் வாயுவில், துர்நாற்றம் இருக்கும் என்பதால், அதை அப்படியே வெளியேற்றிவிட வேண்டும். அதன் பிறகு பயன்படுத்த ஆரம்பிக்கலாம்.
தொடர்ந்து, தினமும் கிடைக்கும் சாணத்தில், சம அளவு தண்ணீரையும் சேர்த்து, கலனுக்குள் ஊற்ற வேண்டும். எரிவாயு உற்பத்திக்குப் பிறகு, தேவையற்ற கழிவு (ஸ்லர்ரி) தானாக வெளியேறி விடும். இதை, பஞ்சகவ்யா, ஜீவாமிர்தம், அசோலா வளர்ப்பு ஆகியவற்றுக்குப் பயன்படுத்தலாம். நேரடி உயிர் உரமாகவும் பயன்படுத்தலாம்.
இக்கலனில், மாட்டுச் சாணம், ஆட்டுப் புழுக்கை, கோழி எரு என எதை வேண்டுமானாலும் பயன்படுத்தலாம். விலையில்லா ஆடுகள் அதிகரித்து வருவதால், அவற்றின் கழிவுகளை முறையாக பயன்படுத்தினால், எரிவாயுச் செலவை மிச்சப்படுத்துவதோடு, ஊட்டமேற்றிய உரமும் போனஸாக கிடைக்கும். இதில், 15 ஆடுகளின் கழிவை இட முடியும். அதேபோல 50 கோழிகளின் கழிவை இதில் இட முடியும். மாடுகள் அதிகமாக இருந்தால்... சாண எரிவாயுக் கலன் மூலமாக, மின்சார உற்பத்தியும் செய்யலாம்'' என்ற ராமகிருஷ்ணன்,
21 ஆயிரம் ரூபாய்!
''இதை எங்கள் மையத்தில் தயாரித்து விற்பனை செய்கிறோம். தற்போது ஃபைபரால் செய்யப்பட்ட கலன் மட்டுமே அமைத்துக் கொடுக்கிறோம். கலன் மற்றும் சாண எரிவாயு அடுப்பு ஆகியவற்றுக்கு 19 ஆயிரம் ரூபாயும், எரிவாயுக் குழாய் இணைப்புக்கு 2 ஆயிரம் ரூபாயும் சேர்த்து மொத்தம் 21 ஆயிரம் ரூபாய் செலவாகும். ஃபைபர் கலன் என்பதால், செலவு சற்று கூடுதலாக இருக்கிறது. பிளாஸ்டிக் அல்லது சிமெண்ட் தொட்டிகள் மூலம் அமைத்தால் செலவு குறையும். அதற்கான சோதனை முயற்சியில் ஈடுபட்டு வருகிறோம்.
ஓரிடத்தில் இருந்து மற்றொரு இடத்துக்கு எளிதில் கொண்டு செல்லலாம். வீட்டுக்கு அருகே சாணத்தை குவித்து வைத்தால், ஈ, கொசுத்தொல்லை இருக்கும். அதற்கு பதிலாக, எரிவாயுக் கலனை அமைப்பதன் மூலம், சமையலுக்குத் தேவையான வாயு கிடைப்பதோடு... கூடுதல் பலனாக... ஊட்டமேற்றப்பட்ட உரமும் கிடைக்கும். வயல்வெளிப் பயிர்கள், வீட்டுத் தோட்டப் பயிர்களுக்கெல்லாம் இது அருமையான உரம்'' என்று சொன்னார்.
தொடர்புக்கு, ராமகிருஷ்ணன்,
செல்போன்: 94426-53975.

Sunday, September 15, 2013

மாற்று எரிபொருள்: GOBAR GAS PLANT CONSTRUCTION.

மாட்டு சாணியிலிருந்து மீத்தேன் தயாரித்து அதில் இருந்து பெட்ரோல் தயாரிப்பது எப்படினு ஒரு பதிவு போடலாம்னு ஒரு சிந்தனை ஓடிக்கொண்டிருந்தது, அந்த நேரம் பார்த்து "மாடு ஏப்பம்" விடும் போதும், காற்றை ஃப்ரியா விடும் போதும் மீத்தேன் வருது என "மாமிச உணவுக்காக மிருகங்கள் வளர்ப்பதால் புவி வெப்பமாகிறது என சகோ.சார்வாகன் ,
சுட்டி பதிவு போட்டுவிட்டார், இனிமேலும் சும்மா இருந்தால் மாட்டு வாயிலும், பின்னாலும் டியூப் சொறுகி மீத்தேன் தயாரிப்பது எப்படினு பதிவு போட வேண்டியதாயிருக்கும் என்பதால் சாண எரிவாயு தயாரிப்பதை பதிவா போட்டுறலாம்னு களம் இறங்கியாச்சு, அடுத்த பாகத்தில் சாண எரிவாயுவை பெட்ரோல் ஆக்கிடலாம் :-))

சாண எரிவாயுவை பொதுவாக கோபர் கேஸ் என்பார்கள், கோபார்(Gobar) என்றால் இந்தியில் மாட்டுசாணம், மாட்டு உரம்(cow manure), எனப்பொருள், நேபாளியிலும் மாட்டுச்சாணம் என்றே பொருள்.

உலகிலேயே அதிக கால்நடைகள் கொண்ட நாடு இந்தியா, 529 million cattles, and 648.8 millions of poultry உள்ளது. ஒரு மாடு தினசரி சராசரியாக 10 -12 கிலோ சாணியிடும்,இது மாட்டின் அளவு, இனம், உண்ணும் உணவுக்கு ஏற்ப மாறுபடலாம்(சிலப்பேர் எங்க வீட்டு மாடு 100 கிலோ சாணிப்போடும் என முட்ட வரலாம்!)

இந்தியாவில் உற்பத்தியாகும் சாணி முழுவதும் மீத்தேன் ஆக்க முடிந்தால் சுமார் 30% எரி பொருள் தேவையை குறைக்கலாம் என ஒரு ஆய்வு சொல்கிறது.மற்ற பயன்ப்பாடுகளை செய்ய கூடுதல் செலவிட வேண்டும், ஆனால் கோபர் கேசினை அப்படியே வழக்கமான கேஸ் ஸ்டவ் மூலம் எரித்து சமையல் செய்ய பயன்ப்படுத்தலாம்,இந்தியாவில் பெரும்பாலும் சமையல் செய்யவே கோபார் கேஸ் பயன்ப்படுகிறது.மேலும் வளி மண்டலத்தில் கலக்கும் மீத்தேனின் அளவும் குறைந்து சுற்று சூழலும் பாதுகாக்கப்படும்.

சாணத்தின் பண்புகள்:

மாட்டு சாணத்தில்,80% நீரும் 20% மட்டுமே திடப்பொருளும் சராசரியாக இருக்கும்,


20% திட சாணத்தில் உள்ள மூலங்களின் அளவு.

நைட்ரஜன்=1.8-2.4 %
பாஸ்பரஸ்=1-1.2%
பொட்டாசியம்=0.6-0.8%

கரிமக்கழிவு=50-75%,

எனவே ஒரு டன் ஈர சாணம் காய்ந்தால் 200 கிலோ எடை மட்டுமே இருக்கும்.

இச்சாணம் காற்றில்லா நொதித்தல் வினைக்கு உட்படும் போது ஒரு வாயுக்கலவை உருவாகும் அதற்கு பெயரே கோபர் கேஸ், இதில் மீத்தேன் பெரும்பான்மையாக இருக்கு.

மீத்தேன்.-68%

கரியமிலவாயு=31%

நைட்ரஜன்ன் வாயு= 1%

பாஸ்பரஸ் சல்பைடு=1%

மீத்தேன் வாயுவின் எரிதிறன்=678 பிரிட்டிஷ் தெர்மல் யூனிட்.

கோபார் கேஸ் பிளாண்ட்:

இடம் தேர்வு செய்தல்:

# சமதளமான , தண்ணீர் தேங்காத மேடான இடம்.

#நெகிழ்வான மண் இல்லாமல்,கடினமான மண் கொண்ட தரையாக இருக்க வேண்டும்.
காரணம்: டைஜெஸ்டரில் வாயு உற்பத்தியாகும் போது ஏற்படும் அழுத்தத்தினால் கட்டுமானம் விரிவடையாமல் தடுக்க சுற்றுப்புற மண் அழுத்தமாக உறுதியாக இருக்க வேண்டும்.

# மாட்டு தொழுவத்திற்கும், சமயலைறைக்கும் பொதுவாக அருகாமையான இடமாக இருக்க வேண்டும்.

#நிலத்தடி நீர் அதிகம் ஊறாத இடமாக இருக்க வேண்டும்.

# கிணறு போன்ற நீர் நிலைகளூக்கு அருகமையில் அமைக்க கூடாது.

# நல்ல திறந்த வெளியாக காற்றோட்டம், சூரிய ஒளி படக்கூடிய இடமாக இருக்க வேண்டும்.

#அருகில் மரங்கள் இருக்க கூடாது,காலப்போக்கில் மரத்தின் வேர் கட்டுமானத்தில் விரிசல் விட வைக்கும்.

# வேறு கட்டுமான அமைப்பு,சுவர்கள் ஆகியவற்றில் இருந்து போதுமான இடைவெளி விட வேண்டும், குறைந்தது 1.5 மீ இடை வெளி இருக்கலாம்.

சுமார் 10 மாடுகள் கொண்ட குடும்பத்திற்கு தேவையான சாண எரிவாயு உற்பத்தி செய்யும் கலன் அமைப்பதைக்காணலாம்.

பெரும்பாலும் கோபார் கேஸ் சமையலுக்கு பயன்ப்படுத்தப்படுவதால், பிளாண்ட் அமைக்கும் போது சமையலறைக்கு பக்கமாக இடம் தேர்வு செய்தல் நல்லது.

சாணஎரிவாயு கலன் இரு வகையில் அமைக்கப்படும் ,

தரை மட்டத்திற்கு கீழ் மற்றும் மேல் என, இதில் நிலையான வாயுக்கலன், மிதக்கும் வாயுக்கலன் என இரண்டு வகை இருக்கு.

சாண எரிவாயு கலனின் பாகங்கள்:

1)உள்ளீடு தொட்டி(inlet chamber)

2)வெளியேற்றும் தொட்டி(out let chamber)

3) நொதிக்கும் அறை(digester)

4) வாயு சேகரிக்கும் கலன்(gas holding dome)

ஆகியவை இருக்கும்.

பொதுவாக அனைத்தின் செயல் முறையும் ஒன்று போலவே, எனவே இப்போது தரைக்கீழ் , நிலையான வாயுகலன் சாண எரிவாயு அமைப்பினை பார்க்கலாம்.

சாண எரிவாயு கலன் திட்ட வரைப்படம்:


10 மாடுகளின் சாணியில் இருந்து சாண எரிவாயு தயாரிக்க சுமார் 100 கன அடிக்கொள்ளவு கொண்ட வாயு சேகரிப்பு கலன் உடைய அமைப்பு தேவைப்படும்.

எனவே சுமார் 5.5 அடி விட்டத்தில் சுமார் 10 அடி ஆழம் உள்ள பள்ளம் வெட்ட வேண்டும்.
அடித்தளம் அமைக்க ஒரு 1 அடி தடிமனில் கான்கிரிட் தளம் அமைக்க வேண்டும், அதில் வட்ட வடிவில் முறுக்கு கம்பிகளை அமைத்து , இணையாக வரிசையாக கம்பி வளையங்களுடன் 10 அடி உயரத்திற்கு ரீ-இன்போர்ஸ்டு கான்கிரிட் சுவர் உருளை வடிவில் அமைக்க வேண்டும்.

செலவினை குறைக்க பொதுவாக செங்கல் கொண்டும் அமைப்பார்கள், மேலே வரும் வாயு சேமிக்கும் டோம் மட்டும் கான்கிரிட்டில் அமைத்துக்கொள்வார்கள்.
நொதிக்கும் தொட்டி/டைஜெஸ்டரின் அளவு வாயு சேகரிக்கும் கலனைப்போல சுமார் 2.75 அளவுக்கு இருக்க வேண்டும். உதாரணமாக ஒரு கன மீட்டர் சாண எரிவாயு சேகரிக்கும் கலனுக்கு 2.75 கனமீட்டர் அளவுள்ள டைஜெஸ்டர் அமைக்க வேண்டும்.எனவே நாம் எவ்வளவு சாணியை தினசரி பயன்ப்படுத்தப்போகிறோம் என்பதை பொறுத்து , சாண எரிவாயு கலனை வடிவமைக்க வேண்டும்..
பெரிய சாண எரிவாயு கலன் அமைத்துவிட்டு , குறிப்பிட்ட அளவை விட குறைவான சாணத்தினை பயன்ப்படுத்தினால் உற்பத்தியாகும் வாயு ,கலனில் குறிப்பிட்ட அழுத்தத்தினை உருவாக்காது, எனவே குழாய் வழியே பயன்ப்பாட்டுக்கு வெளியில் வராமல் கலனிலேயே இருக்கும்.

இத்தொட்டி போன்ற அமைப்பின் மையத்தில் ஒரு பிரிப்பு சுவரும் அமைக்கப்படும், இதன் மூலம் உள்ளீடு தொட்டி ,வெளியேற்றும் தொட்டி என இரண்டு பாகமாக தொட்டியமைந்து விடும்.இத்தடுப்பு சுவர் டைஜெஸ்டர் விட்டம் 1.6 மீட்டருக்கு அதிகமான அமைப்பில் மட்டும் தேவைப்படும், சிறிய அமைப்புக்கு தேவை இல்லை.

இப்படி அமைக்கும் போதே , ஒரு பக்கம் சாணம் இட ,மற்றும் பயன்ப்படுத்தி முடித்த சாணக்கரைசல் வெளியேற குழாய்கள் /கட்டுமான அமைப்பு என பொறுத்திவிடவேண்டும்.இக்குழாய்கள் சாய்வாக,தொட்டியின் அடிப்பாகத்தில் ,ஒவ்வொரு அறையின் மையமாக இருக்குமாறு , தாங்கும் அமைப்புடன் அமைக்கப்பட்டிருக்கும்.

அரை கோள வடிவிலான கம்பிவலையமைப்பு ,உருவாக்கி கான்கிரிட் டோம் அமைத்தல்.இந்த டோம் போன்ற அமைப்பே சாண எரிவாயு சேகரிக்கும் கலனாக செயல்ப்டுகிறது.இந்த டோம்மில் சாண எரிவாயு வெளியேற வால்வுடன் கூடிய வெளியேறும் குழாய் ,மையத்தில் அமைக்கப்படும்.
சாண எரிவாயு கலனை இயக்குதல்:

முதல் முறை சாண எரிவாயு உற்பத்தி செய்ய சுமார் 500 கிலோ சாணத்தினை ,திடப்பொருட்கள்,கல் போன்றவற்றை நீக்கிவிட்டு 500 லிட்டர் நீரில் கரைத்து கரைசலாக உள்ளே இட வேண்டும், இந்த அளவு எப்போதும் உள்ளே இருக்கும், இது ஸ்டார்ட்டர் கரைசல் எனப்படும்.

சுமார் ஒரு வாரம் சென்ற பின் ,முதலில் உற்பத்தியாகும் வாயு பெரும்பாலும் கரியமில வாயுவே எனவே அவற்றை திறந்து வெளியில் விட்டு விட வேண்டும், பின்னர் வரும் வாயுவினை சேகரித்துப்பயன்ப்படுத்தலாம்.

தினசரி வாயு உற்பத்திக்கு கலனின் திறனுக்கு ஏற்ப சாணக்கரைசல் இட வேண்டும், 10 கிலோ சாணி எனில் 10 லிட்டர் நீரில் கரைக்க வேண்டும்,அதாவது 1:1 என்ற விகிதத்தில் கரைசல் தயாரிக்க வேண்டும். கரைசலை உள்ளீடு தொட்டி வழியாக இட்டு மூடிவிட்டால் சுமார் 4 மணி நேரத்தில் முழு அளவில் சாண எரிவாயு உற்பத்தியாகிவிடும், அதனை குழாய்வழியாக கொண்டு சென்று தேவைக்கு ஏற்ப பயன்ப்படுத்தலாம்.

நொதித்தல் வினைக்கு பின் பயன்ப்படுத்தப்பட்ட சாணி( Humus) ,வெளியேற்றும் தொட்டி மூலம் தானாக வந்துவிடும் அதனை சேகரித்து ,உரமாக பயன்ப்படுத்தலாம்.

கோபார் கேஸ் பிளாண்ட் அமைக்க அரசு "MNRE" மூலம் 25-75% மாநியம் அளிக்கிறது, மேலும் தேசிய வங்கிகள் மூலம் கடனுதவியும் பெறலாம்.ஒரு நடுத்தர கோபர் கேஸ் பிளாண்ட் அமைக்க சுமார் ஒரு லட்சம் வரை ஆகலாம், நமது தேவை மற்றும் கட்டுமானத்தின் தரத்தினைப்பொறுத்து செலவு மாறுபடும்.



தற்போது சின்டெக்ஸ் டேங்க் தயாரிப்பாளர்கள், முழுக்க பிளாஸ்டிக்கால் ஆன சாண எரிவாயு அமைப்பினை தயாரித்து விற்கிறார்கள், அப்படியே வாங்கி ,பள்ளம் வெட்டி புதைத்துவிட்டு பயன்ப்படுத்த வேண்டியது தான்.

இந்த சாண எரிவாயு கலனில் மாட்டு சாணம் மட்டும் அல்லாமல் ,ஆடு,கோழி,பன்றி,குதிரை, என அனைத்து வகையான மிருகக்கழிவுகளும் பயன்ப்படுத்தலாம், ஏன் மனித கழிவுகளும் பயன்ப்படுத்தலாம், நாம் தான் பயன்ப்படுத்த யோசிப்போம்,சீனர்கள் மனிதக்கழிவு மற்றும் கால்நடை கழிவு என இரண்டையும் பயன்ப்படுத்தும் வகையில் ஒருங்கிணைந்த சாண எரிவாயு கலன் வடிவமைத்துப்பயன்ப்படுத்துகிறார்கள்.

திட்ட வரைப்படம்:

சாண எரிவாயு உற்பத்தி திறன்:

ஒரு கிலோ பசும் சாணத்தில் இருந்து ஒரு கன அடி சாண எரிவாயு உற்பத்தி செய்யலாம்.

ஒரு கன அடி= சுமார் 28 லிட்டர்,

ஒரு மாடு தினசரி 10 கிலோ சாணம் இடும் எனில் , 10 மாடுகள் இடும் சாணம்,
=10*10= 100 கிலோ
100*28=2800 லிட்டர் சாண எரிவாயு கிடைக்கும்.

ஒரு கன மீட்டர் சாண எரிவாயு ஒரு கிலோ வாட் பவருக்கு சமம் ஆகும், எனவே,

2800 லிட்டர் =2.8 கிலோ வாட்/மணி.

ஒரு குடும்பம் சமைக்க தேவையான எரிவாயு உற்பத்தி செய்ய சுமார் 4-5 மாடுகள் இருந்தாலே போதும்.

10 மாடுகள் மூலம் சாண எரிவாயு உற்பத்தி செய்யும் போது உபரியாக வாயு கிடைக்கும் அதனைக்கொண்டு , எரிவாயு விளக்கு எரிக்கலாம், அல்லது மின்சாரம் உற்பத்தி செய்யலாம். சின்டெக்ஸ் நிறுவனமே ஒரு போர்ட்டபிள் சாண எரிவாயு ஜெனெரேட்டரும் விற்கிறார்கள்.


மேலும் சாண எரிவாயு உற்பத்திக்கு பின் கிடைக்கும் , சாணம் மிகுந்த ஊட்டச்சத்து மிக்க தொழு உரம் ஆகும். மேலும் பல வகையிலும் சாண எரிவாயுவினை பயன்ப்படுத்த முடியும் ,அதனை விளக்கும் படம்.

சாண எரிவாயுவில் மிகுதியாக மீத்தேனும் , குறைந்த அளவில் பிற வாயுக்களும் உள்ளது. பிற வாயுக்களை நீக்கிவிட்டு அழுத்திய மீத்தேனை வாகன எரிப்பொருளாக பயன்ப்படுத்தலாம்.
225 கன அடி சாண எரிவாயு ஒரு கேலன் பெட்ரோலுக்கு சமம் என்கிறார்கள், ஒரு மாடு மூலம் ஒரு ஆண்டுக்கு 50 கேலன் பெட்ரோலுக்கு இணையான சாண எரிவாயு உற்பத்தி செய்ய முடியும். எனவே ஒரு வாங்கினால் நமக்கு பால் மட்டும் கொடுக்காமல் 50 கேலன் பெட்ரோலும் கொடுக்கும் என்பதை மறக்க வேண்டாம் :-))

சாண எரிவாயுவை சுத்திகரித்து வாகனத்திற்குப்பயன்ப்படுத்துதல்:

சாண எரிவாயு சுத்திகரித்தல்:

# லைம் வாட்டர் வழியாக சாண எரிவாயுவை செலுத்தி கரியமில வாயு நீக்கப்படும்.

#இரும்புதுகள் வடிக்கட்டி வழியாக செலுத்தி ஹைட்ரஜன் சல்பைடு நீக்கப்படும்.

#கால்சியம் குளோரைடு பில்டர் மூலம் நீராவி/நீர் திவளை நீக்கப்படும்.

சுத்திகரிக்கப்பட்ட சாண எரிவாயுவினை மூன்றடுக்கு முறையில் அழுத்தம் செய்ய வேண்டும்,

முதல் கம்பிரஷரில் 10 கி/ச.செமி என அழுத்தப்படும்,

பின்னர் இரண்டாவது நிலையில் 60கி/ச.செமீ என அழுத்தப்படும்,

மூன்றாவது நிலையில் 250 கி/ச.செமி என அழுத்தி கலனில் சேகரித்து வைக்கப்படும்.

இதனை CNG-Compressed Natural Gas இல் இயங்கும் அனைத்து வாகனத்திலும் செலுத்தி இயக்கலாம். ஏனெனில் பெட்ரோலிய எரிவாயுவில் 80% மீததேனும் இதர பெட்ரோலிய வாயுக்களே உள்ளன.

Wednesday, June 5, 2013

சாண எரிவாயு உற்பத்தியில் அடுத்த மைல் கல்.

வந்தாச்சு, பாலிதீன் கலன்!

சாண எரிவாயு உற்பத்தியில் அடுத்த மைல் கல்...
ஜி. பழனிச்சாமி, நவீன் முருகேசன்
படங்கள்: க. ரமேஷ்.
புதிய நுட்பம்
வருஷத்துக்கு ஆறு சிலிண்டர் தந்தா என்ன... அறுபத்தி நாலு சிலிண்டர் தந்தா என்ன... இதைப் பத்தியெல்லாம் எங்களுக்குக் கவலையே இல்லை. ஏன்னா... நாங்க தோட்டத்துலயே கேஸ் உற்பத்தித் தொழிற்சாலை வெச்சுருக்கோம்ல'' என்று தெம்பாகச் சொல்கிறார்கள், கோயம்புத்தூர் மாவட்டம், சுல்தான்பேட்டை அடுத்துள்ள, சாளைப்பாளையம் கிராமத்தைச் சேர்ந்த தங்கவேல்-கவிதா தம்பதி!

இவர்கள் அமைத்திருப்பது... சாண எரிவாயுக் கலன். இது, வழக்கம்போல... இரும்புக் கலன், சிமென்ட் தொட்டி என்று இல்லாமல், எளிதாகக் கையாளக் கூடிய வகையில் 'பாலிதீன் ஷீட்’டில் தயாரான புதுவகைக் கலனாக இருப்பது... கூடுதல் சிறப்பு!
''படிச்சு முடிச்சதும் விவசாயத்துக்கு வந்துட்டேன். அதுக்கு தோதா தோட்டத்துலயே வீட்டைக் கட்டி குடிவந்துட்டேன். ஆரம்பத்துல விறகு அடுப்புதான். அப்பறம், புகையில்லாம சமைக்கறதுக்காக கேஸ் சிலிண்டருக்கு மாறினோம். ஆனா, கிராமத்துல சிலிண்டர் கிடைக்கறது ரொம்ப கஷ்டமா இருந்துச்சு. மாசத்துக்கு ஒரு தடவைதான் சிலிண்டர் வண்டி வரும். அன்னிக்கு காலி சிலிண்டரோட மெயின் ரோட்டுல காத்துக் கிடக்கணும். அதெல்லாம் நமக்கு சரிப்பட்டு வரல. அதனாலதான், மாட்டுச் சாணத்துல இருந்து கேஸ் உற்பத்தி பண்ணலாம்னு முடிவுக்கு வந்தேன்.
இதைப் பத்தி விசாரிச்சப்ப, 'சாண எரிவாயுக் கலன், இரும்பு டிரம்லதான் அமைக்கணும். பெரியக் கிடங்கு வெட்டி, சிமெண்ட் பூசி பதிக்கணும். அதுக்கு செலவு அதிகமாகும். துருப்பிடிச்சு போச்சுனா பிரச்னை வரும்’னு ஆளாளுக்கு ஒவ்வொரு கருத்து சொன்னாங்க. 'என்ன செய்யலாம்?'னு யோசிச்சுட்டு இருந்த சமயத்துலதான் 'பாலிதீன் பயோ கேஸ் ஹோல்டர்’னு ஒரு விஷயத்தைக் கேள்விப்பட்டு, அதை வாங்கிப் போட்டுட்டோம்'' என்ற தங்கவேலைத் தொடர்ந்த கவிதா...
''இதைப் போட்டு ரெண்டு வருஷம் முடிஞ்சுடுச்சு. இதுல சாணம் மட்டுமில்லாம, காய்கறிக்கழிவு, தீவனக்கழிவு எல்லாத்தையும் பயன்படுத்த முடியும். ஒரு கிலோ சாணத்துக்கு ஒரு கிலோ தண்ணிங்கிற கணக்குல கரைச்சு ஊத்தணும். மத்தக் கழிவுகளா இருந்தா... நல்லா நசுக்கி, தண்ணில கரைச்சு ஊத்தணும். தினமும் 20-25 கிலோ அளவுக்கு சாணத்தை ஊத்துறோம். நாள் முழுக்க தட்டுப்பாடு இல்லாம கேஸ் கிடைச்சுடுது. கேஸ் உற்பத்தி முடிஞ்சு வெளியாகுற கழிவை (ஸ்லர்ரி), தென்னை மரங்களுக்கு உரமாக்கிடறோம்'' என்று சொன்னார்.
மனைவியை ஆமோதித்த தங்கவேல், எரிவாயுக் கலனின் தொழில்நுட்ப விஷயங்கள் பற்றி சொல்ல ஆரம்பித்தார்.
''இது, பல கொள்ளளவுகள்ல கிடைக்குது. நமக்குத் தேவையான அளவுல வாங்கிக்கலாம். நாங்க, 1 கன மீட்டர் கொள்ளளவு உள்ள ஹோல்டர் போட்டுருக்கோம். 4 அடி நீள, அகலத்தில், 3 அடி ஆழத்தில் குழி எடுத்து, அதுக்குள்ள இந்த ஹோல்டர வெச்சுடலாம். சிமெண்ட் பூச்செல்லாம் தேவையில்லை. வாயு அதிகமா உற்பத்தியாகும்போது, ஹோல்டர் மேலே எழும்பி வராம இருக்கறதுக்காக சுமார் 10 கிலோ எடையுள்ள ஒரு மூட்டையை ஹோல்டர் மேல வைக்கணும்.
நாலு மணி நேரம் தொடர்ந்து எரியுற அளவுக்கான கேஸ், இந்த ஒரு கனமீட்டர் ஹோல்டர்ல இருந்து கிடைக்கும். இது பெரிய பலூன் மாதிரி 'திக்’கான பாலிதீன்ல தயார் பண்ணியிருக்கறதால... வெயில், மழையால பாதிப்பு இல்லாம பத்து வருஷம் வரைக்கும் உழைக்கும்னு சொல்றாங்க. முள், ஆணி பட்டாலும் ஓட்டையாகாது. அப்படியும் ஓட்டை விழுந்தா... பஞ்சர் பாக்கறதுக்கும் வசதி இருக்கு. சாணம் கரைச்சு ஊத்துறதுக்கு ஒரு பெரியத் துளை, கழிவுகள் வெளியேறுறதுக்கு ஒரு பெரியத் துளை, கேஸ் வர்றதுக்கு சின்னத் துளை இது மூணும் இதுல இருக்கு.
முதல்ல அமைக்கறப்போ... 300 கிலோ சாணத்தை, 300 கிலோ தண்ணில கரைச்சு ஊத்தணும். காய்ஞ்ச சாணமாக இருந்தா... கேஸ் வெளிய வர ஒரு மாசம் ஆகும். புது சாணமா இருந்தா... 15 நாள்ல வந்துடும். கேஸ் வர ஆரம்பிச்ச பிறகு, தினமும் 20 கிலோ... இல்லனா... 25 கிலோ சாணத்தை தண்ணில கலந்து ஊத்தணும். இதுக்கு, வீட்டுல ரெண்டு மாடு இருந்தாலே போதும். சாண எரிவாயு தண்ணி அளவு சரியா இருக்கணும். கூடவோ, குறைச்சலாவோ இருந்தா... வாயு உற்பத்தி அதுக்கு தகுந்தபடிதான் இருக்கும்'' என்று சொன்னார்.
நிறைவாகப் பேசிய தம்பதி, ''இப்போல்லாம், 'சிலிண்டர் விலை ஏறிப்போச்சு’னு யாராவது எங்ககிட்ட புலம்பினா, 'கையில வெண்ணெய வெச்சிட்டு நெய்க்கு ஏன் அலையுறீங்க?னுதான் திருப்பிக் கேக்குறோம். இதுக்கு 10 ஆயிரம் ரூபாய்தான் மொத்தச் செலவு ஆச்சு. நாங்க ரெண்டு வருஷத்துலயே 5 ஆயிரம் ரூபாய் வரைக்கும் கேஸ் செலவுல அதை ஈடுகட்டிட்டோம். அதில்லாம இதுல விபத்து நடக்கவும் வாய்ப்பில்லை. இதைப் பயன்படுத்த ஆரம்பிச்சுட்டா... கேஸ் பத்தின கவலையே இல்லாம இருக்கலாம்'' என்று விடை கொடுத்தனர்.
தொடர்புக்கு, கே. தங்கவேல்,
செல்போன்: 94880-42428.

''நாலு மாடு இருந்தா... நாமதான் நெய்வேலி!''
சுற்றுச்சூழலுக்கு பங்கம் இல்லாத மின்சாரத்தின் மூலம் சார்ஜ் செய்யப்படும் பேட்டரி பைக்கினை கடந்த இரண்டு ஆண்டுகளாகப் பயன்படுத்தி வருகிறார். ''30 ஆயிரம் ரூபாய் விலையில் வாங்கிய பின்பு 600 லிட்டர் பெட்ரோலை மிச்சம் செய்துள்ளேன்'' எனச் சொல்லும் தங்கவேல், ''மாடுகளை அதிகரித்து, அதன் மூலம் பயோ கேஸையும் அதிகரித்து, என் குடும்பத்துக்குத் தேவையான சமையல் எரிவாயுவையும் மின்சார உற்பத்தியையும் செய்துகொள்ளப் போகிறேன். இனி வரும்காலங்களில் கண்டிப்பாக விவசாயிகள் அனைவரும் இதை நோக்கி வந்தே ஆகவேண்டும். அரசாங்கம் கொடுக்கும் மின்சாரம், சிலிண்டர் எதுவும் நமக்குத் தேவையில்லை. நாலு மாடு இருந்தால், நாமேதான் நெய்வேலி, நாமதான் கூடங்குளம். அதற்கான நேரம் நெருங்கி விட்டது''என்கிறார் அழுத்தமாக.

நகரத்திலும் பயன்படுத்த முடியும்!
'பயோ கேஸ் ஹோல்டர்' விற்பனை செய்து வரும் சேலம் மாவட்டத்தைச் சேர்ந்த அர்ஜுன் மோகனிடம் பேசியபோது, ''கிராமப்புற மக்கள், விவசாயிகள் மட்டுமல்ல... நகரவாசிகள்கூட இதைப் பயன்படுத்தி சமையல் எரிவாயுவை உற்பத்தி செஞ்சுக்க முடியும். ஒரு வீட்டுக்குத் தேவையான சின்ன அளவுல இருக்குற கலனை, வீட்டு மொட்டை மாடியிலயே வெச்சுப் பயன்படுத்திக்கலாம். அடிக்கடி வீடுமாறினாகூட எடுத்துட்டுப் போக முடியும். கிராமத்து வீடுகள்ல அமைக்கறப்போ சின்னதா குழி எடுத்து, அதுக்குள்ள வெச்சுக்கிட்டா... இந்தக் கலன் உருளாம இருக்கும். நகரங்கள்ல அதுக்கு வாய்பில்லாததால... இரும்பு ஸ்டாண்ட் பயன்படுத்திக்கலாம்.
அடுக்குமாடி வீடுகள்ல இருக்குறவங்க... மொத்தமா சேர்ந்து பெரிய அளவுல அமைச்சு, வீணாகுற கழிவுகளைப் பயன்படுத்தியே கேஸ் உற்பத்தி பண்ணி பகிர்ந்துக்கலாம். காய்கறிக் கழிவுகள், கோழி இறைச்சிக் கழிவுகள், மனிதக் கழிவுகள், பசும்புல், மல்பெரி, பஞ்சகவ்யா, ஜீவாமிர்தம்... உட்பட மட்கக்கூடிய எல்லா பொருட்களையும் இதுக்குள்ள போட்டு, எரிவாயு உற்பத்தி பண்ண முடியும். எலுமிச்சை மாதிரி சிட்ரிக் அமிலம் உள்ள கழிவுகளை மட்டும் பயன்படுத்தக் கூடாது.
கோயம்பேடு, ஒட்டன்சத்திரம், திருப்பூர் மாதிரியான ஊர்கள்ல காய்கறி மார்க்கெட் பக்கத்துல இருக்கறவங்களுக்கு... அதிகளவுல கழிவுகள் கிடைக்கும். அதை வெச்சு, அதிக எரிவாயு உற்பத்தி பண்ணி கரன்ட் கூட தயாரிச்சுக்கலாம். இரும்பு, சிமெண்ட் மூலம் சாண எரிவாயுக் கலன் அமைக்க மானியம் கொடுக்கறாங்க. ஆனா, இந்த பாலிதீன் ஹோல்டருக்கு மானியம் இல்லை. அரசாங்கம் மனசு வெச்சா... இதுக்கும் மானியத்தைக் கொடுத்து, இந்த முறையைப் பரவலாக்க முடியும்'' என்று சொன்னார்

சாண எரிவாயுவில் இருந்து மின்சாரம்!
'சாண எரிவாயுவைப் பயன்படுத்தி வீட்டுக்குத் தேவையான மின்சாரத்தை தயாரிப்பதிலும் முனைப்புடன் ஈடுபட்டுள்ளார், தங்கவேல். அதுபற்றிப் பேசிய தங்கவேல்,
''பழைய அம்பாசிடர் கார் டைனமோவை, சாண எரிவாயு மூலமா சுத்த வெச்சு, கரன்ட் உற்பத்தி பண்ற முயற்சியில இருக்கேன். ஆரம்பக் கட்டம் வெற்றிதான். வீடு முழுக்க இந்த கரன்ட்டை பயன்படுத்துற மாதிரி சீக்கிரமே இதை முழுமையா தயார் பண்ணிடுவேன். அதேமாதிரி, பயோ கேஸ் மூலமாத்தான் என்னோட யமாஹா பைக்கையும் ஓட்டிக்கிட்டிருக்கேன். கேஸை டூ வீலர்ல பயன்படுத்துறதுக்கான கருவியையும் நானே வடிவமைச்சுக்கிட்டேன். வீட்டுல இன்னும் நாலஞ்சு மாடுகள வாங்கிக் கட்டிட்டா... கேஸ் உற்பத்தி தன்னால அதிகரிச்சுடும். அதுக்குப் பிறகு, வீட்டுக்குத் தேவையான கரன்ட், வண்டிகளுக்குத் தேவையான கேஸ் எல்லாத்தையும் நானே உற்பத்தி பண்ணிக்கலாம்னு இருக்கேன். எல்லாரும் இப்படி மாறிட்டாங்கனா, அரசாங்கத்துக்கிட்ட கையேந்த வேண்டிய தேவையே இருக்காதே!'' என்றார் புன்னகையுடன்.

Thursday, November 15, 2012

காஸ் தட்டுப்பாட்டை சமாளிக்க..குறைந்த செலவில் இதை முயற்சித்து பாருங்கள்

விவசாயிகள் மத்தியில் முன்பு சாண எரிவாயுத் தயாரிப்புக்கு நல்ல வரவேற்பு இருந்தது. ஆனால், சாண எரிவாயுக்கலன் அமைக்க 60 ஆயிரம் ரூபாய் வரை செலவாவதோடு, அதைப் பராமரிப்பதும் சிரமமாக உள்ளது. இதுபோன்ற சில காரணங்களால் சாண எரிவாயு உபயோகம் படிப்படியாகக் குறைந்து வருகிறது. ஆனால், இந்தச் சிரமங்களைத் தவிர்க்கும் விதத்தில்தான் பாலிதீன் ஷீட் மூலம் சாண எரிவாயுக்கலன் தயாரிக்கப்படுகிறது. இரண்டு மாடுகள் இருந்தால், ஒரு கன மீட்டர் அளவுக்குத் தினமும் எரிவாயு உற்பத்தி செய்யலாம். நான்கு பேர் கொண்ட குடும்பத்துக்குச் சமையல் செய்ய இந்த அளவு எரிவாயு போதும்.
பாலிதீன் ஷீட் மூலம் கலன் அமைக்க, 6 ஆயிரத்து 500 ரூபாய்தான் செலவாகும். செங்கல், சிமென்ட்… எதுவும் தேவை இல்லை. நான்கரை அடி சதுரத்தில் 4 அடி ஆழத்துக்குக் குழி எடுத்துக் கொள்ள வேண்டும். அதில், பாலிதீன் ஷீட்டைப் போட்டு கலன் அமைத்து விடலாம். அதில், சாணத்தைக் கரைத்து ஊற்றினால்… சில நாட்களில் மீத்தேன் வாயு உற்பத்தியாகி விடும். பாலிதீன் ஷீட் பலூன் போல உப்பி விடும். அதில் இருந்து அடுப்புக்கு, இணைப்புக் கொடுத்து எரிக்கலாம்.
‘சில்லரி’ என்று சொல்லப்படும், கழிவு வெளி வருவதற்கும் இக்கலனில் அமைப்பு உள்ளது. இக்கழிவை இயற்கை உரமாகப் படுத்தலாம். எளிதாக அமைத்து விடக்கூடிய இந்தக் கலன் 7 ஆண்டுகள் வரை உழைக்கும் திறன் வாய்ந்தது. சேலம், கோயம்புத்தூர், ஈரோடு… போன்ற நகரங்களில் இந்த பாலீதீன் ஷீட் எரிவாயுக் கலன் கிடைக்கிறது.”
நன்றி: பசுமை விகடன் 25-மே -2012Image

Thursday, May 17, 2012

தென்னை,வாழை,பால்,முட்டை,கோழி,ஆடு,மீன்,தேன்,மண்புழு உரம்,சாண எரிவாயு

ஆண்டுக்க ரூ.9 லட்சம் லாபம்.. 9 ஏக்கரில் உயர்ந்து நிற்கும்.ஓர் ஒருங்கிணைந்தப் பண்ணை!
கணக்குப் போட்டு காரியத்தில் இறங்கினால், எதிலுமே கணிசமான லாபம்தான்” என்று தெம்பாகப் பேசும் ஜெயராமன், ஒன்பது ஏக்கர் நிலத்தில்.. தென்னை , பாக்கு, வாழை, ஆடு, மாடு, கோழி, மீன், தேன்.. என ஒருங்கிணைந்தப் பண்ணை அமைத்து, பட்டையைக் கிளப்பிக் கொண்டிருக்கிறார் வருமானத்தில்!
சேலம் மாவட்டம், புத்திரக்கவுண்டன் பாளையம். அபநவம் கிராமத்திலிருக்கும் பண்ணைக்குச் சென்ற நம்மை அன்புடன் வரவேற்ற ஜெயராமன், தன்னைப் பற்றிய அறிமுக உரையோடு ஆரம்பித்தார்.. “பி.எஸ்.சி. (வேதியியல்) படித்துவிட்டு, விவசாயம் பார்க்க வந்தவன் நான். 88-ம் வருடம் வந்த வறட்சியில் எங்க பகுதியில் ஓடிக்கிட்டிருந்த ‘வசிஷ்ட நதி’ வறண்டு போயிடுச்சு.பயிர்களெல்லாம் வாடத் தொடங்கி விட்டது, இதைச் சமாளிப்பதற்காக வேளாண்மைத் துறை அதிகாரிகள் போய் பார்த்த பொழுது, சொட்டு நீர்ப்பாசனத்தைப் பற்றிக் தெரிந்துக்கொண்டேன். விவசாயம், கால்நடை வளர்ப்பு சம்பந்தமான நிறையப் பயிற்சிகளில் கலந்துக்கிட்டப்ப.. ஆடு, மாடு, வளர்ப்பு எப்படி என்பதை புரிந்துகொண்டேன். விவசாயப் பயிற்சிகளுக்கு சென்ற பொழுது ஈ பண்ணை வடிவமைப்பு, தென்னை, வாழை, சாகுபடி பற்றியெல்லாம் தெரிந்துகொண்டேன்.
இது எல்லாவற்றையும் ஒரே இடத்தில் அமைத்துக் கொண்டால் நல்ல லாபம் கிடைக்கும் என்று எனக்குத் தோணிச்சு. அதனால்தனர் மூன்று வருடத்திற்கு முன் ஒன்பது ஏக்கரில் இந்த ‘ஒருங்கிணைந்தப் பண்ணை’யை அமைத்தேன். பண்ணைக்குள் கிடைக்கும் எந்தக் கழிவையும் வீணாக்காமல், உரமாக மாற்றி உபயோகப்படுத்திடுவேன். அதனால் இங்க ரசாயன உரங்களுக்கு வேலையே இல்லாமப் போயிடுச்சு. மொத்தத்தில் மனசுக்கு நிறைவான வருமானத்தோட பண்ணையம் செய்துகொண்டிருக்கிறேன்.

தென்னைக்கிடையில் வாழை, பாக்கு!

‘ஏழு ஏக்கர் நிலத்தில், 23x23 அடி இடைவெளியில் 15 வயதான தென்னை இருந்தது. அதற்கிடையில், 7x7 அடி இடைவெளியில் பாக்கு நடவு செய்தேன். அதற்கு இடையில் அதே இடைவெளியில் கதளி வாழையை நடவு செய்திருக்கிறேன். ஏக்கருக்கு 70 தென்னை, 900 பாக்க, 900 வாழை என்று எழு ஏக்கரிலும் சேர்த்து 490 தென்னை, 6,300 வாழை, 6,300 பாக்கு மரங்கள் இருக்கின்றன. இவற்றிற்கு இடையில் அரை அடி இடைவெளியில் கோ – 4 தீவனக் கரணைகளை நடவு செய்திருக்கிறேன்.

பறிப்பதற்கு முன்பே பணம்!

தென்னை, பாக்கு ஆகியவற்றை நடவு செய்த ஐந்தரை வருடங்களில் வருமானம் கிடைக்கத் தொடங்கி விடும். என்னுடைய தோப்பில் ஒரு தென்ளை மரத்தில் இருந்து வருடத்திற்கு சராசரியாக  150 காய்கள் வரைக்கும் கிடைக்கின்றன. ஆள் பற்றாக்குறையால், மரத்திற்கு வருடத்திற்கு 200 ரூபாய் என்று கணக்கிட்டு குத்தகைக்கு விட்டிருக்கிறேன்.  இதன் மூலமாக 490 மரங்களுக்கும் சேர்த்து வருடத்திற்கு 98,000 ரூபாய் கிடைக்கிறது. பாக்கு காய்ப்புக்கு வர இன்னமும் இரண்டரை வருடங்கள் ஆகும். ஒரு மரத்தில் இருந்து சராசரியாக இரண்டரை கிலோ அளவிற்கு பாக்கு கிடைக்கும். அதன் மூலம் ஒரு மரத்திற்கு வருடத்திற்கு 200 ரூபாய்க்கு குறையாமல் வருமானம் கிடைக்கும் என எதிர்பார்க்கிறேன்.

வாழை தரும் வஞ்சமில்லா வருமானம்!

வாழையில் வருடத்திற்கு 6,200 தார்களுக்குக் குறையாமல் கிடைக்கும். ஒரு தார் 100 ரூபாய் முதல் 150 ரூபாய் வரை விற்பனையாகிறது. குறைந்தபட்ச விலையாக 100 ரூபாய் என்று வைத்துக் கொண்டாலெ, 6,20,000 ரூபாய் வருமானம் கிடைக்கும். பக்கக் கன்றுகளை நல்லபடியாகப் பராமரித்தால்.. தொடர்ந்து ஐந்தாண்டுகள் வரை, வாழையில் வருமானம் பார்க்கலாம்.
கறவை மாடுகளுக்கு பசுந்தீவனம்!

இடைவெளிகளில் நடவு செய்திருக்கும் கோ – 4 புல் மூலமாக வருடத்திற்கு கிட்டத்தட்ட 20 டன் தீவனம் கிடைக்கிறது. தனியாக ஒன்றரை ஏக்கரில் சவுண்டல் (சூபாபுல்), கோ – 4, கோ.எப்.எஸ்.ஹெச்.29.. போன்ற பசுந்தீவனங்களும், அசோலாவும் சாகுபடி செய்கிறேன். இந்தத் தீவனங்களை ஆதாரமாக வைத்துதான் 12 கறவை மாடுகளை வளர்க்கிறேன். இதில் எப்பொழுதுமே 8 மாடுகள் கறவையில் இருப்பதுபோல பராமரித்து வருவதால், வருடம் முழுவதும் பால் மூலமாக கணிசமான வருமானம் கிடைத்து வருகிறது.

பாலில் பொங்கும் வருமானம்!

தானியங்கள், மரவள்ளி, திப்பி (சேகோ), தவிடு, பிண்ணாக்கு, தாது உப்பு.. போன்றவற்றைக் கொண்டு அடர்தீவனம் தயாரித்து மாடுகளுக்குக் கொடுத்து வருகிறேன். ஒவ்வொரு மாட்டுக்கும் தினமும் 7 கிலோ அடர்தீவனம், 30 கிலோ பசுந்தீவனம் கொடுக்கிறேன். ஒரு மாட்டில் இருந்து தினமும் 10 முதல் 12 லிட்டர் வரை பால் கிடைக்கிறது. 8 மாடுகள் மூலமாக சராசரியாக தினமும் 80 லிட்டர் பால் கிடைக்கிறது. ஒரு லிட்டர் பால் 20 ரூபாய் என்று உள்ளூரிலேயே நேரடியாக விற்பனை செய்துவிடுகிறேன். பால் மூலமாக தினசரி 1,600 ரூபாய் என வருடத்திற்கு 5,84,000 ரூபாய் வருமானம் கிடைக்கிறது. மாடுகளின் சாணம் மூலமாக எரிவாயுவையும் உற்பத்தி செய்த கொள்கிறேன்.

லெவில்லாமல் மீன்!

தோப்பின் ஓரத்தில் 100 அடி நீளம் மற்றும் அகலம், 5 அடி ஆழத்தில் மீன் குட்டை வெட்டியிருக்கிறேன். சாணத்தை இந்தக் குட்டையில் கலந்து விடும்பொழுது மீன்களுக்கான உணவு  இலவசமாக உற்பத்தியாகி விடுகிறது. இதிலிருந்து வருடத்திற்கு 1.300 கிலோ அளவில் மீன் கிடைக்கிறது. ஒரு கிலோ 70 ரூபாய்க்கு வற்பனையாகிறது. அதன் மூலமாக வருடத்திற்கு 91,000 ரூபாய் வருமானம் கிடைக்கிறது.

மீதமாகும் சாணத்தில் மண்புழு உரம்!

சாண எரிவாயு, மீன் குட்டை ஆகியவற்றிற்குப் போக மீதமுள்ள சாணம் மற்றும் சாண எரிவாயுக் கலனில் இருந்து வெளிவரும் ‘சிலரி’ ஆகயிவற்றில் இருந்து மண்புழு உரம் தயாரிக்கிறேன். இதற்காக 4 அடி அகலம், 9 அடி நீளம், 5 அடி உயரத்தில் ஆறு தொட்டிகள் அமைத்திருக்கிறேன். 45 நாட்களுக்கு ஒரு முறை ஆறு தொட்டிகளில் இருந்தும் மொத்தம் 2,400 கிலோ மண்புழு உரம் கிடைக்கிறது. எனது தோட்டத்தில்  உள்ள பயிர்களுக்குப் பயன்படுத்தியத போக, வருடத்திற்கு 3,000 கிலோ வரை மண்புழு உரத்தை கிலோ 4 ரூபாய் என்று விற்பனையும் செய்து வருகிறேன். அதன் மூலமாக 12,000 ரூபாய் வருமானம் கிடைக்கிறது.

கொட்டிக்கொடுக்கும் கோழிகள்!

பண்ணையில் 200 நாட்டுக் கோழிகள், 30 வான்கோழிகள், 30 வாத்துகளும் உள்ளன. தினமும் 70 முதல் 80 நாட்டுக் கோழி முட்டைகள், 10 வான்கோழி முட்டைகள். 10 வாத்து முட்டைகள் கிடைக்கின்றன. வருடத்திற்கு 300 நாடடுக் கோழி முட்டைகளை அடை வைப்பதன் மூலமாக 200 குஞ்சுகள் கிடைக்கின்றன.
அடை வைத்தது போக மீதமுள்ள வான்கோழி முட்டைகளை தலா 15 ரூபாய்க்கும், நாட்டுக் கோழி மற்றும் வாத்து முட்டைகளை தலா 5 ரூபாய்க்கும் விற்பனை செய்கிறேன். முட்டைகள் மூலமாக தினமும் சராசரியாக 700 ரூபாய் வருமானம் கிடைக்கிறது. முட்டையிட்டு முடித்த நாட்டுக் கோழிகளை மட்டும் விற்பனை செய்து விடுவேன்.
இந்த வகையில் வருடத்திற்கு 150 நாட்டுக் கோழிகள் வரை விற்பனையாகின்றன. ஒவ்வொரு கோழியும் சராசரியாக இரண்டு கிலோ எடை இருக்கும். அவற்றை உயிர் எடைக்கு கிலோ 110 ரூபாய் என்று விற்பதன் மூலம் 300 கிலோவிற்கு 33,000 ரூபாய் வருமானம் கிடைக்கிறது. வருடத்திற்கு சராசரியாக 5 கிலோ எடை கொண்ட 15 வான்கோழிகளை உயிர் எடைக்கு கிலோ 185 ரூபாய் என விற்பதன் மூலம் 75 கிலோவிற்கு 13,875 ரூபாய் வருமானம் கிடைக்கிறது.

தேன் தரும் தித்திக்கும் வருமானம்!

தோட்டம் முழுவதும் 40 இடங்களில் தேனீப் பெட்டிகளை வைத்திருக்கிறேன். இவற்றிற்க்காக தனியாக எந்தப் பராமரிப்பும் செய்வது கிடையாது. ஆனால், இவற்றின் மூலமாக அனைத்து தென்னை மரங்களிலும் நல்லபடியாக மகரந்தச்சேர்க்ககை நடைபெற்று மகசூல் கூடுகிறது. தவிர, ஒவ்வொரு பெட்டியில் இருந்தும் 50 நாட்களுக்கு ஒரு முறை ஒரு கிலோ தேன் கிடைக்கிறது. இதன் மூலமாக வருடத்திற்கு சராசரியாக 280 கிலோ தேன் கிடைக்கிறது. ஒரு கிலோ தேன் 140 ரூபாய் என விற்பதன் மூலமாக, ஆண்டிற்கு 39,200 ரூபாய் வருமானம் கிடைக்கிறது.
ஆடு மூலம் அறுபதாயிரம்!

இரண்டு ஜமுனாபாரி கிடாக்கள், ஒரு தலைச் சேரி கிடா மற்றும் எட்டு பள்ளை ரகப் பெட்டை ஆடுகளையும் வளர்க்கிறேன். இதன் மூலமாக கலப்புக் குட்டிகளை உற்பத்தி செய்கிறேன். ஒரு பெட்டை ஆட்டில் இருந்து இரண்டு வருடத்தில் ஆறு குட்டிகள் கிடைக்கின்றன.
வருடத்திற்கு மூன்று குட்டிகள் என்று வைத்துக் கொண்டால், எட்டு ஆடுகளில் இருந்தும் வருடத்திற்கு 24 குட்டிகள் கிடைக்கும். எட்டு மாதம் வரை குட்டிகளை வளர்த்து விற்பனை செய்கிறேன். இளம் ஆடு ஒன்று 2,500  ரூபாய் முதல் 3,000 வரை விற்பனையாகிறது. அதன் மூலமாக வருடத்திற்குச் சராசரியாக 60,000 ரூபாய் வருமானம் கிடைக்கிறது.

9 ஏக்கரில் .. ரூ.9 லட்சம்!

தென்னை, வாழை, பால், முட்டை, கோழி, ஆடு, மீன்,தேன், மண்புழு உரம், சாணஎரிவாயு என்று மொத்தமாக 9 ஏக்கர் நிலத்தல் இருந்து வருடத்திற்கு 18 லட்சத்திற்கு 11 ஆயிரத்து 575 ரூபாய் வருமானமாக கிடைக்கிறது. பராமரிப்பு, தீவனம், மீன்குஞ்சு, வேலையாள் கூலி என்ற ஐம்பது சதவிகிதம் செலவானாலும்.. வருடத்திற்கு ஒன்பது லட்ச ரூபாய்க்கு குறைவில்லாமல் லாபம் கிடைக்கிறது.
9 ஏக்கரில் ஒருங்கிணைந்தப் பண்ணை மூலமாக கிடைக்கும் வருமானப் பட்டியல்
விவரம்வரவு
தென்னை98,000
வாழை6,20,000
பால்5,84,000
மீன்91,000
முட்டை2,55,500
நாட்டுக் கோழி, வான்கோழி46,875
ஆடு60,000
தேன்39,200
மண்புழு உரம்12,000
சாண எரிவாயு5,000
மொத்தம்18,11,575
இதில் பாதித்தொகையை செலவு என்று வைத்துக் கொண்டால், 9,05,787 ரூபாய் லாபம்.
தொடர்புக்கு

ஜெயராமன், அலைபேசி : 99424-43055.

ஆதாரம் : www.vikatan.com பசுமை விகடன் வெளியிடான தேதி, 25.7.11

Saturday, January 14, 2012

சாண எரி வாயு






சாண எரி வாயு ஏன்? எதற்காக?
  • கிராமங்களில் சாணத்தை எருவாட்டி ஆக்கி எரிபொருளாகப் பயன்படுத்துவர் அல்லது அப்படியே உரமாகப் பயன்படுத்துவர். இந்த இரண்டு உபயோகங்களையும் ஒன்றாக நமக்கு சாண எரிவாயுக்கலன் மூலம் மட்டுமே கிடைக்கிறது
  • சாண எரிவாயுக் கலனுக்குள் சாணத்தை செலுத்துவதன் மூலம் ”மீதேன்" என்ற எரிவாயு கிடைக்கிறது. அது நமக்கு பெட்ரோலியம் வாயுவைப்போன்று சமையலுக்குப் பயன்படுகிறது
  • சாண எரிவாயுக் கலனிலிருந்து எரிவாயு தயாரித்த பின் வெளிவந்த மீத கழிவான சாணம் நல்ல சத்துள்ள உரமாகப் பயன்படுகிறது
    பயன்கள்
  • இவ்வாறு மாட்டுச் சாணத்தை மட்டுமல்ல, அதன் மூத்திரத்தையும், மனிதர்களின் மலத்தையும் கூட சாண எரிவாயுக்கலன் மூலம் எரிபொருளாகவும் இயற்கை உரமாகவும் மாற்ற முடியும்.
  • இவை அந்த கலனுக்குள் சென்றபின் உற்பத்தியாகும் உரம் சத்து நிறைந்ததாக உள்ளது.
  • தொற்று நோயை உண்டாக்கக்கூடிய ஈக்களோ, கொசுக்காளோ மற்றவைகளோ உற்பத்தியாகாது.
  • வெளியே வரும் வாயு பிரகாசம் இல்லாமல், ஆனால் வெப்பம் தரும் நீலநிற ஜ்வாலை கொழுந்து விட்டு எரிகிறது. கிட்டத்தட்ட பாதி நேரத்தில் சமையல் முடிந்து விடுகிறது.
  • மற்ற எரிபொருள்களில் இருப்பதைப் போல “மீத்தேன்” வாயுவில் புகை இல்லை. சூடாக்கும் பாத்திரங்கள் தொடர்ந்து பளபளப்புடன் இருக்கும்


அரசு அங்கீகரித்துள்ள சாண எரிவாயுக் கலன்களின் வடிவமைப்புகள்
தற்பொழுது மத்திய அரசு கீழ்க்கண்ட, நான்கு விதமான சாண எரிவாயு சாதனங்களை, மான்யம் பெறுவதற்கு அங்கீகரித்துள்ளது.
  1. கிராமத் தொழில் ஆணைக்குழு இரும்பு டிரம் எரிவாயு கலன்
  2. கதர் கிராம ஆணைக்குழு ஃபைபர் டிரம் எரிவாயு கலன்
  3. கான்கிரீட் சுவர் டிரம் கலன் (பெரோ சிமெண்ட் வடிவம்)
  4. பந்து வடிவ நிலையான கூடார கலன் (தீன பந்து வடிவம்)
இவைகள் அமைக்க கிராமத்தில் ஏற்கனவே பயிற்சி பெற்ற கொத்தனார்கள் அதிகமாக இருக்கிறார்கள். இந்தவித எரிவாயு கலனில் கட்டிடத்தை எளிதில் கட்டி முடித்து விடலாம். தரமான டிரம்மை கிராம அளவில் பரிசோதித்து வாங்கவேண்டும்.


கதர் கிராமத் தொழில் ஆணைக் குழுவின் இரும்பு டிரம் மற்றும் ஃபைபர் டிரம் எரிவாயுக் கலன்
அமைப்பு
  • சாண எரிவாயுக் கலனில் போதிய அளவில் ஒரு ஜீரணிப்பான் இருக்கிறது.
  • மாட்டுச்சாணம், மூத்திரம், மலம் மற்றும் கால்நடை தீவனத்தில் மீதமுள்ளதையோ அல்லது காய்கறிகளை சிறு துண்டுகளாக வெட்டிப் போட்டவற்றை அது நன்கு நொதிக்க வைக்கிறது.
  • இந்த ஜீரணிப்பானுக்கு மேலே அதை மூடிக்கொண்டு வாயு பீப்பாய் இருக்கிறது. நொதிக்க வைத்தல் மூலம் வரும் வாயு இதில் சேருகிறது. சரியான அழுத்தத்தில் ‘வாயு குழாயில்’ இது வாயுவை செலுத்துகிறது.
  • வாயு உபயோகமாகும் இடங்களுக்கு அதாவது சமையல் ஸ்டவ்கள், கோபர் காஸ் விளக்குகள், காஸ் என்ஜின்கள் ஆகியவைகளுக்கு பிரஷ்ஷர் குறையாமல் வாயு குழாய் மூலம் செலுத்துகிறது.
  • கோபர் கேஸ் ஸ்டவ்கள், கோபர் காஸ் விளக்குகள், இன்ஜின்கள் ஆகியவைகளுக்கு வேண்டிய விசேஷ வடிவமைப்பில் காஸ் சாதனங்கள் தயாரிக்கப்படுகின்றன.
    சாண எரிவாயு கலனை இயக்குவது எப்படி
  • ஜீரணிப்பான் என்று கூறப்படும் நொதிக்கலவைக்கும் தொட்டி, செங்கல், சிமெண்ட், கலவை ஆகியவைகளால் கட்டப்படுகிறது அல்லது கட்டிடம் கட்டுவதற்குக் கிடைக்கும் மற்ற உபயோகமான பொருள்களால் கட்டப்படுகிறது. லேசான எஃகுத் தகடுகள் அல்லது ஃபைபர்களாஸ் முதலியவற்றைக் கொண்டு வாயு பீப்பாய் செய்யப்படுகிறது. ஃபைபர் கிளாஸ் அழுத்தப் பாலியஸ்டரால் செய்யப்பட்ட வாயு பீப்பாய்களுக்கு முதலில் அதிகமாகச் செலவாகும். ஆனாலும் பின்னால் அவைகளுக்கு வர்ணம் பூசவேண்டிய அவசியம் இருக்காது. அவைகளில் துருப்பிடிக்கவும் செய்யாது.
  • காஸைக் கொண்டு செல்வதற்கான குழாய்கள் இரும்பினாலோ அல்லது கருப்பு பாலித்தீனாலோ செய்யப்பட்டிருக்க வேண்டும். அதனுடைய உள்விட்டம் 1 அங்குலம் அல்லது 32 மில்லி மீட்டருக்குக் குறையக் கூடாது. தகட்டின் கனம் 4.7 மில்லி மீட்டருக்கு குறையக்கூடாது. பாலித்தீன் பைப்புகள் மலிவானவை, பொருத்துவதும் எளிது. வீட்டுக்குள் 3/4 அங்குலம் அல்லது 1/2 அங்குலம் ஜி.ஐ பைப்புகள் உபயோகப்படுத்தப்பட வேண்டும்.
  • கதர் கிராமத் தொழில் கமிஷன் அங்கீகாரம் பெற்ற அடுப்புகள் அல்லது விளக்குகள் தான் பயன்படுத்த வேண்டும். ஏனெனில், அவைகளின் திறன் ஏற்கனவே சோதிக்கப்பட்டு நிரூபணமானதாகும்.
  • சாணத்தையும் கால்நடைகளின் மூத்திரத்தையும் சேகரித்து கலவை தொட்டியில் அவைகளை நிரப்பி, தண்ணீர் சேர்த்து நன்றாக கலக்கி உள்குழாய் வழியாக உள்ளே செலுத்துவது. இவ்வாறு இயந்திரத்திற்குள் போகும் கலவைக்குச் சமமான அளவு சாண கரைசல் வெளியே வரும். அது பக்குவமாகி பலன் தரக்கூடியதாக இருக்கும். அந்தக் கலவையை உரக்குழியில் உடனே விட்டு, பண்ணைக் கழிவுகள் அல்லது வீட்டுக் குப்பைகளை அடுக்கடுக்காகப் போட்டு மூடிக்கொண்டு வரவேண்டும்.


தீனபந்து எரிவாயுக் கலனின் அமைப்பும் செயல்படும் விதமும்
  • கலனின் அடிப்பாகம் கால்பந்து வடிவில் கான்கிரீட் கலவையில் போடப்பட்டுள்ளது. இதனால் கட்டிடச் செலவு குறைக்கப்படுகிறது. அதாவது கான்கிரீட் குழிவாகப் போடப்படுவதால் மேலே கட்டப்பட வேண்டிய கட்டிடத்தின் அளவு (கொள்ளளவு) குறைக்கப்படுகிறது. அதன்பின் கான்கிரீட் மேலே இருந்து அரைப்பந்து வடிவில் முடிந்து விடுவதால் செலவு குறைக்கப்படுகின்றது. அளவுகளில் தவறு எற்பட வாய்ப்பில்லை.
  • சாணம் ஊற்றுவதற்காக 6 அங்குல குழாய் பொருத்தப்பட்டு அதன் மேல் சாணக்கரைசலைத் தயாரிப்பதற்கான சிறிய கரைக்கும் தொட்டியைக் கட்டிக் கொள்ளலாம்
  • சாணம் வெளிவரும் தொட்டிபெரிய அளவில் கட்டப்பட வேண்டியது மிகவும் அவசியமாகும். ஏனெனில் எரிவாயு அதிகமாக உற்பத்தியாகும் பொழுது அதிக அளவில் பொங்கிக் கூடாரத் தொட்டியிலிருந்துசாணக் கரைசல் வெளிவரும் தொட்டியில் ஏறி நிற்கும்.
  • இவ்வாறு சாணம் வெளிவரும் தொட்டியில் உள்ள சாணத்தின் மட்டம், எரிவாயுவை எரிக்க ஆரம்பித்தால் வெளிவரும் தொட்டியிலுள்ள சாணக் கரைசல் கீழே இறங்க ஆரம்பிக்கும். இங்ஙனம் சாணம் வெளிவரும் தொட்டியில் சாண மட்டம் ஏறி இறங்குவதிலிருந்து சாதனம் நன் முறையில் இயங்குவதையும், எவ்வளவு எரிவாயு உற்பத்தியாகின்றது அல்லது இருக்கிறது என்பதை உணரலாம்.
    தீனபந்து வடிவக் கலனின் சிறப்பியல்புகள்
  • கிராமத்தில் கிடைக்கக்கூடிய செங்கல், சிமெண்ட், மணல் மற்றும் ஜல்லிக் கற்களால் அடுப்பு கட்டப்படுகிறது.
  • தரைக்கடியிலேயே கட்டி முடிக்கப்படுகிறது.
  • நீடித்த உழைப்பு கொண்டது.
  • பராமரிப்பு செலவே கிடையாது.
  • பயிற்சி பெற்ற கிராமத்து கொத்தனார்களே எளிதில் கட்டக்கூடியது.
  • குளிர் காலத்தில் வாயு உற்பத்தி அதிகமாகக் குறைவதில்லை.
  • குறைந்த செலவில் கட்டப்படக்கூடியது.


நிலையான கூடார மாடல்
சாதனம் அமைக்கும் பொழுது முக்கியமாக கடைபிடிக்க வேண்டிய குறிப்புகள்
  • சரியான கொள்ளளவு தேர்வு செய்யப்பட்ட வேண்டும்.
  • தோண்டிய மண், குழிக்கு அப்பால் 1/2 மீட்டர் தூரத்தில் கொட்டப்பட வேண்டும்.
  • கான்கிரீட் கலவை சுத்தமான, இதற்கென தயார் செய்யப்பட்ட இடத்தில் தயாரிக்கப்பட வேண்டும்.
  • முதல் தரமான சேம்பர் செங்கற்களையே பயன்படுத்த வேண்டும்.
  • சுவற்றின் வெளிப்புறம் மண் அல்லது மணலால் நிரப்பப்பட வேண்டும்.
  • சுவற்றின் மேற்பகுதியின் சுற்றுப்புறத்தில் விடப்படும் இடைவெளியில் மண் மற்றும் தூசு போன்றவைகளை விழாத வண்ணம் பார்த்து கொள்ளவேண்டும்.
  • இந்த இடைவெளியில் 1 : 3 சிமெண்ட் கலவையால் நீர் அதிகம் சேர்க்கப்பட்ட நிலையில் ஊற்றப்பட்டு நிரப்பப்பட வேண்டும்.
  • சாணம் உட்புகும் / வெளிவரும் தொட்டியின் வெளிப்புறச் சுவர்கள் பொய் தளத்தை பிரித்த பிறகே கட்டப்பட வேண்டும்.
  • பொய்த்தளத்தை பிரிப்பதற்கு வசதியாக இரு தற்காலிக தூண்கள் சாணம் உட்புகும், வெளிவரும் தொட்டிகளுக்காக விடப்பட்ட துளைகளின் அருகாமையில் அமைக்கப்பட வேண்டும்.
  • பொய்த்தளம் (மண்டபம்) கட்டும் பொழுது சரிவு ஏதும் ஏற்படா வண்ணம் பார்த்துக்கொள்ள வேண்டும்.
  • மண்டபத்தின் வெளிப்பூச்சு உட்பூச்சு ஆரம்பித்த அந்த நாளிலேயே முடிக்கவேண்டும்.
  • செங்கற்களை பொய்த்தளத்தின் மீது அடுக்கும் பொழுது வாயு வெளிவரும் குழாயை சிறிய கம்பிகளை வெல்டு செய்து மண்டப மையத்தில் பொருத்தி விட வேண்டும்.
  • சாணம் உட்புகும் / வெளிவரும் தொட்டிகள் கான்கிரீட் அல்லது மரப் பலகைகள் கொண்டு மூடி வைக்கவேண்டும்.
  • செங்கல் கூடாரத்தை மணல் அல்லது மண் கொண்டு மூடி விடவேண்டும்.
  • கரிசல் மண் போன்ற பிரச்சனைக்குரிய இடங்களில் சாண எரிவாயு சாதனம் அமைக்கும் பொழுது 2 அடி உயரத்திற்கு ஒரு முறை ஆர்.சி.சி கான்கிரீட் பெல்ட் அமைத்து கட்டவேண்டும்.


கட்டி முடித்த சாதனத்தை இயக்கும் முறை
  • இரண்டு மூன்று வாரங்களுக்கு சாதனத்தை நீர் ஊற்றி நன்கு பதப்படுத்திய பிறகு சாதனத்தை நிரப்ப ஆரம்பிக்க வேண்டும்.
  • சாதனத்தை ஒரே நாளில் நிரப்ப முயலுவது கடினம். ஒரு மாத சாணத்தை சேமித்து வைத்து உலர்ந்த சாணத்தை நீக்கிவிட்டு நிரப்பலாம்.
  • சாணத்தை நீருடன் 1:1 என்ற விகிதத்தில் நிரப்ப வேண்டும்.
  • கதர் மற்றும் கிராம தொழில் ஆணைய வடிவமைப்பாக இருந்தால் சாணக் கழிவு வெளிவரும் குழாய் நிரம்பி வழியும் வரை ஊற்றலாம். நிலையான கூடார வடிவமைப்பாக இருந்தால் மண்டபத்தின் அடிமட்டம் (சாணம் வெளிவரும் தொட்டி விரிவடையும் மட்டம்) வரை தான் ஊற்றலாம்.
  • வாயு வெளிவரும் குழாயை மூடி விட வேண்டும். சாணம் நிரப்பிய இரு வாரங்களில் வாயு உற்பத்தி தொடங்கும் இதற்கு மேலும் சாணக் கரைசலை ஊற்றக் கூடாது.
  • நிலையான கூடார அமைப்பாக இருந்தால் ஓரிரு வாரங்களில் சாணம் உட்புகும் வெளிவரும் தொட்டிகளில் சாண மட்டம் தானாக உயருகிறதா என்று பார்க்க வேண்டும். இவ்வாறு சாண மட்டம் உயர்ந்து கொண்டே வந்து சாணம் வெளிவரும் தொட்டியின், மேல் மட்டத்தில் விடப்பட்ட வாயில் வழியாக வெளியேற ஆரம்பித்து விட்டால் சாதனம் சரியாக இயங்க ஆரம்பித்து விட்டது என்று அறியலாம்.
  • சாதனம் சரியாக இயங்குகின்றதா எனத் தெரியவேண்டுமானால் காலையில் சாணம் வெளிவரும் தொட்டியில் சாண மட்டம் உயர்ந்த இடத்தில் ஒரு கோடு போட்டு வைக்கவேண்டும். பின்னர் வாயுவை சமையலுக்குப் பயன்படுத்தியவுடன் மட்டம் தானாக இறங்க ஆரம்பிக்கும். அவ்வாறு ஒரு அடி முதல் இரண்டு அடிவரை இறங்க ஆரம்பித்தவுடன் குறித்துக்கொள்ள வேண்டும். பின்னர் மாலையில் மட்டம் தானாகவே உயரவேண்டும். வாயுவைப் பயன்படுத்தியவுடன் மட்டம் இறங்கிவிடும். இவ்வாறு நடைபெற்றால் சாதனம் நல்லமுறையில் செயல்படுகிறது என்று தெரிந்து கொள்ளலாம்.
  • கதர் மற்றும் கிராமத் தொழில் ஆணைய வடிவமைப்பாக இருந்தால் வாயு உற்பத்தி ஆனவுடன் இரும்புக் கொப்பரை மேலே சென்றுவிடும். நாம் வாயுவைப் பயன்படுத்திய உடன் இரும்புக் கொப்பரை கீழே இறங்கிவிடும். இந்த நிலையைக் கொண்டு சாதனம் நல்ல முறையில் இயங்குகின்றது என்று அறியலாம்.




நிதியுதவி
மத்திய அரசாங்கத்தின் வழக்கமற்ற எரிசக்தி ஆதாரத்துறை, இந்த காஸ் இயந்திரம் / சாண எரிவாயுக் கலன் அமைப்பதற்காக மானியத் தொகையை கதர் கமிஷன் மூலம் அளிக்கின்றது. இந்த மானியத் தொகை அமைக்கப்படும் காஸ் இயந்திரத்தின் அளவையும், அமைக்கப்படும் இடத்தையும், (அதாவது மலைப்பாங்கான நிலம், அல்லது சாதாரண நிலம்) மற்றும் அமைக்கப்படும் நபரையும் (சிறு விவசாயி, குறு விவசாயி, நிலமற்ற தொழிலாளி) பொறுத்தது. இந்த மானியத் தொகை ஒவ்வொரு வருடமும் மத்திய அரசாங்கத்தால் நிர்ணயிக்கப்படும். மூன்று மாடுகளும், சாண எரிவாயுக் கலனை நிறுவக்கூடிய அளவு வீட்டில் இடமும் உள்ள எந்த விவசாயியும் அதைப் பெறுவதற்காக காதி கமிஷனையோ அல்லது மாவட்டங்களில் உள்ள சர்வோதய சங்க கதர் பவன்களையோ அணுகலாம்.


உபேயாகமான புள்ளி விவரம்


ஒரு மாட்டிலிருந்து  எவ்வளவு (பசுஞ்) சாணம் கிடைக்கிறது?
இதைப்பற்றி திட்டவட்டமான கணக்குக் கொடுக்கமுடியாது. மாடு பெரியதா, சிறியதா, அது உண்ணும் தீனி, அது தொழுவத்தில் கட்டப்படுகிறதா அல்லது மேய்ச்சல் நிலத்திற்குப் போகிறதா என்பதையெல்லாம் பொறுத்தது அது. ஆனாலும் தொழுவத்தில் உள்ள குறிப்பிட்ட வயது வந்துள்ள நடுத்தர மாடுகளின் விஷயத்தில் கீழ்க்கண்ட கணக்கைச் சராசரியாக வைத்துக் கொள்ளலாம்.
       எருமை = ஒரு நாளைக்கு சுமார் 15 கிலோ
       காளை அல்லது பசு = சுமார் 10 கிலோ
       கன்றுகள் = சுமார் 5 கிலோ
ஒரு கிலோ பசுஞ் சாணத்திலிருந்து உற்பத்தியாகும் (காஸ்) வாயு 1.3 கன அடி.
சாண எரிவாயு சாதனத்தின் அளவு
எத்தனை மாடுகள் அல்லது ஆட்கள் இருக்கிறார்கள் என்பதைப் பொறுத்துதான் எந்த இடத்திலும் ஒரு சாண எரிவாயு சாதனத்தின் அளவைத் தீர்மானிக்க முடியும். மிகச் சிறிய சாண எரிவாயுக் கலனின் அளவு 2 கன மீட்டர். இதற்கு 2-3 மாடுகள் வேண்டும்.


சாண எரிவாயு சாதனத்தின் அளவு
சமையல் செய்ய-ஒருநபருக்குஒருநாளைக்கு 8 கன அடி அல்லது 0.227 கன மீ.
விளக்குஎரிக்க100மெழுகுவர்த்தி ஒளியுள்ள விளக்குக்கு-4.5 கன அடி அல்லது 0.127 கன மீ
என்ஜின்களை இயக்க -15 கன அடி அல்லது 0.425 கன மீ.
ஒரு குதிரை சக்திக்கு
      ஒரு மணிக்கு


காஸ் இயந்திரம் (சாண எரிவாயுக் கலன்) நிறுவுவதற்கான முன்னோடித் தேவைகள


மாடுகள் எண்ணிக்கை
காஸ் இயந்திரம் நிறுவ விரும்பும் தனிப்பட்டவர் அல்லது ஸ்தாபனத்திடம் போதுமான கால்நடைகள் இருக்கவேண்டும். அதுவும் கூடியவரை தொழுவத்தில் நிற்கக்கூடியவைகளாக இருக்கவேண்டும். மேய்ச்சலுக்குப் போகக்கூடிய கால்நடைகளாக இருந்தால், மேய்ச்சல் நிலத்திலேயே சாணம் விழுந்துவிடும். அவைகளிடமிருந்தும் கூட இரவு நேரத்தில் தொழுவத்தில் சாணம் கிடைக்கும். ஆனால் அப்படி எவ்வளவு சாணம் கிடைக்கும் என்பதைக் கணக்கிட்டுக்கொள்ள வேண்டும். ஒவ்வொரு நாளும் 45 கிலோவுக்கு குறையாத பசுஞ்சாணம் கிடைக்காவிட்டால், மிகமிகச் சிறிய காஸ் இயந்திரம் நிறுவுவது கூடக் கட்டுப்படியாகாது. அந்த அளவிலாவது சாணம் கிடைத்தால், இரண்டு கன மீட்டர் (60 கன அடி) காஸ் இயந்திரத்தை நிறுவ முடியும்.
ஒரு நடுத்தரப் பசு அல்லது எருமை அல்லது காளை சராசரியாக நாள்தோறும் போடும் பசுஞ்சாணம் 10 கிலோ என்று வைத்துக் கொள்ளலாம். கொங்கணம் அல்லது அஸ்ஸாம் அல்லது மற்ற மலைப் பகுதிகளில் உள்ளது போல் மிகச்சிறிய மாடாக இருந்தால், சாணம் மிகவும் குறையும். மிகப்பெரிய எருமைகள் ஒரு நாளைக்கு 20 கிலோ வரை சாணம் போடக்கூடும். ஆனால் இவைகளெல்லாம் தொழுவத்தில் இருக்கும் கால்நடைகளுக்கான கணக்குதான். இதைத் தவிர முற்றிலும் மலத்தைக் கொண்டே உரம், காஸ் தயாரிக்கக்கூடிய இயந்திரங்களும் இருக்கின்றன. அவைகளில் மிகச்சிறிய காஸ் இயந்திரத்திற்குக் குறைந்தது வயது வந்த 60 பேர் இருக்க வேண்டியது அவசியம். விடுதியில் அல்லது பொது கக்கூஸ் இருக்கும் இடங்கள் போன்றவற்றில் தான் இது சாதாரணமாக சாத்தியமாகும். அங்கும் கூட சேர்க்கப்படும் தண்ணீரின் அளவு ஒரு முக்கியமான அம்சமாகும். ஒருவர் மலம் கழிக்கும் போது ஒரு லிட்டருக்கும் மேல் தண்ணீர் செலவழிக்கக் கூடாது. இல்லையேல் தண்ணீர் அதிகமாகி நன்றாக நொதிப்பதில்லை.
எத்தனையோ அம்சங்கள் வேறுபடுவதால், இத்தனை மனிதர்கள் அல்லது கால்நடைகள் தாம் வேண்டுமென்று சரியாகக் கூறமுடியாது. ஆனாலும் இரண்டு கனமீட்டர் காஸ் இயந்தித்தை நிறுவுவதற்குச் சராசரியாக சுமார் 3 கால்நடை அல்லது 60 பேர் அவசியமாகும் என்று சொல்லலாம். எண்ணிக்கை அதிகமாகும் அளவிற்கு பெரிய காஸ் இயந்திரம் நிறுவலாம்.
சாணம் அல்லது மலம் தவிர, தோலுரிக்கும் இடங்களில் கழிவுப் பொருள்கள் போதுமான அளவு கிடைப்பதாக இருந்தால், அங்கும் காஸ் இயந்திரம் நிறுவமுடியும். அப்படிப்பட்ட இடங்களில், இறந்த கால்நடைகளின் வயிற்றில் இருந்த சாணம், தோல் உரிக்கும் போது கிடைக்கும் கழிவுப் பொருள்கள் ஆகியவைகளை காஸ் இயந்திரத்தில் போடலாம். பன்றி வளர்க்கும் இடங்கள், கோழிப் பண்ணைகளில் அவைகள் போடும் மலம், எச்சம் ஆகியவை போதுமான அளவு கிடைப்பதாக இருந்தால் அவற்றை இதற்காக உபயோகப்படுத்தலாம்.


இட தேவைகள்
காஸ் இயந்திரத்தை நிர்மாணிக்கவும், வெளியே வரும் கழிவை நிரப்புவதற்கான குழிகள் வெட்டவும் போதுமான இடம் வேண்டும். தொழுவத்திற்கு மிக அருகிலும், மற்றொரு புறம் காஸ் உபயோகமாகும் இடத்திற்கு உபயோகப்படுத்துவதற்காக, சாணத்தை நீண்ட தூரம் கொண்டுவருவது விவேகமாகாது. சாதாரணமாக இந்த தூரம் 20 மீட்டருக்கு மேல் போகாமல் இருப்பது நல்லது.
காஸ் இயந்திரம் வெடிக்கும் அபாயம் எதுவும் இல்லை என்பதும், துர்நாற்றம் வீசும் அல்லது ஈ பரவும் பிரச்சனை எதுவும் இல்லை என்பதும் இங்கு குறிப்பிடத்தக்கவையாகும். ஆகையால் வீட்டுக்கு அருகில் காஸ் இயந்திரத்தை நிறுவுவதற்கு எந்த வித ஆட்சேபணையும் இல்லை.
ஏற்கனவே குறிப்பிட்டது போல, வெளியேவரும் கழிவைக் கம்போஸ்ட் உரமாக்குவதற்குப் பல குழிகள் தோண்டுவதற்கு போதுமான இடம் காஸ் இயந்திரத்தின் அருகில் இருக்கவேண்டும்.
ஆனாலும் ஒரு கிணற்றுக்கு 15 மீட்டர் தூரத்திற்குள் காஸ் இயந்திரத்தை நிர்மாணிக்கக்கூடாது. ஏனெனில், சில சந்தர்ப்பங்களில், சாணம் அல்லது மலத்தின் கலங்கல் ஊறி கிணற்றில் கலக்கும் அபாயம் இருக்கிறது.


தண்ணீர்
போதுமான அளவு தண்ணீர் கிடைக்க வேண்டும். சாதாரணமாக காஸ் இயந்திரத்தில் ஊற்றப்படுவதற்கு முன்னர் சாணம் சம அளவு தண்ணீரில் கலக்கப்படுகிறது. ஆகவே, போதுமான அளவு தண்ணீர் கிடைக்காவிட்டால் காஸ் இயந்திரத்தைப் பற்றி நினைத்துக் கூடப்பார்க்க முடியாதென்பது இயற்கையே.




காஸ் பயன்பாடு
காஸ் இயந்திரத்தில் உள்ள ஜீரணிப்பானிலிருந்து கிடைக்கும் உரம் பெரும் மதிப்புள்ளது தான் என்றாலும், உற்பத்தியாகும் காஸ் ஏதாவது ஒரு வழியில் பயன்படுவதற்கான வழிகாண வேண்டும். வீட்டிலிருந்து வெகுதூரத்தில் உள்ள கோசாலை அல்லது மாட்டுத் தொழுவத்தில் காஸ் இயந்திரம் இருந்தால், அதிலிருந்து உற்பத்தியாகும் காஸை எரிபொருளாகப் பயன்படுத்துவது கஷ்டமானதாய் இருக்கும். அதே இடத்தில், இந்த காஸை ஒர் என்ஜினை இயக்குவதற்குப் பயன்படுத்துவதற்காக இருந்தாலும், அதற்கு வேண்டிய காஸ் உற்பத்தி செய்யப் போதுமான சாணம் கிடைக்கவேண்டும். ஆகையால், காஸ் உபயோகமாகக் கூடியவாறு பக்கத்தில் குடியிருப்புகள், பொது சமையற்கூடம், அல்லது கோசாலையில் பால் கொதிக்கும் ஏற்பாடு ஆகியவை இருக்கின்றனவா என்று பார்த்து திட்டமிட வேண்டியது அவசியம்.




காஸ் இயந்திர நிருமாணம்
(1) ஜுரணிப்பான்
இது ஒரு வகைக் கிணறு. பூமிக்கடியில் தோண்டி, கல்வைத்துக் கட்டப்படுவது. கிணற்றின் ஆழம் சுமார் 12 அடி (3.5 மீட்டர்) யிலிருந்து 20 அடி (6 மீ. வரை) அதில் போடக்கூடிய (சாணம் போன்ற) பொருட்களின் அளவைப் பொருத்து விட்டம் 4 அடியிலிருந்து (1.2 மீட்டர்) 20 அடி வரை (6 மீட்டர்) வேறுபடும். இந்த கிணற்றை, நடுவில் கட்டப்பட்டுள்ள ஒரு சுவர் இரண்டு அரை வட்டப்பகுதிகளாகப் பிரிக்கிறது. நடுச்சுவரின் இரண்டு பக்கங்களிலும் சாய்வாக இரண்டு குழாய்கள் கிணற்றின் அடித்தளத்தை எட்டும் அளவுக்கு வைக்கப்படுகின்றன. கிணற்றின் மேல் தளம் வரையிலுள்ள இந்த சிமெண்ட் குழாய்கள் அடைக்கப்படாமல் திறந்திருக்கின்றன. இந்தக் குழாயில் ஒன்று கரைசலை உள்ளே செலுத்தவும், மற்றொன்று கழிவை வெளியே கொண்டு வரவும் பயன்படுகிறது. 4:5 என்ற விகிகத்தில் சாணமும் தண்ணீரும் கலக்கப்படுகின்றன. உள்ளே செலுத்தும் குழாய் வழியாக இது ஊற்றப்படுகிறது. கிணறு நிரம்பி பின், இதில் செலுத்தப்படும் அளவுக்கு கழிவு வெளிக்குழாயில் வந்து விழுகிறது. வெளிக்குழாய் உள்குழாயை விடச் சற்றுத் தாழ்ந்த மட்டத்தில் இருக்கும். 30 நாட்களுக்குத் தேவையான கரைசல் இருக்கும் முறையில் தான் கிணறு அமைக்கப்பட்டிருக்கிறது. முதலில் அது நிரப்படுகிறது. ஆகவே, எப்போதாவது உள்வழியாக ஏதாவது ஒரு பொருளைச் செலுத்தினால் அதற்குச் சமமான கழிவு வெளியே வந்துவிடுகிறது.
(2) வாயு பீப்பாய் 
இலேசான எஃகுத் தகடு அல்லது கண்ணாடி நார் தகட்டினால் செய்யப்பட்ட பீப்பாய் இது. இது கிணற்றின் வாயில் ஒரு மூடிபோல் அமைந்திருக்கிறது. கரைசலில் இது அமிழ்ந்து, இதற்காகவென்றே கிணற்றில் கட்டப்பட்டுள்ள விளிம்பில் உட்காருகிறது. ஜீரணிப்பானில் போடப்பட்டுள்ள சாணத்திலிருந்து உருவாகும் வாயு இந்தப் பீப்பாயில் சேருகிறது. பீப்பாயில் வாயு சேரச்சேர அது மேலே எழுகிறது. அதில் சேர்ந்த வாயு மேலே (இதற்காகவென்றே வைத்துள்ள) குழாயின் மூடியைத் திறந்தவுடன் அதன் வழியாக வெளியே செல்லுகிறது . அப்படிப்பட்ட வாயுவை 100 அடி (30 மீட்டர்) தூரத்துக்குள் தேவைப்படும் போது சமையலுக்கோஅல்லது காஸ் விளக்குகளுக்கோ உபயோகப்படுத்திக் கொள்ளலாம். கிணற்றுக் கட்டிடத்தின் மத்தியில் குழாய் பொருத்தப்பட்டிருக்கிறது. வாயு பீப்பாய் மேலேயும், கீழேயும் இறங்கும் போது, அது சாயாது சரியான முறையில் இயங்க இந்தக் குழாய் உதவுகிறது. கீழே உற்பத்தியாகும் காஸ் அடிப்பாகம் வழியாக மட்டுமல்லாமல் வேறு எநத் வழியிலும் செல்ல முடியாதபடி எல்லா வழிகளும் அடைக்கப்பட்டிருக்கின்றன. பீப்பாய்க்கு அடியில் சேரும் வாயு மீது பீப்பாயின் கனத்தின் அளவுக்குப் பிரஷ்ஷர் இருக்கிறது. இந்த பிரஷ்ஷர் மிகவும் குறைச்சல் தான். (அதாவது 3 அங்குலத்திலிருந்து (7.5 செ. மீட்டர்) 6 அங்குலம் (15 சென்டி மீட்டர்) வரை தண்ணீர் மட்டம், அதே சமயம் சமையல் ஸ்டவ் அல்லது காஸ் விளக்குக்கு இந்த அழுத்தம் போதுமானது.


வாயு இயந்திர உற்பத்தி பொருள்கள் உபயோகம்
வாயு இயந்திரத்தின் இரண்டு பிரதான உற்பத்திப் பொருள்களாவன (1) எரிபொருளாக வாயு     (2) உரம்.


எரிபொருள் பொருள்களைச் சூடாக்கவோ அல்லது விளக்குகளை எரிக்கவோ அல்லது இயந்திரங்களை இயக்கவோ வாயு பயன்படுத்தலாம். இதில் 55% மீதேனும் 45% கரியமில வாயுவும் இருக்கின்றன. இந்த வாயுவின் கலவை வேறு. கோல் கேஸ் அல்லது புர்ஷேன் காஸ் கலவை வேறு. ஆகவே இதைப் பயன்படுத்துவதற்கான பர்னர்கள், விளக்குகள் போன்றவைகளை விசேஷமான முறையில் அமைக்க வேண்டியிருக்கிறது. நீண்ட ஆராய்ச்சிக்குப் பின், இந்த காஸுக்கு ஏற்ற கருவிகளின் டிஸைன்களை கதர் கிராமத் தொழில் கமிஷன் தயாரித்திருக்கிறது. கோல் காஸுக்கான ஸ்டாண்டர்டு கருவிகளின் அளவுக்கு இந்தக் கருவிகள் பயனளிக்கின்றன. அதே சமயம், கோல் காஸ் அல்லது லி.நி.றி. காஸ் பர்னர்களில் கோபார் காஸைப் பயன்படுத்தினால் பலன் குறைச்சலாகவே இருக்கிறது. (அதாவது 60 சதவீதத்திற்கு பதிலாக 35 சதவீதம்) ஆகையால் சாண எரிவாயுவின் முழு பலன் கிடைக்க, கமிஷன் நிர்ணயித்துள்ள அடுப்புகளையும், விளக்குகளையும் பயன்படுத்த வேண்டியது அவசியம்.


கரிம வாயு ஆயில் எஞ்சின் பராமரிப்பு :
சாண எரிவாயுவும் டீசலும் இரட்டை எரிபொருளாக என்ஜினை இயக்கவும், சாண எரிவாயுவை மட்டும் கொண்டு பெட்ரோல் என்ஜினை இயக்கவும் முடியும். இதற்கு என்ஜினில் காற்று அல்லது எரிபொருள் கலவை உட்புகும் குழாயுடன் சாண எரிவாயு சாதனத்தில் இருந்து வரும் குழாயை இணைக்கவேண்டும். எஞ்சின் நல்ல முறையில் இயங்குவதற்கு வாயுவுடன் சிறிதளவு நீர் இல்லாமல் கவனித்துக் கொள்ள வேண்டும். இதற்கு எற்கனவே சுத்தப்படுத்தப்பட்ட வாயுவை சுண்ணாம்பு உள்ள பாத்திரத்தின் வழியே செலுத்தி சுத்தப்படுத்தலாம். எஞ்சினை இயக்குவதற்கு சாண எரிவாயுவை பயன்படுத்துவது மூலம் எஞ்சினில் கரிபடியும் தன்மை மிகவும் குறைகிறது. மேலும் என்ஜின் ஒரே சீராக இயங்குவதற்கும், உராய்வை கட்டுப்படுத்தும் எண்ணெய் கெட்டுப்போகாமல் இருப்பதற்கும் வழி செய்கிறது. இதனால் உராய்வை கட்டுப்படுத்தும் எண்ணெயை அடிக்கடி மாற்றத் தேவையில்லை.
ஒரு குதிரை சக்தி கொண்ட என்ஜினுக்கு ஒரு மணி நேரத்திற்கு தேவைப்படும் வாயு அளவு 16 லிருந்து 19 கன அடி. ஒரு கன மீட்டர் கலன் ஒரு நாளைக்கு 35 கன அடி வாயுவை உற்பத்தி செய்யும். கரிம வாயுவினால் இயங்கும் என்ஜின்களுக்கு குளிர வைப்பது தேவைப்படுகிறது. டீசல் என்ஜினில் காற்று உட்செல்லும் குழாயுடன் ஒரு துளைக் கருவியை  பொருத்தி அத்துடன் கரிம வாயு வரும் குழாயை இணைத்து விடவேண்டும். எப்படியும் 20 சதவீதம் டீசலும் 80 சதவீத கரிம வாயும் தேவைப்படுகிறது. ஏனெனில் கரிம வாயுவின் எரிநிலை காற்றைவிட சற்று கூடுதலாக உள்ளது. 5 குதிரை சக்தியுள்ள இயந்திரம் ஒரு நாளைக்கு 4 மணி நேரம் டீசலினால் இயங்கினால் ஒரு மாதத்திற்கு 120 லிட்டர் டீசல் ஆகும். ஆனால் மேலே குறிப்பிட்ட கால அளவிற்கு கரிம வாயுவும் டீசலும் ஆன கலவையினால் ஆன எரிபொருளை உபயோகித்தால் அந்த எந்திரத்திற்கு 24 லிட்டர் டீசல் மட்டும் போதும். ஒரு மாதத்திற்கு இதனால் 96 லிட்டர் டீசல் மீதப்படுகிறது.
கரிம வாயுவினால் இயங்கும் இயந்திரங்களில் பலவகை உள்ளன. தண்ணீர் மற்றும் காற்றினால் குளிர வைக்கும் இயந்திரங்களில் 3 குதிரை சக்தி முதல் 75 குதிரை சக்தியுள்ள இயந்திரங்கள் உள்ளன. இயந்திரத்தில் கரிம வாயு தீர்ந்து விட்டால், இயந்திரத்தை தானே டீசலில் இயங்கவைக்கும் ஏற்பாடு உள்ளது. கரிமவாயு மற்றும் டீசல் கலவையில் இயங்கும் இயந்திரத்தினால் வெளியேறும் புகையை வெளியேற்றும். மேலும் கரிமவாயுவை உபயோகப்படுத்தும் போது கார்பன் வடிவது குறைவாக இருக்கும். டீசலினால் இயங்கும் இயந்திரத்தோடு ஒப்பிடும் போது கரிமவாயுவினால் இயங்கும் இயந்திரம் நன்கு பராமரிக்கப்படுகிறது.
டீசல் தட்டுப்பாடும், மின்சாரம் கிடைப்பதில் சிரமமும் இருக்கும் இவ்வேலையில், கரிமவாயுவை உபயோகித்து நீர் இறைக்கும் இயந்திரங்களை இயக்குவது விவசாயப் பெருங்குடி மக்களுக்கு செலவில் கணிசமான மிச்சத்தையும் நாட்டில் பொருளாதார சுபிட்சத்திற்கும் வழி வகுக்கும். விவசாய மேம்பாட்டுத் திட்டத்தின் கீழ் வழங்கப்பட்டுள்ள எண்ணற்ற நீர் இறைக்கும் இயந்திரங்களை இவ்வாறு மாற்றி அமைத்துப் பயன்பெறலாம்.
மேலும் ஒரு குதிரை சக்தி உள்ள ஆயில் எஞ்சின் ஒரு மணி நேரம் ஓடுவதற்கு 0.45 கன மீட்டர் கரிமவாயு தேவைப்படும். எனவே, ஐந்து குதிரை சக்தி உள்ள ஆயில் எஞ்சினை நான்கு மணி நேரம் இயக்குவதற்கு 9 கன மீட்டர் கொள்ளளவு உள்ள கரிமவாயு கலன் அமைக்கப்படவேண்டும். இதனை அமைக்க குறைந்த பட்சம் 10 முதல் 15 கால்நடைகள் தேவைப்படும்.




உரம்:
காஸ் இயந்திரத்திலிருந்து கிடைக்கும் உரத்தைப் பலவழிகளில் பயன்படுத்தலாம்.
வெளியே வரும் கழிவில் நைட்ரஜன். காளான் சத்துக்கள் நிறைந்திருக்கின்றன. அது நன்கு பக்குவமாகி, மாவுபோல் இருக்கிறது. பாசன நீருடன் கலந்து அதை மிகவும் அனுகூலமான முறையில் பயன்படுத்தலாம். அவ்வாறு பயன்படுத்தும்போது உரத்திலிருந்து அதிகபட்ச பலன் கிடைக்கிறது. ஏனெனில் அந்தப் புதுக் கழிவில் 2 சதவிகிதத்துக்கு மேல் நைட்ரஜன் சத்து இருக்கிறது. மண்ணுடன் மிக நன்றாகச் சேரக்கூடிய நிலையிலும் அது இருக்கிறது.
பாசன நீருடன் இந்தக்கழிவை உபயோகப்படுத்த முடியாவிட்டால், கம்போஸ்ட் உரத்தை வெகுவேகமாக மக்க வைப்பதற்கு அதைப் பயன்படுத்தலாம். அவ்வாறு செய்வதற்கு காஸ் இயந்திரத்துக்கு அருகிலேயே பல கம்போஸ்ட் குழிகளைத் தோண்ட வேண்டும். கழிவை ஒரு வாய்க்கால் வழியாக அந்தக் குழிகளில் பாய்ச்ச வேண்டும். புல், இலைகள், வைக்கோல், தட்டை போன்ற தாவரப் பொருள்களையும் எல்லாவிதமான கழிவுப் பொருள்களையும் குழியில் ஒர் அளவுக்கு போட்டு அதன் மேல் கழிவைப் பாய்ச்ச வேண்டும். அதன் மேல் மேலும் ஓர் அடுக்கு தாவரக் கழிவுப் பொருள்களைப் போட்டுக் கழிவை மேலே விடவேண்டும். இவ்வாறு குழி நிரம்பும் வரை செய்யவேண்டும் அதன் பின்பு கேஸ் இயந்திரத்திலிருந்து வரும் கழிவை வேறொரு குழியில் விடவேண்டும். அப்படியே தொடர்ந்து செய்து வரவேண்டும். எத்தனை குழிகள் என்பது அங்கங்குள்ள நிலைமையைப் பொருத்தது. காஸ் இயந்திரத்திலிருந்து வரும் கழிவில் நிறைய நுண் அணுக்கிருமிகள் இருப்பதும், கழிவில் சேர்ந்துள்ள பொருட்களும் கம்போஸ்ட் உரம் வேகமாக மக்குவதற்குத் துணை புரிகின்றன என்று நிரூபிக்கப்பட்டிருக்கிறது.
அல்லது, கழிவை ஒவ்வொரு குழியாகப் பாய்ச்சி நிரப்பிக் கொண்டு வரலாம். பல நாட்களாக கழிவு ஒரு குழியில் நிரம்பிவிட்டால் அடுத்த குழியை நிரப்பலாம். இரண்டாவது அல்லது மூன்றவாது குழி நிரம்பும்போது, உரத்தைத் தோண்டி எடுக்கும் பக்குவத்துக்கு முதல் குழி காய்ந்திருக்கிறது. அதைத் தோண்டி உரத்தை எடுத்தபின். மறுபடியும் கழிவை நிரப்புவதற்கு அதைப் பயன்படுத்தலாம், இந்த முறையில் காயும் போது. ஒரளவு நைட்ரஜன் இழப்பு எற்படுகிறது. ஆனால் அதே சமயம் சரியாக உரத்தை எடுத்து உபயோகிப்பது எளிதாகிறது. ஈரமான புதுக் கழிவில் 3 சதவிகிதம் நைட்ரஜன் இருக்கிறது என்றும் அது காயும் போது 2 சதவிகிதத்திற்கு குறைந்துவிடுகிறது என்றும் கண்டுபிடிக்கப்பட்டிருக்கிறது.
கோபார் காஸ் உரமும், ரசாயன உரமும் சேர்ந்து ஊட்டச்சத்து மிக்க இயற்கை ஆதார உரமாகவும் இருக்கமுடியும். அதாவது அம்மோனியம் சல்பேட், சூப்பர் பாஸ்பேட் முதலிய இரசாயன உரங்களை அதனுடன் சேர்த்து மிக நயமான, இயற்கை ஆதார உரக் கலவையைத் தயார் செய்யலாம். சாண எரிவாயுக் கலனிலிருந்து வெளிவரும் கரைசல், மண் புழு உரம் தயாரிப்பதற்கு மிகவும் உபயோகமாக உள்ளது. இது உரத்தின் தரத்தையும். உற்பத்தி திறனையும் அதிகரிக்கிறது.




குறைபாடுகளும் அவற்றினை நிவர்த்தி செய்தலும்
சரியான முறையில் பராமரித்து வந்தால் சாண எரிவாயுக் கலன் பல ஆண்டுகளுக்கு பழுதுபடாது. நாடு முழுவதும் உள்ள ஆயிரக்கணக்கான சாண எரிவாயு கலனின் சொந்தக்காரர்களின் அனுபவம் இதுவே.
1. செரிக்கும் பகுதி சுவரில் விரிசல் ஏற்படுதல், மற்றும் அடித்தளம் இறங்குதல் : சாண எரிவாயு கலத்தின் செரிக்கும் பகுதி விரிசல் ஏற்பட்டால் மற்றும் அடித்தளம் இறங்கினால் சுவரின் பின் பகுதியில் மணல் சரியாக நிரப்பப்படாமல் இருக்கலாம். இவ்வகையான பழுதை சரிசெய்ய சுவரின் பின்புறம் சரியாக மணலால் நிரப்பப்பட வேண்டும்.
2. மத்தியில் உள்ள பிரிக்கும் சுவர் இடிதல் (இரும்பு வாயு கொள்கலம் உள்ளதில்) : சுவரின் இருபக்கமும் உள்ள சாணக் கரைசலின் சமமான அழுத்தம் இல்லாமல் இருந்தால் மத்தியில் உள்ள பிரிக்கும் சுவர் இடிந்து விடும். இதை சரிசெய்ய ஆரம்பத்தில் சாணக் கரைசலை பிரிக்கும் சுவருக்கு இருபக்கமும் சமமாக நிரப்பி வரவேண்டும்.
3. வாயு ஒழுக்கு : இரும்பு வாயுக் கொள்கலன் சரியாக வெல்டு செய்யாமல் இருந்தாலும். வாயு சேகரிக்கும் கூடு சரியாக கட்டப்படாமல் இருந்தாலும் வாயு ஒழுக்கு ஏற்படும். இதை சரி பார்த்து பழுது பார்க்கவேண்டும்.
4. வாயு குழாயில் தண்ணீர் தங்குதல்
தண்ணீர் நீக்குவது சரியாகப் பொருத்தாமல் இருந்தால் வாயுக் குழாயில் தண்ணீர் தங்கி விடும். இதை சரி செய்ய வாயுக் குழாய்களைப் பொருத்துதல் வேண்டும். 5. முதலில் சாணக் கரைசலை நிரப்பியபின் வாயு வராமை:சாணக்கரைசலை நிரப்பியபின் வாயு வர வாய்ப்பில்லை. கரைசலை ஊற்றி 2 அல்லது 3 வாரங்கள் வரை பொறுத்திருந்து பின்பு வாயுவை உபயோகிக்கலாம்.
6. இரும்பு கொள்கலம் உயராமல் இருத்தல் மற்றும் உள்நுழையும் வெளிவரும் பகுதியில் சாணக்கரைசலின் மட்டம் உயராமல் இருத்தல் சாணக் கரைசல் போதுமான அளவு இல்லாமல் இருந்தாலும் கொள்கலத்திலும் குழாயிலும் வாயு ஒழுக்கு ஏற்பட்டாலும் கனமான அடை இருந்தாலும் மேற்கண்ட குறைகள் எற்படும். இதை சரி செய்ய தேவையான கரைசலை நிரப்ப வேண்டும். பின்பு அதை சரிபார்க்க வேண்டும். கொள்கலத்தைச் சுற்றி மூங்கில் கொண்டு கரைசலைக் கலக்க வேண்டும்.
7. சாதனத்தில் வாயு இருந்தும் அடுப்புக்கு வராதிருத்தல்:வாயுக் குழாய் அடைத்தாலும், தேவையான அழுத்தம் இல்லாததாலும், வாயு வெளிவரும் வழியில் ஆடை அடைத்தாலும் வாயு வராது. இதை சரி செய்ய குழாயில் உள்ள தண்ணீரை அகற்ற வேண்டும். வாயுக் கொள்கலத்தின் மேல் சுமையை அதிகரிக்கவேண்டும். வெளிச் செல்லும் வால்வை திறந்து தண்ணீர் அழுத்தத்தால் சரி செய்யவேண்டும்
8. வாயு எரியாமல் இருத்தல்:
முதலில் வரும் வாயுவில் கரியமிலவாயு கலந்து இருக்கும். அதனால் வாயு எரிய வாய்ப்பிருக்காது. சாணக் கரைசலை சரியாகக் கலந்து ஊற்றாவிட்டாலும் வாயு வராது. இதற்கு சரியான விகிதத்தில் தூசி மற்றும் குப்பை கூளங்கள் இல்லாத சாணத்தை கரைத்து ஊற்ற வேண்டும்.
9. அடுப்பிற்கு மேல் அதிக உயரத்தில் சுவாலை எரிதல்: வாயு அழுத்தம் அதிகம் இருந்தாலும் அல்லது அடுப்பில் வாயு வரும் குழாயில் கரி பிடித்திருந்தாலும் அடுப்பிற்கு மேல் அதிக உயரத்தில் சுவாலை எரியும். வாயு வெளிவிடும் வால்வை சரிசெய்து அடுப்பை சுத்தம் செய்தால் இக்குறை நீங்கும்.
10. சுவாலை இறங்கி அணைதல்:
தேவையான அழுத்தம் இல்லாமல் இருந்தால் சுவாலை இறங்கவும், அணையவும் வாய்ப்பு உண்டு. சில சமயங்களில் வாயுவின் அளவு குறைவாக இருந்தால் இவ்வாறு ஏற்படும். இதற்கு வாயுவின் அளவை சரிபார்க்க வேண்டும்.
11. வாயு கொள்கலத்தையும் குழாயையும் அரித்தல்:
பராமரிப்பு சரியில்லாமல் இருந்தால் இவ்வாறு ஏற்படும். துருப்பிடித்த பகுதிகளை நீக்கி பெயிண்ட் அடித்தால் குறை நிவர்த்தியாகி விடும்.
12. சாணக் கரைசல்கள் உள் செல்லும்,வெளிச் செல்லும் குழாயை பரீசிலனை செய்தல் (இரும்பு வாயுக் கொள்கலம் உள்ள சாதனம்) : சுத்தமான கரைசல் ஊற்றாவிட்டால் குழாயில் அடைப்பு ஏற்படும். கால் நடைகளின் சாணக்கரைசல் மட்டும் ஊற்றுதல் மற்றும் குழாயை சுத்தமாக செய்தால் இக்குறை நீங்கும்.
13. சாதனத்தை சுற்றிலும் சுத்தமில்லாதிருத்தல் வெளி வந்த சாணக் கரைசல் அப்புறப்படுத்தாமல் இருந்தால் இவ்வாறு ஏற்படும். இதற்கு மத்திய உரக் கலவைக்கு சாணக் கரைசலைக் செலுத்தி உபயோகிக்க வேண்டும்.


இன்டேன் எரிவாயுவும் சாண எரிவாயுவும் -ஒருஒப்புமை
இன்டேன் எரிவாயு
சாண எரிவாயு
1. எரிவாயு கசிவு ஏற்பட்டால் பெரும் விபத்துக்கள் ஏற்படலாம்சமையல் செய்யும் பெண்களுக்கு மிகவும் பாதுகாப்பானது
2. சிலிண்டருக்குப் பதிவு செய்து விட்டு காத்திருக்க வேண்டிய நிலைமை ஏற்படுகிறதுஎரிவாயுவிற்குக் காத்திருக்கவேண்டிய அவசியம் இல்லை
3. சிலிண்டரில் எரிவாயுவின் இருப்பை கணக்கிடுவது கடினம்எரிவாயு இருப்பை தொட்டியின் மூலம் கணக்கிடுவது சுலபம்
4. சமையலுக்கு மட்டுமே பயன்படுத்த முடியும்சமையல் செய்வதுடன். விளக்கு எரிப்பது, என்ஜின்களை இயக்குவது போன்ற பிற உபயோகங்களுக்குப் பயன்படுத்தலாம். வளமான உரமும் கிடைக்கிறது.
5. ஒவ்வொரு தடவை சிலிண்டர் வாங்கும் போது பணத்தை செலவிட வேண்டியுள்ளது.சாதனம் கட்டி முடித்து இயக்கிய பிறகு செலவேதும் செய்ய வேண்டியதில்லை


சாண எரிவாயுக்கலனை நன்கு பயன்படுத்துவதற்கு
செய்ய வேண்டியவை
செய்யக்கூடாதவை
1. நம்மிடம் உள்ள கால் நடைகளின் அளவுக்கேற்ப சாண எரிவாயுக் கலனின் அளவைத் தீர்மானிக்கலாம்போதுமான கால்நடைகள் இல்லாமல் பெரிய அளவிலான சாண எரிவாயுக்கலன் அமைக்கக்கூடாது
2. சாண எரிவாயுக் கலனை நமது வீட்டின் சமையலறைக்கும், மாட்டுத் தொழுவத்திற்கும் பொதுவாக அருகில் இருக்குமாறு அமைக்கலாம்.சாண எரிவாயுக்கலனை, நீண்ட தூரத்தில் அமைக்கக்கூடாது. ஏனெனில் எரிவாயுவைக் கொண்டு வரும் குழாயையும் நீண்ட தூரத்துக்கு கொண்டு வர வேண்டிய அதிக செலவைத் தவிர்க்கவும்.
3. சாண எரிவாயுக்கலன் மீது, நாள் முழுவதும் சூரிய ஓளி விழும்படி அமைக்கவும்.மரத்தின் நிழலுக்குக் கீழ் சாண எரிவாயுக்கலன் அமைக்கக் கூடாது
4. சாண எரிவாயுக்கலன் கட்டி முடிக்கப்பட்ட பின் நன்கு உலர்வதற்காக குறைந்தது 10 அல்லது 15 நாட்கள் பொறுக்க வேண்டும்.சாண எரிவாயுக்கலன் கட்டி முடித்தவுடன் உலரும் முன் உபயோகித்தால் அதில் விரிசல் வெடிப்புகள் ஏற்பட்டு விடும்.
5. சாண எரிவாயுக் கலனில் உள்ள ஜீரணிப்பானைச் சுற்றி நன்றாக மண் போட்டு மூடவேண்டும்நல்ல முறையில் மண்ணால் மூடப்படாத ஜீரணிப்பானில் வெடிப்புகள் விரிசல்கள் ஏற்படும்.
6. சாணத்தையும். தண்ணீரையும் 4 : 5 என்ற விகிதத்தில் கலந்து உட்செலுத்த வேண்டும்.சாணத்தையும் தண்ணீரையும் குறிப்பிட்ட விகிதம் இல்லாமல் கூடவோ குறையவோ கலந்தால் நல்ல முறையில் எரிவாயு தயாராகாது.
7. 4 க.மீ அல்லது அதற்கு மேலும் அளவுள்ள சாணக் கலனுக்கு (முதன் முதலில். இருபுறமும் சரிசமமாக (சாணத்தையும் தண்ணீரையும் கலந்த) கரைசலை உட்செலுத்த வேண்டும்சரிசமம் இல்லாமல் கரைசலை ஒருபுறமாக உட்செலுத்தினால் கலனில் உள்ள மையச்சுவர் உடைய வாய்ப்பு உள்ளது.
8. சாணக்கரைசலில் மணல், செத்தை மற்றும் திடப் பொருட்கள் இருக்கக்கூடாதுமணல் மற்றும் செத்தை போன்ற திடப்பொருட்கள் சாண எரிவாயு உற்பத்தியைப் பாதிப்பது மட்டுமன்றி கலனுக்குள் அவை அடைப்புகளை உருவாக்கும்.
9. சாணக்கரைசலை ஊற்றிய பின் சாண எரிவாயுக் கொள் கலனை (பீப்பாய்) அதற்குரிய இடத்தில் கவிழ்த்து மையத்தில் உள்ள குழாய் மூலம் கவிழ்த்து வைக்கவேண்டும்பீப்பாயின் மீதுள்ள ‘கேட்வால்வு’ எனப்படும் திறப்பானை நன்கு மூடி வைத்திருக்க வேண்டும். தேவைப்படும் பொழுது மட்டும் திறக்க வேண்டும்.
10. பீப்பாய்  ஒரு நாளைக்குஇரண்டு அல்லது மூன்று முறை சுற்றி விடவேண்டும்.அவ்வாறு சுற்றாவிட்டால் நாளடைவில் சாணம் மற்ற அசுத்தப் பொருட்களும் சேர்ந்து கெட்டிப்படும்.
11. எரிவாயு தயரான பின்பு தொடர்ச்சியாக உபயோகிக்க வேண்டும்.எரிவாயு அதற்குரிய அடுப்பிலோ அல்லது விளக்குகளிலோ மட்டுமே உபயோகிக்க வேண்டும். நேரடியாக வாயுவை, எரியுமா என்று சரிபார்க்க கூட எரித்துப் பார்க்கக்கூடாது.
12. எரிதிறன் அதிகமாகக் கிடைக்க அங்கீகரிக்கப்பட்ட அடுப்புகளையும் விளக்குகளையும் மட்டுமே உபயோகிக்கவும்.அங்கீகரிக்கபடாத அடுப்புகள், விளக்குகளில் எரி வாயு வீணாகும் வாய்ப்பு உள்ளது.
13. அடுப்பில் நீலநிற ஜுவாலையாக அடுப்பை எரிப்பதனால் அதிக சூடு கிடைக்கும்.மஞ்சள் நிற ஜுவாலையாக எரிந்தால் சூடு அதிகம் கிடைக்காது. எரிவாயு வீணாகும்.
14. வாரம் ஒருமுறை எரிவாயு உடன் வந்த தண்ணீர் துளிகள் தேங்கியுள்ளவற்றை அதற்குரிய குழாய் மூலமாக வெளியேற்றவும்.அவ்வாறு வெளியேற்றாவிட்டால் நீர்த்துளிகள், எரிவாயுடன் கலந்து சரியாக எரியவிடாது.
15. வாரம் ஒரு முறை பீப்பாயை வெளிப்புறமாகக் கழுவவும்.பீப்பாயை அசுத்தமாக வைக்கக் கூடாது.
16. எரிவாயுக் கலனிலிருந்து வெளிவரும் சாணக் கழிவை அதற்குரிய உரக்குழியில் விடவும்.உரக்குழி 3 அடி ஆழத்துக்கு மேல் தோண்டக்கூடாது.
17. ஒரு வருடத்திற்கோ அல்லது ஆறு மாதத்திற்கு ஒரு முறையோ பீப்பாய்க்கு கருப்பு வர்ணம் பூச வேண்டும்.பீப்பாயை துருப்பிடிக்காமல் பார்த்துக்கொள்ளலாம்.


வீடுகளுக்கான ஷக்தி-சுரபி-இயற்கை எரி வாயு உற்பத்தி கலன்
biogasஷக்தி-சுரபி ஒரு சமையல் கழிவு அடிப்படையிலான இயற்கை எரிவாயு உற்பத்தி கலனாகும். வழக்கமான இயற்கை எரிவாயு உற்பத்தி கலன்களின் முறையைப் போலவே இது செயல்படுகிறது, ஆனால், நகர்ப்புறத் தேவைகளுக்கு ஏற்ப திருத்தியமைக்கப்பட்டிருக்கிறது. இந்தக் கலனில் காணப்படும் பாகங்களாவன, கழிவு உட்புகுத்தும் குழாய், கிரகிக்கும் கலன், வாயு கொள்கலன், நீர் உறை, வாயு எடுத்துச்செல்லும் அமைப்பு மற்றும் வாயு வெளிசெல்வதற்கான குழாய். தமிழ்நாடு, கன்னியாகுமாரியில் அமைந்திருக்கும் விவேகானந்தா கேந்திரா, இயற்கை ஆதாரங்களுக்கான முன்னேற்ற திட்டத்தால் இது வடிவமைக்கப்பட்டுள்ளது.
வழக்கமான இயற்கை எரிவாயு உற்பத்தி கலனை ஒப்பிடும் போது, ஷக்தி-சுரபி எவ்விதத்தில் மாறுபட்டதாக உள்ளது?
  • வழக்கமான இயற்கை எரிவாயு உற்பத்தி கலன்களுக்கு மாட்டு சானம் ஒரு முக்கிய இடுபொருள் ஆகும். ஒவ்வொரு நாளும் மாட்டு சானத்தை நன்றாக கரைத்து, கஞ்சி போல் ஆக்கி வாயு கொள்கலன் உள் ஊற்ற வேண்டும். ஆனால், ஷக்தி-சுரபியில் மாட்டு சானமானது ஆரம்ப நிலையில் மட்டும் தேவை. பிறகு, தேவையான எரிவாயு உற்பத்திக்கு, சமையல் கழிவு மற்றும் பிற கழிவுகள் (மீதியான சமைத்த உணவு (சைவம் / அசைவம்), காய்கறி கழிவு, மாவு மில்லில் இருந்து கிடைக்கும் கழிவு, உணவல்லா எண்ணெய் வித்துக்களின் பிண்ணாக்குகள் (வேம்பு, காட்டமணக்கு) போன்றவை மட்டுமே போதுமானது.
  • கவர்ச்சிகரமான இரண்டு நிறங்களில், 500 மற்றும் 1500 லிட்டர் கொள் அளவுகளில் இவை கிடைக்கின்றன.
  • பொருத்துவதற்கு அல்லது இடமாற்றம் செய்வதற்கு எளிதாக இது இருக்கிறது. மேலும், தனிப்பட்ட ஒரு வீடாக இருந்தால், பின்புறத்திலும், அடுக்குமாடி குடியிருப்புகளில் மேற்பரப்பு அல்லது சன்ஷேட் (நிழலீட்டில்) இதை அமைக்க முடியும்.
  • தேவைப்படும் மூலப்பொருட்கள் எளிதில் கிடைக்கக்கூடியவை
செயல்பாடுகள்
  • சமையல் எரிவாயுவின் 0.43 கிலோவுக்கு சமமான 1 கியூபிக் மீட்டர் பையோகாஸ் உற்பத்திக்கு, கிட்டத்தட்ட 5 கிலோ கழிவுப் பொருட்கள் தேவைப்படுகிறது. ஒரு வீட்டிற்கு தேவைப்படும் 20 மணி நேர எரிசக்தியை தரக்கூடிய 5 கிலோவாட் சக்தி, 100 கியூபிக் மீட்டர் பையோகாஸினால் உற்பத்தி செய்யப்படுகிறது.
  • செயல்முறை சுகாதாரமானது. பறக்கும் பூச்சிகள் மற்றும் துர்நாற்றம் காணப்படாது.
  • பருவ நிலை மாற்றத்தை கட்டுப்படுத்த மற்றும் தீங்கு விளைவிக்கும் வாயுக்களை தடுக்க இந்த கலன் மேலும் உதவிபுரிகிறது. கலன்களின் சீரணிக்கப்பட்ட வெளிச்செல்லும் குழம்பு நல்ல இயற்கை உரமாகவும் செயல்படுகிறது.
மேலும் அதிக விவரங்களுக்கு, தொடபுக்கொள்ள
விவேகானந்தா கேந்திரா, இயற்கை ஆதாரங்களுக்கான முன்னேற்ற திட்டம் (வி.கே.என்.எ.ஆர்.டீ.இ.பி), விவேகானந்தாபுரம், கன்னியாகுமரி – 629 702, தமிழ்நாடு
ஈமெயில் . vknardep@gmail.com
தொலைபேசி: 04652 246296 மற்றும் 04652 -247126.
மதுரை:கதர் கிராமத் தொழில்கள் ஆணையத்தின் சார்பில், வேலையில்லா இளைஞர்களுக்கு 'பயோகாஸ் பிளான்ட்' அமைக்க, இலவச தொழில்நுட்ப பயிற்சி அளிக்கப்படுகிறது.கிராமப்புறங்களில் பயோகாஸ் பிளான்ட் அமைக்க, மானியம் தரப்படுகிறது. மானியத்தொகை தற்போது 8000 ரூபாயாக அதிகரித்துள்ளது. ஐந்தாண்டு 'வாரண்ட்டி' கொடுக்கப்படுகிறது.
இலவச தொழில்நுட்ப பயிற்சிக்கு குறைந்தது எட்டாவது படித்திருக்க வேண்டும். பேச்சுத்திறமை வேண்டும். 'பிளான்ட்' கட்டுவதற்கான தொழில்நுட்பம் கற்றுத்தரப்படும். 15 நாட்கள் பயிற்சி. ஒரு 'பிளான்ட்' அமைக்க, கே.வி.ஐ.சி., 1500 ரூபாய் ஊக்கத்தொகை தருகிறது. பயிற்சி குறித்த விவரங்களுக்கு மதுரை, பை பாஸ் ரோட்டில் உள்ள கதர் கிராமத் தொழில்கள் ஆணையத்தை (0452 - 238 6792) அணுகலாம்.

Share

Twitter Delicious Facebook Digg Stumbleupon Favorites