மிளகு (பைபர் நைகிரம் L.)

பைபரேசியே

இரகங்கள் : பன்னியூர் 1,2,3,4,5,6 மற்றும் 7, கரிமுண்டா, சிரிகார, சுபகார, பஞ்சமி, பவுர்ணமி, ஐஐஎஸ்ஆர் சக்தி, ஐஐஎஸ்ஆர்தேவம், ஐஐஎஸ்ஆர்கிரிமுண்டா, ஐஐஎஸ்ஆர் மலபார் எக்செல், பன்னியூர் 1 இரகம் வீரிய இரகம் ஆகும். இவ்வகை படர் மரங்களில் எழுச்சியுடன் பற்றி வளரும். ஏனைய வகைகளைக் காட்டிலும் கூடுதல் மகசூல் கொடுக்கவல்லது. பன்னியூர் 5 வகை நிழலைத் தாங்கி வளரும். பொதுவாக பாக்குத் தோப்புகளில் வளர்க்க ஏற்றது.

• பன்னியூர் 1 - குறைந்த உயரத்தில் குறைந்த நிழலில் வளரக்கூடியது.
• கரிமுண்டா - அதிக உயரமான அதிக நிழல் உள்ள பகுதிகளில் வளரக்கூடியது.
• பன்னியூர் 5 - பொதுவாக பாக்குத் தோப்புகளில் வளர்க்க ஏற்றது.

புதர் மிளகு

மண் மற்றும் தட்பவெப்பநிலை : மிளகு பொதுவாக மானாவாரிப் பயிராகச் சாகுபடி செய்யப்படுகிறது. 150-250 செ.மீ. அளவிலான மழையும், அதிக அளவு ஈரப்பதமும், மிதமான தட்பவெப்ப நிலையும் இதன் வளர்ச்சிக்கு ஏற்றது. நல்ல வடிகால் வசதியுள்ள மக்கு நிறைந்த செம்பொறை மண் மிளகு சாகுபடிக்கு ஏற்றவாகும். 1500 மீட்டர் வரை உயரமுள்ள நிலப்பகுதிகளில் பயிரிடப்படலாம்.

பருவம் : ஜூன் - டிசம்பர்.

பயிர்ப்பெருக்கம் : மிளகு, கொடி மூலம் இனவிருத்தி செய்யப்படுகிறது. ஒரு மீட்டர் நீளமுள்ள மிளகு ஒடுக்கொடியினை தாய்ச் செடியிலிருந்து எடுத்து 2 அல்லது 3 கணுக்களுடன் கூடிய சிறு துண்டுகளாக வெட்டி பாலித்தீன் பைகளில் நடவு செய்யவும். வேர் பிடித்த இந்த துண்டுகளை நடவிற்குப் பயன்படுத்தலாம்.

விதையும் விதைப்பும்

நாற்றாங்கால் தயாரிப்பு : நல்ல நிழல் இருக்கும், வளமுள்ள தண்ணீர் தேங்காமல் இருக்கும் பகுதிகளில் 1 மீட்டர் அகலம் 5.6 மீட்டர் நீளமும் கொண் உயரப்பாத்திகள் அமைக்கவேண்டும். மண்ணை நன்கு கொத்தித் தேவையான தொழு உரம், மணல், செம்மண் கலந்து பாத்திகளைச் சீராக்கவேண்டும்.

விரும்பத்தகள் நல்ல குணங்களைக் கொண்ட தாய் கொடிகளின் அடிப்பகுதியில் வளரும் ஒரு கொடிகளை தண்டுத் துண்டுகளாக தேர்ந்தெடுக்கவேண்டும். இவற்றின் பக்கத்தில் ஒரு குச்சியை நட்டு ஓடு கொடிகளை மண்ணில் வேர்விடாமல் குச்சியில் சுருளுமாறு கட்டிவைக்கவேண்டும். பிப்ரவரி, மார்ச் மாதத்தில் 2 மீட்டர் நீளம் கொண்ட இத்தகைய ஒடுகொடிகளை தாய்க்கொடியில் இருந்து வெட்டி நீக்கவேண்டும். பின்பு ஒடுகொடியின் மேற்பகுதியில் மூன்றில் ஒரு பகுதியையும், கீழ்ப்பகுதியில் மூன்றில் ஒரு பகுதியையும் தவிர்த்து விட்டு நடுப்பகுதியில் பகுதியை தண்டுத்துண்டுகள் (cuttings) தயாரிப்பதற்காக தேர்ந்தெடுக்கவேண்டும். இளசான ஒடு கொடிகளையும், முதிர்ந்த ஒடு கொடிகளையும் தவிர்க்கவேண்டும். பின்னர் ஒடு கொடியிலிருந்து 2-3 கணுக்களை கொண்ட தண்டுத் துண்டுகளை சீராக கத்தியர் வெட்டி தயாரிக்க வேண்டும். இத்தண்டுத் துண்டுகளில் இலைக் காம்பை மட்டும் விட்டு இலைப்பரப்பை நீக்கவேண்டும்.

பின்னர் இத்தகைய தண்டுத் துண்டுகளின் கீழ்ப்பகுதியை 1000 பிபிஎம் இண்டேல் புட்ரிக் அமிலம் கலவையில் சிறிது நேரம் முழ்கவைத்து எடுத்து பாத்திகளிலோ அல்லது பாலித்தீன் பைகளிலோ நடவேண்டும்.

பாலித்தீன் பைகளில் (7x5 அங்குல அளவு) 2 பாகம் வளமான மேல் மண், ஒருபாகம் ஆற்று மணல் ஒரு பாகம் தொழு உரம் கலந்த உரக்கலவை பாலித்தின் பைகளில் நிரப்பவேண்டும். உரக்கலவையை இடுவதற்கு முன்னரே தேவையான சிறிய துளைகளை பைகளில் இடவேண்டும். பாத்திகளிலும், பாலித்தீன் பைகளிலும் தண்டுத் துண்டுகளை நட்ட பின்னர் போதிய நீர் விட்டு நிழலில் வைக்கவேண்டும். இரு முறை தேவையான அளவு பூவாளியால் நீர் ஊற்றவேண்டும். வளரும் சிறு பதியன்களுக்கு உரமாக 10 லிட்டர் தண்ணீரில் யுஸரியா 40 கிராம் கரைத்து பைக்கு 250 மில்லி என்ற அளவில் 15 நாட்களுக்கு ஒரு முறை தெளித்து வரவேண்டும். பாலித்தீன் பைகளை வரிசையாக அடுக்கி, பந்தல் அமைப்பது அல்லது மூங்கலி தப்பைகள், பாலித்தீன் உறை இவைகளைக் கொண்டு கூடாரம் அமைப்பது சிறந்த முறையாகும். பாலித்தீன் பையில் நட்ட துண்டுகள் மூன்றாம் வாரத்தில் வேர்விடத்தொடங்கி, நடுவதற்குத் தயாராகிவிடும்.

நடவு : முள் முருக்கு, சீமை கொன்னை மற்றும் சில்வர் ஓக், சூபாபுல் ஆகியவை மிளகு பற்றி வளரப் பயன்படுத்தலாம். ஊடுபயிராக மிளகை சாகுபடி செய்யும் போது பலா, கமுகு, தென்னை போன்ற பலன் தரும் மரங்களை படர மரங்களாகப் பயன்படுத்தலாம். முள், முருக்கு, சீமை கொன்னை ஆகியவை வெட்டப்பட்ட தண்டுகள் மூலமாக நடப்படுகின்றன. இத்தண்டுகளை மிளகுக் கொடிகளை நடுவதற்கு ஒன்று அல்லது இரண்டு மாதங்களுக்கு முன்னமாக நட்டால் போதுமானது. ஏனைய சில்வர் ஓக், சூபாபல் போன்றவை நாற்றுக்களாகவே நடவேண்டும். நாற்றுக்களை மிளகுக் கொடிகள் நடுவதற்கு மூன்று அல்லது நான்கு ஆண்டுகளுக்கு முன்னரே நடவேண்டும். வேர் விட்ட துண்டுகளைப் படர பயன்படும் மரங்களிலிருந்து 15 செ.மீ தூரம் தள்ளி 50 செ.மீ நீள, அகல, ஆழமுள்ள குழிகளை இரண்டு பக்கமும் 2 முதல் 3 மீட்டர்  (பன்னியூர் 1 – 3 x 3 மீட்டர்). இடைவெளி விட்டு தோண்டவும். 5 முதல் 10 கிலோ வரை தொழு உரம் அல்லது மட்கிய உரத்தை மேல் மண்ணுடன் கலந்து குழியில் நிரப்ப வேண்டும். தோண்டி நடவு செய்யவேண்டும். ஜூன் - ஜூலை மாதங்கள் நடவு செய்ய ஏற்றதாகும். செடிகள் வளர ஆரம்பித்தவுடன் அவை படரும் மரங்களில் கயிறுகளால் அல்லது தென்னை ஓலையினதல் கட்டிப் பாதுகாக்கவேண்டும்.

உரமிடுதல் :
ஒரு கொடிக்கு 10 கிலோ மக்கிய தொடு எருவுடன் 100 கிராம் தழைச்சத்து, 40 கிராம் மணிச்சத்து மற்றும் 140 கிராம் சாம்பல் சத்து தரக்கூடிய உரங்களை இருபாகங்களாகப் பிரித்து மே - ஜூன் மற்றும் செப்டம்பர் - அக்டோபர் மாதங்களில் இடவேண்டும். இராசயன உரங்கள் நட்ட ஒரு மாதம் கழித்து கொடி ஒன்றிற்கு 10 கிராம் அசோஸ்பைரில்லம் மற்றும் 25 கிராம் மெக்னீசியம் சல்பேட் இடவேண்டும்.
ஒருங்கிணைந்த உர மேலாண்மை :
செடி ஒன்றிக்கு 50 சதவித கனிம தழைச்சத்து + 10 கிலோ தொழுஉரம் + 50 கிராம் அசோஸ்பைரில்லம் + 50 கிராம் பாஸ்போபாக்டீரியா + 200 கிராம் வேம்பு இடவும். உரங்களைக் கொடியிலிருந்து 30 செ.மீ தூரம் தள்ளி இடவேண்டும். 

நீர் நிர்வாகம்
டிசம்பர் - மே மாதங்களில் 10 நாட்களுக்கு ஒரு முறை குழிகளைச் சுற்றி நீர் விட்டால் நல்ல பலன் கிடைக்கும்.

களைக் கட்டுப்பாடு மற்றும் பின்செய்நேர்த்தி
ஜூன் - ஜூலை மற்றும் அக்டோபர் - நவம்பர் மாதங்களில் இரண்டு முறை களை எடுக்கவேண்டும்.

காய் உதிர்தல்

காய் உதிர்தலை தடுக்க1 சதவித டை அமோனியம் பாஸ்பேட்டை நான்கு முறை (பூ பூப்பதற்கு முன் 1 மே), புதிய இலைகள் மற்றும் பூக்கள் தோன்றும் போது (ஜீன்), காய்கொத்து உருவாவதற்கு முன் (ஜீலை) மற்றும் சிறு காய்கள் இருக்கும் பருவம் (ஆகஸ்ட்)) இலைமேல் தெளிக்க வேண்டும்.

கவாத்து செய்தல்

மிளகுக் கொடிகளின் நுனியைக் கிள்ளி விடுவதன் மூலம் பக்கக் கிளைகள்  அதிகமாக வளரும். முதல் இரு வருடங்களில் மிளகுக் கொடியில் காய்க்கும் எல்லா பூங்கொத்துக்களை உருவி நீக்கிவிடவேண்டும். அத்துடன் மிகுதியான பக்கக் கிளைகளை உருவாக்க தேர்ந்தெடுக்கப்பட்ட இலைகளையும் கிள்ளிவிடவேண்டும். மிளகுக்கொடி உருவாக்க தேர்ந்தெடுக்கப்படட இலைகளையும் கிள்ளிவிடவேண்டும். மிளகுக் கொடி படர் மரங்களின் உயரத்தைத் தொடும் அளவிற்கு வந்தவுடன், மேலும் பற்றிப்படர படர்மரம் இல்லாததால் கொடிகள் கீழ்நோக்கித் தொங்கிக் கொண்டிருக்கும். அவற்றை அப்புறப்படுத்தி, தண்டுகளை நாற்றுக்களாக உற்பத்தி செய்ய பயன்படுத்திக் கொள்ளலாம்.

பூச்சிகள்

பொல்லு வண்டு : தாக்குதல் உள்ள இடங்களில் ஜூலை மற்றும்  அக்டோபர் மாதங்களில் காய்பிடிக்கும் போதும், பின் ஒருமாதம் கழித்தும் குயினால்பாஸ்
25 இசி மருந்தை ஒரு லிட்டர் தண்ணீர் 2 மில்லி கலந்து தெளிக்கவேண்டும்.

இலைக்கழலைப்பேன் : இதனைக் கட்டுப்படுத்த ஒரு லிட்டர் தண்ணீருடன் மோனோகுரோட்டோபாஸ் 1.5 மில்லி அல்லது டைமித்தோயேட் 2 மில்லி அல்லது குளோரிபைரிபாஸ் 2 மில்லி அல்லது பாஸ்போமிடான் 2 மில்லி, இவற்றுள் ஏதாவது ஒன்றினை புதிய இலைகள் துளிர்விடும் சமயத்தில் மூன்று முறை ஒரு மாதத இடைவெளியில் தெளிக்கவேண்டும்.

மாவு மற்றும் செதில் பூச்சிகள் : இப்பூச்சிகளைக் கட்டுப்படுத்த 3 மில்லி பாஸ்போமிடான் மருந்துக்கு ஒரு லிட்டர் தண்ணீர் என்ற அளவில் கலந்து தெளிக்கவேண்டும்.

நோய்கள்

துரித வாடல் நோய் : மிளகுப் பயிரைத் தாக்கும்நோய்களில் மிக முக்கியமானது வாடல் நோய் ஆகும். நன்கு வளர்ந்த மிளகுக் கொடி திடீரென பட்டுப்போய் விடும். இது ஒரு வகை பூசண நோய் ஆகும். இது ஜூலை - ஆகஸ்ட் மாதத்தில் பெய்யும் தென்மேற்குப் பருவக் காற்று மழையினால் அதிகம் பரவுகின்றது. நோய் தாக்கிய 10 அல்லது 15 நாட்களுக்குள் மிளகுக்  கொடி இலை அனைத்தும் உதிர்ந்து இறந்துவிடும். உதிரும் இலைகள் பசுமை நிறம் கொண்டவையாக இருக்கும். தூர் பாகத்திற்கு மிக அருகில் இருக்கும் தளிர் மற்றும் முதிர்ந்த இலைகளில் கருமையாக மாறிவிடும். தூர் பாககம் முதலில் அழுக ஆரம்பித்து பின் வேர்பாகம்  முழுவதும் அழுகி செடி இறந்துவிடும். இந்நோய் கீழ்பழனி மலைகளில் அதிகமாகக் காணப்படும்.

தடுப்பு முறைகள்

1. மழைக்காலத்தில் இந்நோய் வேகமாகப் பரவுவதால் நல்ல வடிகால் வசதி செய்து, நோயின் தாக்கத்ததைக் குறைக்கவும்.
2. நாற்றாங்காலில் ஒரு கிலோ மண் கலவைக்கு 1 கிராம் ட்ரைக்கோடெர்மா விரிடி என்ற விகிதத்தில் கலந்து பிறகு நடவேண்டும்.
3. கொடி ஒன்றிற்கு அரைக்கிலோ  வேப்பம் புண்ணாக்கு இடவேண்டும்.
4. 1 சதவிகித போர்டோக் கலவையை மண்ணில் ஊற்றவேண்டும். வருடத்திற்கு இரண்டு முறை அதாவது மே - ஜூன் மற்றும் அக்டோபர் - நவம்பர் மாதங்களில் ஊற்றவேண்டும்.
5. இலை வழியாக ஒரு சதவிகித சூடோமோனோஸ் புளுரசன்ஸ் அளிக்கவேண்டும்.

நாற்றங்காலில் தடுப்பு முறை
நாற்றங்காலில் ஒரு கிலோ மண்கலவைக்கு 1 கிராம் டிரைக்கோடெர்மா விரிடி என்ற அளவில் கலந்து விடவேண்டும்.ஃ

நடவு வயல் தடுப்பு முறை
பின்வரும் கலவையில் ஏதேனும் ஒன்றினை இரண்டு முறை(மே-ஜூன் மற்றும் அக்டோபர் - நவம்பர்) மண்ணில் கலந்து இட வேண்டும்.

• செடிக்கு வேப்பம் புண்ணாக்கு ½ கிலோ + போர்டாக்ஸ் கலவையை செடியின் அடிப்பாகத்திலிருந்து 1 மீட்டர் உயரம் வரை பூச வேண்டும்.
• செடிக்கு டிரைக்கோடெர்மா விரிடி @ 20 கிராம் + தொழு உரம் அல்லது போர்டாக் கலவை1 % அல்லது மெட்டாலாக்சில் மான்கோசெப் ஒரு லிட்டர் நீருக்கு 2 கிராம் என்ற அளவில் கலந்து தெளிக்கவும்.
• ஒரு செடிக்கு வேப்பம் புண்ணாக்கு 2 கிலோ + 0.1% மெட்டாலாக்சில் (முன் பருவ தெளிப்பு மற்றும் மண்ணில் இட வேண்டும்).
• சூடோமோனாஸ் ஃப்ளோரசன்ஸ் 50 கிராம் (முன் மற்றும் பின் பருவம்) + வேப்பம் புண்ணாக்கு 2 கிலோ (பின் பருவம்) + மெட்டாலாக்சில் 0.1 %.

ஆந்தராக்னோஸ் : போர்டாக்ஸ் கலவை 1% அல்லது மேன்கொசெப் 0.2% தெளிக்கவும்.

நூற்புழு: பேசிலஸ் சப்டிலிஸ் (Bbv 57) அல்லது சூடோமோனாஸ் ப்ளுரோசன்ஸ் ஒரு கொடிக்கு 10 கிராம் என்ற அளவில் மண்ணில் கலந்து இடுவதன் மூலம் மிளகில் வேர் முடிச்சு மற்றும் ரேனிப்பார்ம் நூற்புழுக்களைக் கட்டுப்படுத்தலாம்.

முதிராத கருமிளகு காம்புகள்	முதிந்த கருமிளகு காம்புகள்

அறுவடை

நடவு செய்த மூன்று வருடங்களில் மிளகு காய்க்கத் தொடங்குகிறது. நவம்பர் முதல் மார்ச் மாதங்களில் அறுவடை செய்யலாம். மிளகுக் கொத்தில் சில பழங்கள் சிவப்பு நிறத்தை அடைந்தவுடன் முழுக் கொத்தை கையால் பறிக்க வேண்டும். பழங்களை பிரித்தெடுத்து, சுடுநீரில் (80 செ.) ஒரு நிமிடத்திற்கு முக்கி எடுத்து 7 முதல் 10 நாட்கள் வெயிலில் உலர்த்த வேண்டும்.

வணிகரீதியான கரு மிளகு	வெள்ளை மிளகு

மகசூல் : ஒரு வருடத்திற்க ஒரு கொடியிலிருந்து 2 முதல் 3 கிலோ உலர்ந்த மிளகு கிடைக்கும்.

சந்தை தகவல்கள்

பயிரிடும் மாவட்டங்கள்	கன்னியாகுமரி, நீலகிரிஸ், கொல்லிமலை, பழனி
முக்கிய சந்தைகள்	கன்னியாகுமரி, நாகர்கோவில்
முன்னுரிமை இரகங்கள்	தெல்லிசெரி, ஆலப்பி மற்றும் மலபார் கார்ப்லெட் (MGI)
தரம்	காரம் மற்றும் நறுமணம்

புதர் மிளகு
நடவுப் பொருள் : ஒரு வயதுடைய 2-3 கணுக்களுடைய பக்கவாட்டு கிளைகளை நடவுக்கு பொருத்தமாக இருக்கும்.
நடவு : ஒரு குழிக்கு 3 -5 நன்கு வேரூன்றிய தண்டு துண்டுகளை நடவேண்டும்.

உரம் மற்றும் உரமிடுதல் :

• ஒரு தொட்டிக்கு 1:0.5:2 கிராம் NPK  இருமாத இடைவெளியில் இடவேண்டும்.
• ஒரு தொட்டிக்கு 15 கிராம் கடலை புண்ணாக்கு மற்றும் 33 கிராம் வேப்பம் புண்ணாக்கு இடவேண்டும்.

கவாத்து செய்தல் : செடிகளை நன்கு பராமரிக்க தொங்கும் தாவரங்களை இரண்டு ஆண்டுகளுக்கு ஒரு முறை கவாத்து செய்தல் அவசியம்.

Read More

இஞ்சி (ஜின்ஜிபெர் அப்பிசினேல்)

ஜின்ஜிபெரேசியே

இஞ்சி செடி	இரகங்கள் இடைவெளி  மண் மற்றும் தட்பவெப்பநிலை ஒருங்கிணைந்த ஊட்டச்சத்து மேலாண்மை  பருவம் ஒருங்கிணைந்த பயிர்பாதுகாப்பு  விதையளவு அறுவடை  விதை நேர்த்தி மகசூல்

---

இரகங்கள் :
ரியோ - டி – ஜெனிரோ, மாரன் நடன், சுருச்சி, சுபிரபா, சுரவி, ஐஐஎஸ்ஆர் ,வராதா, ஐஐஎஸ்ஆர் மகிமா,ஐஎஸ்ஆர் ,ரிஜாதா அதிரா மற்றும் கார்த்திகா. 

உள்நாட்டு தொகுப்புகள் வ.எண் பயிரிடுதல் சிறப்பு பண்புகள் 1  அஸ்ஸாம்  தடித்த தண்டு, நல்ல நறுமணம் மற்றும் சுவை 2  பர்த்வான் – 1  தடித்த தண்டு காரமானது. 3  எர்னாடு செர்நாடு  தடித்த தண்டு காரமானது. 4  ஹிமாச்சல் பிரதேஷ்  தடித்த தண்டு, எலுமிச்சை மணம், உலர்ந்த இஞ்சி 5  நாடியா  மெல்லிய தண்டு, எலுமிச்சை மணம், உலர்ந்த இஞ்சி 6  வயநாடு  தடித்தது, காரமானது மற்றும் குறைந்த  நார்ச்சத்துடையது. 7  துரா  மெல்லிய தண்டு

மகசூல் மூலம் தேர்வு வகைகள்
வ.எண்	தன்மை / பண்பியல்பு	பயிரிடு / இணைப்பு
1.	அதிக மகசூல்  (புதிய மற்றும் உலர்ந்த)	யு.பி. ரியோ – டி – ஜெனிரோ, திங்க்புரி, காராக்கல் /சுப்பிரபா / அனாமிகா< /td>
		எஸ்ஜி – 646, (கேரளா), எஸ்ஜி – 666 (ஹிமாச்சல் பிரதேஷ்)
		மாரன், நாடியா, நரஷபட்டினம், சுப்பிரபா,சுருச்சி
		வயநாடு, எர்னாடு செர்நாடு, வயநாடு, சைனா, எஸ்ஜி-876, எஸ்ஜி -882, எஸ்ஜி 705, எஸ்ஜி – 700
		ஹிம்கிரி, IISR வரதா, IISR ரெஜிதா, IISR மஹிமா
2.	தடித்த தண்டு	சைனா, டாபின்கிவா, பைசி, சைனா, எண்.117,35,15,27
		வரதா, குருபதன், எஸ்ஜி – 35
3.	மெல்லிய தண்டு	சுருச்சி, குண்டுளி லோக்கல்
4.	குறுகிய காலம்	செய்ரா - லியோன்

தரத்தின் அடிப்படையில் தேர்வு வகைகள்
வ.எண்	தன்மை / பண்பியல்பு	வகைகள் /பயிரிடு இணைப்பு
1.	உயர் உலர் மீட்பு	டியூரா லோக்கல் (29%) டியூரா –(28%), தொடுபுழா (22%) குறும்பப்பாடி(23%),நாடியா(22%)
2.	உயர் ஒலியோரெசின்	அஸ்ஸாம் (9.3%), ரியோ – டி – ஜெனிரோ (10.5%), மாரன்(10%)
3.	உயர் அத்தியாவசிய எண்ணெய்	மன்னன்தோடி (2.2%), காராக்கல் (2.4%), எல்லக்கள்ளன் (2.6%)
4.	குறைந்த நார் சத்து	சைனா (3.4%), யுபி (3.7%) நாடியா (3.9%)
5.	உயர் சுக்கு மகசூல்(டன்/ எக்டர்)	ரியோ – டி – ஜெனிரோ, மாரன் (3.27), திங்க்புரா (2.79), மாரன் (4.4) நாடியா(3.8)
6.	உயர் ஜின்ஜிபெரின் மற்றும் ஜின்ஜரால்	பக்ரிகா மற்றும் அமராவதி
7.	உப்பு இஞ்சி	Acc.Nos. 35 & 37

மண் மற்றும் தட்பவெப்பநிலை : காற்றோட்டமான வடிகால் வசதியுள்ள, இருமண்பாடான நிலங்கள் மிகவும் உகந்தது. மழையளவு ஆண்டுக்கு 150 செ.மீ கடல் மட்டத்திலிருந்து 1500 மீட்டர் உயரம் உள்ள பகுதியில் இறவைப் பயிராகப் பயிரிடலாம். பருவம் :மே - ஜூன். விதையளவு : எக்டருக்கு 1500-1800 கிலோ இஞ்சிக் கிழங்குகள். விதை நேர்த்தி: விதை கிழங்குகளை ஒரு லிட்டர் நீரில் 3 கிராம் மேன்கோசெப் (அ) காப்பர் ஆக்ஸி குளோரைடு (அ) 200 பி.பி.எம். ஸ்டெரெப்டோசைக்கிளின் கொண்டு 30 நிமிடங்கள் ஊர வைத்து விதை நேர்த்தி செய்ய வேண்டும். இடைவெளி : பாசனப் பயிர் – 40 x 20 செ.மீ (பாத்திகளில்) மானாவாரிப் பயிர் - 20x20 செ.மீ (அ) 25x 25 செ.மீ (மேட்டுப் பாத்திகளில்)

ஒருங்கிணைந்த ஊட்டச்சத்து மேலாண்மை: உரமிடுதல்  அடியுரமாக தொழுஉரம் ஒரு எக்டருக்கு 40 டன் என்ற அளவில் கடைசி உழவு அல்லது முள் போடுவதற்கு முன் இடவேண்டும். பின்பு எக்டருக்கு 50 கிலோ மணிச்சத்து மற்றும் 25 கிலோ சாம்பல் சத்தை இட்டு நடவு செய்ய வேண்டும். மேலுரமாக எக்டருக்கு 37.5 கிலோ தழைச்சத்தையும் 12.5 கிலோ மணிச்சத்தையும் நடவு செய்த 45 மற்றும் 90 ஆவது நாட்களில் இட்டு மண் அணைக்க வேண்டும். இஞ்சி செடிகளுக்கு பரிந்துரைக்கப்பட்ட உர அளவுடன் 25 சதவீதம் நிழல் இருக்குமாறு பராமரிப்பதால்  மகசூல் திறனை அதிகரிக்கலாம். களைக் கட்டுப்பாடு மற்றும் பின்செய்நேர்த்தி நடவு செய்தவுடன், பச்சை இலைகளைக் கொண்டு நிலப்போர்வை அமைக்கவேண்டும். மேலுரம் இடும்போது மண் அணைத்து நீர் தேங்காமல்  செய்யவேண்டும்.

ஒருங்கிணைந்த பயிர்பாதுகாப்பு: பூச்சி தண்டுத்துளைப்பான் : இதனைக் கட்டுப்படுத்த டைமெத்தோயேட் 30 இசி, 2 மிலி/லிட்டர் தண்ணீர் அல்லது பாஸ்போமிடான் ஒரு மில்லி/லிட்டர் தண்ணீர் என்ற விகிதத்தில் கலந்து தெளிக்கவேண்டும். இலைச்சுருள் பூச்சி கட்டுப்படுத்த கார்பரில் 50 சதம் நனையும் தூள் அல்லது குயினால்பாஸ் மருந்தை ஒரு லிட்டர் நீருக்கு 2 மில்லி வீதம் கலந்து தெளிக்கவேண்டும். நோய்கள் இலைப்புள்ளி நோய் : இதனைக் கட்டுப்படுத்த 1 சதவீதம் போர்டோக் கலவை அல்லது காப்பர் ஆக்சி குளோரைடு 0.2 சதம் தெளிக்கவேண்டும். கிழங்கு அழுகல் நோய் வடிகால் வசதியை மேம்படுத்தியும் விதை உபயோகத்திற்காக நோய் தாக்காத விதைக்கிழங்குகளைத் தேர்வு செய்தும் விதைக்கிழங்குகளை மேன்கோசெப் அல்லது காப்பர் ஆக்ஸிகுளோரைடு என்ற பூசணக் கொல்லியை ஒரு லிட்டர் நீருக்கு 3 கிராம் என்ற அளவில் தயாரித்த கரைசலில் 30 நிமிடம் ஊரவைத்து விதை நேர்த்தி செய்தும் கட்டுப்படுத்தலாம். சேமிப்பிற்கு முன் ஸ்ரெப்டோசைக்கிளின் 200 பி.பி.எம் (ஒரு லிட்டர் நீருக்கு 200 மி.கி.) கரைசலில் ஊரவைத்து சேமிப்பதாலும் இந்த நோயைக் கட்டுப்படுத்தலாம். தொழு உரத்தை அதிக அளவில் இடுவதன் மூலம் நோயின் தீவிரம் குறைவதோடு மட்டுமல்லாமல் மகசூலும் அதிகரிக்கிறது.

அறுவடை: 8-9 மாதங்களில் பயிர் அறுவடைக்கு வந்துவிடும். இலைகள் பழுப்படைவதும், காய்வதும் அறுவடைக்கான அறிகுறியாகும். இஞ்சி உலர்ந்த இஞ்சி மகசூல் : எக்டருக்கு 12-15 டன்கள்.

Read More

மஞ்சள் (குர்குமா லாங்கா)

ஜின்ஜிபெரேசியே

இரகங்கள் : கோ 1, பிஎஸ்ஆர் 1,2 (பவானிசாகர் 1,2) ரோமா, ஸ்வெர்ணா, சுதர்ஷனா, ரங்கா, ராஷ்மி, ராஜேந்திர சோனியா, கிருஷ்ணா, சுகுணா, சுகந்தம், சுரோமா, ஆலப்புழா விரலி மஞ்சள்,ஐஐஎஸ்ஆர் பிரபா, ஐஐஎஸ்ஆர் பிரதீபா, ஐஐஎஸ்ஆர் அலப்பி சுப்ரீம் மற்றும் ஐஐஎஸ்ஆர் கெடாரம்.

உள்ளூர் வகைகள் : ஈரோடு மற்றும் சேலம் மஞ்சள் முக்கிய நாட்டு வகைகள் ஆகும்.

கோ 1	பிஎஸ்ஆர் 1	பிஎஸ்ஆர் 2

மண் மற்றும் தட்பவெப்ப நிலை: மஞ்சள் ஒரு வெப்ப மண்டலப்பயிர் ஆகும். நல்ல வடிகால் வசதியுடைய செம்மண் மற்றும் இருபண்பாடு நிலம் மிகவும் உகந்தது. மஞ்சள் பெரும்பாலும் இறவைப் பயிராகவே சாகுபடி செய்யப்படுகிறது, ஆண்டு ஒன்றுக்கு சராசரி மழை 1500 மி.மீ மேல் உள்ள பகுதிகளில் மஞ்சளை மானாவாரியாக பயிரிடலாம். கடல் மட்டத்திலிருந்து 2500 மீட்டர் உயரம் வரை உள்ள இடங்களிலும் சாகுபடி செய்யலாம்.

மஞ்சள் வயல்	மஞ்சள் பூ

பருவம் : தமிழ்நாட்டில் மே - ஜூன் மாதம் மிகவும் ஏற்ற பருவமாகும்.

விதை நேர்த்தி

• விதை கிழங்குகளை போசலோன் 35 EC 2 மிலி/ லிட்டர் (அ) மோனோகுரோட்டோபாஸ் 36 WSC 1.5 மிலி/லிட்டர் நீரில் நனைக்க வேண்டும். 0.3% காப்பர் ஆக்ஸி குளோரைடு கொண்டு 30 நிமிடங்களில் ஊற வைக்க வேண்டும்.
• ஒரு கிலோ விதைக்கு சூடோமோனாஸ் ப்ளுரசன்ஸ் 10 கிராம் மற்றும் டிரைகோடெர்மா விரிடி 4 கிராம் கொண்டு விதை நேர்த்தி செய்ய வேண்டும்.

விரலி மஞ்சள் கிழங்குகள்

பயிர்ப் பெருக்கம் :
தாய் கிழங்கு மற்றும் விரலி கிழங்குகளை கொண்டு பயிர்ப்பெருக்கம் செய்யலாம்.
விதையளவு - 2000 கிலோ / எக்டர் (விரலி கிழங்கு).                                                                                                        

நடவு வயல் தயார்படுத்துதல் :உளிக்கலப்பை மற்றும் சட்டிக் கலப்பை கொண்டு வயலை உழ வேண்டும். அதன்பிறகு சிறு கலப்பை கொண்டு இரண்டு முறை உழ வேண்டும். வரப்பு மற்றும் வாய்க்கால்களை 45 செ.மீ இடைவெளியில் அமைக்க வேண்டும் (அ) மேட்டுப் பாத்திகளை 120 செ.மீ அகலத்தில் 30 செ.மீ இடைவெளியில் அமைக்க வேண்டும். மண்ணின் ஈரப்பதத்தை கொண்டு, படுக்கைகளுக்கு சொட்டு நீர் பாசனம் மூலம் 8-12 மணி நேரம் நீர் பாய்ச்ச வேண்டும்.

இடைவெளி : 45 x 15 செ.மீ 20-30 கிராம் எடையுள்ள விதைக் கிழங்குகளை 4 செ.மீ ஆழத்தில் ஊன்ற வேண்டும்.

அடியுரம்: எக்டருக்கு 25 டன் தொழுஉரம், 200 கிலோ வேப்பம் (அ) கடலை புண்ணாக்கு, 25:60:108 கிலோ NPK, 30 கிலோ பெரஸ் சல்பேட் மற்றும் 15 கிலோ ஜிங்க் சல்பேட், 10 கிலோ அசோஸ்பைரில்லம், 10 கிலோ பாஸ்போபாக்டீரியா போன்றவற்றை நடவின் போது இட வேண்டும்.

மேலுரம் : எக்டருக்கு 25:108 கிலோ தழை மற்றும் சாம்பல் சத்தினை நட்ட 30, 60, 120 மற்றும் 150வது நாளில் இட வேண்டும்.

நுண் ஊட்டச்சத்து பயன்பாடு
போரான், இரும்பு மற்றும் துத்தநாகம் ஒவ்வொன்றையும் போராக்ஸ், பெரஸ் சல்பேட், துத்தநாக சல்பேட்டாக யூரியாவை 375 கிராம் என்ற அளவில் எக்டருக்கு 250 லிட்டர் தண்ணீரில் கலந்து கிழங்கின் வளர்ச்சிப் பருவத்தில் தெளிக்கவும். இதனை 25 நாட்கள் இடைவெளியில் இரண்டு முறை தெளிக்கவும். மேலே குறிப்பிட்டுள்ள நுண் ஊட்டச்சத்துக்களை சூப்பர் பாஸ்பேட் கூழ் மருந்தில் கலக்க வேண்டும் (15 கிலோ சூப்பர் பாஸ்பேட்டை 25 லிட்டர் தண்ணீரில் கலந்து ஓர் இரவு முழுவதும் ஊற வைத்து பின்பு 250 லிட்டர் தெளிந்த நீர்மமாக இந்த சூப்பர் பாஸ்பேட் கூழ்மருந்து தயாரிக்கப்படுகிறது).

நீர்வழி உரமிடுதல் : 
நீர்வழி உரமிடுதல் மூலம் 150:60:108 NPK / எக்டர் என்ற பரிந்துரைக்கப்பட்ட உர அளவினை பயிர்க்காலம் முழுவதும் மூன்று நாட்களுக்கு ஒரு முறை அளிக்க வேண்டும். பரிந்துரைக்கப்பட்ட உர அளவில் 75 சத மணிச்சத்தினை அடியுரமாக அளித்தல் வேண்டும். நீரில் கரையக் கூடிய உரங்களான 19:19:19, மோனோ அம்மோனியம் பாஸ்போட்டை (12:61:0), மல்டி பொட்டாசியம் (13:0:45) மற்றும் யூரியாவை பயன்படுத்தலாம்.

மஞ்சளுக்கு நீர்வழி உரமிடுதலின் அட்டவணை :

பயிர் பருவம்	கால அளவு (நாட்கள்)	தேவையான ஊட்டச்சத்து (%)			பயன்படுத்தும் அளவு (கிலோ/எக்டர்)
நடவு முதல் உருவாகும் பருவம் வரை	15	10	20	10	19:19:19 மல்டி பொட்டாசியம் யூரியா	15.78 17.33 21.20
வளர்ச்சிப் பருவம்	60	40	30	20	19:19:19 மல்டி பொட்டாசியம் யூரியா	9.83 96.00 100.57
கிழங்கு உருவாகும் பருவம்	60	30	30	30	19:19:19 மல்டி பொட்டாசியம் யூரியா	4.91 71.28 76.29
கிழங்கு முதிர்வு பருவம்	135	20	20	40	19:19:19 மல்டி பொட்டாசியம் யூரியா	15.78 40.42 47.06
மொத்த கால அளவு	270	100	100	100

களை கட்டுப்பாடு மற்றும் பின்செய்நேர்த்தி

களை நிர்வாகம் : நட்ட மூன்றாவது நாளில் பேஸலின் களைக் கொல்லி 2 லிட்டர் என்ற அளவில் தெளிக்கவேண்டும். நடவு செய்த 30வது நாளில் முதல் களையும், பின் 50,120 மற்றும் 150 நாட்களிலும் களை எடுக்கவேண்டும்.

ஊடுபயிர் : மஞ்சளை இளந் தென்னந்தோப்புகளில் ஊடுபயிராக பயிர் செய்யலாம். மஞ்சள் தோட்டத்தில் கொத்தமல்லி, வெந்தயம், மிளகாய், பயறுவகைகள் போன்ற பயிர்களை அகன்ற இடைவெளியில் பயிருக்கு தக்கவாறு ஊடுபயிராகப் பயிரிடலாம். மஞ்சளை சிறிதளவு நிழலிலும் சாகுபடி செய்யலாம். நிழல் ஒழுங்கு படுத்தும் பயிராக அகத்தி மற்றும் ஆமணக்கு போன்ற பயிர்களைப் பயிரிடலாம்.

சின்ன வெங்காயத்தை ஊடுபயிராகப் பயிர்  செய்வதாக இருந்தால், பேஸலின் மருந்தை சின்ன வெங்காயம் விதைப்பு செய்தவுடன் மண்ணின் மீது தெளிக்கவேண்டும். பேஸலின் தெளித்த பகுதிகளில் நடக்கக்கூடாது. நடந்தால் மருந்து காலில் ஒட்டிக்கொள்ளும். அந்த இடத்தில் களைகள் முளைத்துவிடும். எனவே, களைக்கொல்லி தெளிக்கும் போது பின்நோக்கி நடக்கவேண்டும். அல்லது பக்கவாட்டில் நடக்கவேண்டும். நீர்ப்பாசனம் செய்த பின்னர் தான் நிலத்தில் நடக்கவேண்டும். பெல்லாரி வெங்காயம் நடவு செய்யவேண்டும் எனில் களைக்கொல்லி தெளித்து நீர்ப்பாசனம் செய்த பின் நடவு செய்யவேண்டும்.

மஞ்சள் ஊடுபயிரில் சொட்டு நீர்ப்பாசனம்

மஞ்சள் + மிளகாய்	மஞ்சள் + வெங்காயம்	மஞ்சள் + வெங்காயம் + வெண்டை

மண் அணைத்தல் : இரண்டாவது மேலுரம் மற்றும் நான்காவது மேலுரம் இடும்போது மண் அணைக்கவேண்டும்.

நீர் நிர்வாகம்

மஞ்சள் நடவுக்கு முன்பு, பிறகு நடவு செய்த மூன்றாம் நாளும் உயிர்த் தண்ணீர் பாய்ச்சவேண்டும்.பின்பு மண்ணின் தன்மைக்கேற்ப வாரம் ஒரு முறை நீர்ப்பாய்ச்சவேண்டும்.

ஒருங்கிணைந்த பயிர் பாதுகாப்பு

நடவுக்கு முந்தைய நேர்த்தி
விதைக் கிழங்குகளை 1 கிராம் / லிட்டர் கார்பன்டாசிம் மற்றும் போசலோன் 35 EC 2 மிலி/ லிட்டர் (அ) மோனோகுரோட்டோபாஸ் 36 WSC 1.5 மிலி/ லிட்டரில் ஊற வைப்பதன் மூலம் கிழங்கழுகல் மற்றும் செதில் பூச்சிகளை கட்டுப்படுத்தலாம்.

பூச்சிகள்

செதில் பூச்சி : இவை மஞ்சளின் கிழங்குப் பகுதியினைத் தாக்கிச் சேதம் விளைவிக்கும். இதனால் கிழங்குகள் சுருங்கி, பின் காய்ந்துவிடும். இதனைக் கட்டுப்படுத்த பாசலோன் 1.5 மில்லி ஒரு லிட்டர் தண்ணீர் கரைசலில் 15 நிமிடம் ஊறவைத்து, கிழங்குகளை நடவு செய்யவேண்டும். செதில் பூச்சியால் பாதிக்கப்படும் சேனைக்கிழங்கு போன்ற பயிர்களை மஞ்சள் பயிரிடும் நிலத்தில் பயிர்  செய்யக்கூடாது. நடவு செய்யப்பட்ட வயலில் செதில் பூச்சிகளை ஒழிக்க டைமீதோயேட் (ரோகார்) 2 மில்லி ஒரு லிட்டர் தண்ணீரில் கலந்து வேர்ப்பாகம் நனையும்படி ஊற்றவேண்டும்.

தண்டுத் துளைப்பான் : எண்டோசல்பான் 0.1 சதம் தெளிக்கவேண்டும். தண்டுத் துளைப்பான் விரும்பி உண்ணும் ஆமணக்கு, மாதுளை, பலா, இஞ்சி போன்றவை மஞ்சள் தோட்டத்திற்கு அருகில் இல்லாமல் பார்த்துக் கொள்ளவேண்டும்.

இலைப்பேன் : இலைகளில் சாறை உறிஞ்சி பயிர்களை வாடச்செய்யும். மெட்டாசிஸ்டாக்ஸ் மற்றும் டைமெத்ரான் 750 மில்லி , தெளிப்பதன் மூலம் இலைப்பேனைக் கட்டுப்படுத்தலாம்.

நூற்புழு : செம்மண் கலந்து மணற்பாங்கான இடங்களில் நூற்புழு தாக்குதல் தென்படும். இவை மஞ்சளைத் தவிர புகையிலை, மிளகாய், கத்தரி, வாழை, கனகாம்பரம் ஆகிய பயிர்களைத் தாக்கும். எனவே இவற்றை ஊடுபயிராகப் பயிரிடுவதைத் தவிர்க்கவேண்டும். செண்டு மல்லியை ஓரங்களில் பயிரிட்டால் நூற்புழுவைக் கட்டுப்படுத்தலாம். நூற்புழுத் தாக்குதலைக் குறைக்க ஒரு எக்டருக்கு 250 கிலோ வேப்பம் புண்ணாக்கு கடைசி உழவின்போது இடவேண்டும். மீண்டும் யூரியா இடும்போது 5 கிலோ வேப்பம் புண்ணாக்கு கடைசி உழவின்போது இடவேண்டும். நட்ட 5வது மாதத்தில் ஒரு எக்டருக்கு 35 கிலோ கார்போபியூரான் குறுணையை செடியைச் சுற்றி 2-3 செ.மீ ஓரத்தில் இடவெண்டும். பின்பு மணல் கொண்டு மூடி நீர்ப்பாய்ச்சவேண்டும்.

நோய்கள்

கிழங்கழுகல் நோய்

• விதை கிழங்குகளை 0.3% காப்பர் ஆக்ஸிகுளோரைடு கொண்டு 30 நிமிடங்கள் நேர்த்தி செய்ய வேண்டும் (அ) 1% போர்டோ கலவை (அ) 0.25% காப்பர் ஆக்ஸிகுளோரைடு (அ) 0.1% ரிடோமில் கொண்டு நனைக்க வேண்டும்.
• சூடோமேனாஸ் ப்ளுரசன்ஸ் 10 கிராம் / கிலோ மற்றும் டிரைகோடெர்மா விரிடி 4 கிராம் / கிலோ என்ற அளவில் விதை நேர்த்தி செய்ய வேண்டும். எக்டருக்கு 2.5 கிலோ சூடோமோனாஸ் ப்ளரசன்ஸ் மற்றும் 2.5 கிலோ டிரைகோடெர்மா விரிடியை 50 கிலோ தொழு உரத்துடன் கலந்து அடியுரமாகவும் நட்ட 150வது நாளில் மேலுரமாகவும் அளிக்க வேண்டும்.

இலைத் தீயல்நோய்

பாதிக்கப்பட்ட இலைகளைக் கிள்ளி எடுத்து எரித்துவிடவேண்டும். பின் காப்பர் ஆக்சி குளோரைடு 1250 கிராம் ஒரு எக்டருக்கு அல்லது மேன்கோசெப் 400 கிராம் ஒரு எக்டர் என்னும் அளவில் நோய் கண்டவுடன் தெளிக்கவும். நோயின் தீவிரத்தைப் பொறுத்து, இரண்டு அல்லது  மூன்று முறை 10 அல்லது 15 நாட்கள் இடைவெளியில் தெளிக்கவேண்டும்.

இலைத் தீயல்நோய்

இலைப்புள்ளி நோய்

இலைத்தீயல் நோய்க்கு உரிய மருந்துகளை இதற்கும் பயன்படுத்தி இந்நோயைக் கட்டுப்படுத்தலாம்.

அறுவடை

பயிர்  மஞ்சாளதல், சாய்தல், உலர்ந்துவிடுதல் போன்றவை அறுவடைக்கான அறிகுறியாகும். கிழங்குகளை மண்வெட்டி அல்லது குழிதோண்டும் கருவி கொண்டு தோண்டி எடுக்க வேண்டும்.

அறுவடை மற்றும் கிழங்குளை சுத்தப்படுத்தல்

மகசூல்
பதப்படுத்தப்படாத கிழங்குகள்    :  25-30 டன்/எக்டர்
பதப்படுத்தப்பட்ட கிழங்குகள்      :   5-6 டன்/எக்டர்

விதைக் கிழங்குகளை சேமித்தல்:

விதைக் கிழங்குகளை பகுதி மூடப்பட்ட பந்தலின் கீழ் மணல் ஊடகத்தில் வைத்து சேமிக்க  வேண்டும்.

சந்தை தகவல்கள்

பயிரிடும் மாவட்டங்கள்	கரூர், விழுப்புரம், கோயம்புத்தூர், சேலம், தர்மபுரி, கிருஷ்ணகிரி, ஈரோடு
முக்கிய சந்தைகள்	ஈரோடு, கரூர், கோயம்புத்தூர், சேலம் மற்றும் தர்மபுரி
முன்னுரிமை இரகங்கள்	ஈரோடு லோக்கல், பி. எஸ். ஆர், சேலம் இரகம்
தரம்	பளிச்சென்ற மஞ்சள் நிறம், 3 செ.மீ க்கு மேலே நீளம், கடினமான, உடைத்தால் உலோக ஒலி கொடுக்கும், மென்மையான தோலுடைய, மாசு இல்லாத

Read More

ஏலக்காய் (எலட்டேரியா கார்டமம்)

ஜின்ஜிபெரெசியே

இரகங்கள் :

மலபார்: முடிகிரி 1, முடிகிரி 2, பிவி 1, ஐசிஆர்ஐ 1, ஐசிஆர்ஐ 3, டி கே டீ 4, ஐ ஐ எஸ் ஆர் ஸ்வர்ணா, ஐ ஐ எஸ் ஆர் விஜிதா, ஐ ஐ எஸ் ஆர் அவினாஷ்

மைசூர்: ஐசிஆர்ஐ 2

வழுக்கா:பிவி 2, நிஜாலனி (கிரீன் கோல்ட்)

ஏலக்காய் தோட்டம்	ஏலக்காய் செடி

மண் மற்றும் தட்பவெப்பநிலை : நிழலான பகுதிகளில், வடிகால் வசதியள்ள இரும்பொறை மண் உகந்தது. காற்றில் அதிக ஈரப்பதம் மிகுந்த மிதமான தட்பவெப்பநிலையில் இது நன்கு வளரும். மண்ணின் கார அமிலத் தன்மை 6-6.5க்குள் இருந்தால் அவசியம். அதிகமாக காற்று வீசும் பகுதிகளில் இதனைப் பயிரிட முடியாது. மலபார் வகைகளை கடல் மட்டத்திலிருந்து சுமார் 7000 முதல் 1600 மீட்டர் வரை உள்ள உயரத்தில் பயிரிடலாம். ஆண்டிற்கு சராசரியாக 1500 முதல் 2500 மில்லி மீட்டர் வரை மழை பொழியும் இடங்களில் இவ்வகை ஏலக்காயை் பயிரிட முடியும். ஆனால் மைசூர்  வகைக்கு அதிக மழைப்பொழிவு தேவை.

பருவம் : ஜூன் - டிசம்பர்

இனப்பெருக்கம் : ஏலக்காய் விதை மூலமும், நிலத்தடி தண்டு கிழங்கு மூலமும் இனப்பெருக்கம் செய்யலாம்.

விதையும் விதைப்பும்

நாற்றுகள் / ஒட்டுக்கன்றுகளை கொண்டு இனப்பெருக்கம் செய்யலாம்.

விதை பயிர்பெருக்கம்

• நல்ல ஆரோக்கியமான செடிகளிலிருந்து விதைகளைச் சேகரித்துக் கொள்ளவேண்டும்.  
• ஒரு எக்டர் நடுவதற்கு 600 கிராம் விதைகள் தேவைப்படும்.
• விதைகளை வணிகத்தரம் வாய்ந்த கந்தக அமிலம் அல்லது ஹைட்ரோகுளோரிக் அமிலத்தில் 20 நிமிடம் வைத்திருந்து பின்பு சுத்தமான நீரினால் கழுவ வேண்டும்.
• தேவையான அளவுக்கு மேட்டுப்பாத்திகள் அமைத்து,  அதில் நன்றாய்ப் பொடி செய்த மக்கிய தொழு உரம், மரச்சாம்பல் மற்றும் அங்ககச் சத்து நிறைந்த மண் இவற்றை சம அளவில் பாத்திகளில் கலந்து விடவேண்டும்.
• இந்தப் பாத்திகளின் குறுக்கே கோடுகள் கிழித்து ஒரே சீராக விதைகளை விதைத்து மணல் கொண்டு மூடவேண்டும்
• பின்பு அவற்றின் மேல் காய்ந்த புல் அல்லது வைக்கோல் கொண்டு இலேசாக பூவாளியின் உதவி கொண்டு தண்ணீர் தெளிக்கவேண்டும்.  விதைத்த மூன்றாம் மாதத்தில் செடிகள் முளைக்க ஆரம்பிக்கும் சுமார் ஒரு வருடம் ஆன பிறகு நாற்றுக்கள் இரண்டாம்நிலை  நாற்றாங்காலில் நடுவதற்கு தயாராக இருக்கும்.

இரண்டாம்நிலை நாற்றாங்கால் :

• முதல் நிலை நாற்றங்கால் போல் படுக்கைகளை தயார் செய்ய வேண்டும். பந்தல் எழுப்பி நாற்றுகளுக்கு நிழல் அளிக்க வேண்டும்.
• நாற்றுகளை 20 x 20 செ.மீ இடைவெளியில் நட வேண்டும்.
• நடவுக்காக 18-22 மாதங்களுக்கான நாற்றுகளை பயன்படுத்த வேண்டும்.
• 20 x 20 செ.மீ அளவுள்ள பாலித்தீன் பைகளை பயன்படுத்தலாம்.

தாவரக் கன்று மூலம் பயிர்பெருக்கம் :

• அதிக மகசூல் தரக் கூடிய செடிகளில் இருந்து எடுக்கப்பட்ட தாவரக் கன்றுகளை குளோன் செய்யப்பட்ட தோட்டங்களில் நட வேண்டும்.
• இடைவெளி 1.8 மீ x 0.6 மீ (6800 செடிகள் / எக்டர்).
• நீர் பாய்ச்சுதல் வேண்டும். நட்ட 12 மாதங்களுக்கு பிறகு ஒவ்வொரு பகுதியில் இருந்தும் 32 முதல் 42 தாவரக் கன்றுகள் கிடைக்கும்.

நிலம் தயாரித்தல் :
நடவு நிலத்தில் 60 செ.மீ நீள. அகல, ஆழம் உள்ள குழிகள் எடுக்க வேண்டும். குழிகளில் மேல் மண் மற்றும் இலை மட்கு போன்றவற்றை இட்டு நிரப்பி, குழிகளின் மத்தியில் நாற்றுக்களை நடவேண்டும்.

இடைவெளி : குழிகளின் இடைவெளி உயரமாக வளரும் செடிகளுக்கு 2.5x2.0 மீட்டராகவும், குட்டையாக  வளரும்  செடிகளுக்கு 2.0 x 1.5 மீட்டர் இருக்குமாறும் அமைத்துக் கொள்ளவேண்டும்.

நீர்ப்பாசனம் :
பொதுவாக ஏலக்காய் மானாவாரியாக சாகுபடி செய்யப்பட்டாலும், கோடை காலங்களில் தெளிப்பு நீர்ப்பாசனம் செய்யப்பட்டாலும் மகசூல் திறனை அதிகப்படுத்தலாம்.

ஒருங்கிணைந்த ஊட்டச்சத்து மேலாண்மை

எக்டருக்கு 25 கிலோ மக்கிய கம்போஸ்ட், 75 கிலோ தழைச்சத்து, 75 கிலோ மணிச்சத்து, 150 கிலோ சாம்பல் சத்து கொடுக்கக்கூடிய இரசாயன உரங்களை இருசம பகுதிகளாகப் பிரித்து ஜூன் - ஜூலை மாதங்களில் ஒரு முறையும், பின்பு அக்டோபர் - நவம்பர் மாதங்களில் ஒரு முறையும் இடவேண்டும்.

களைக் கட்டுப்பாடு மற்றும் பின்செய் நேர்த்தி

பின்செய்நேர்த்தி : பின்செய் நேர்த்தியாக தேவைப்படும் போது களை எடுக்கவேண்டும். பழுத்த, காய்ந்த இலைகளையும், கிளைகளையும் மே - ஜூன் மாதங்களில் களைந்து அப்புறப்படுத்த வேண்டும். மழைக்குப் பின் செடிகளைச் சுற்றி மண்  வெட்டியால் கொத்தி விடவேண்டும்.

நிழல் அளித்தல் :

• நிழல் கட்டுப்பாடு : இயல்பாக 50 -60%, மானாவாரி – 40-50%, பாசனப்பயிர் – 55-60%
• நடுத்தர அளவில் நிழல் தரும் மரங்கள் – கரோனா, ரெட் சீடர், கோனிக்கோனா, பாலா, வெள்ளக்கில், தெம்பாவு, தம்பாகோம், போலோங்கி, இளஞ்சி.
• எக்டருக்கு 10 முதல் 15  தேனீ வளர்க்கும் பெட்டிகள் அமைப்பது மூலம் மகரந்த சேர்க்கையை மேம்படுத்தலாம்.

ஒருங்கிணைந்த பயிர் பாதுகாப்பு

பூச்சிகள் :

இலைப்பேன்:

பூச்சிக்கொல்லி	அளவு
டையஃபெந்தையுரான்	50 % WP 8 கிராம்/10 லிட்டர்
மோனோகுரோட்டோபாஸ்	36 % SL 10 மிலி/10 லிட்டர்
பெந்தோயேட்	50 % EC 5.0 மிலி/10 லிட்டர்
குயினால்பாஸ்	25 % EC 12 மிலி/10 லிட்டர்

கம்பளிப் புழு
போசலோன் 35EC  1 மில்லி லிட்டரை ஒரு லிட்டர் நீரில் கலந்து தெளிக்கவும்.

தண்டு மற்றும் காய் துளைப்பான் 
ஒரு எக்டருக்கு 12 இனக் கவர்ச்சிப் பொறிகள் என்ற விகிதத்தில் உபயோகித்து பெண் அந்துப் பூச்சிகளை அழிக்கலாம்.

சிலந்திப் பூச்சி
டைக்கோபால் 1 லிட்டருக்கு 2 மி.லி வீதம் தெளித்து இப்பூச்சியைக் கட்டுப்படுத்தலாம்.

வேர்ப்புழுக்கள் : தாக்குதல் தென்படும் இடங்களில் லிண்டேன் மற்றும் 2 மில்லி மருந்தை ஒரு லிட்டர் நீரில் கலந்து மண்ணில் ஊற்றவேண்டும்.

நூற்புழு
முதல்நிலை மற்றும் இரண்டாம் நிலை நாற்றங்கால் படுக்கைகளை மிதைல் பிரோமைட் (500 கிராம் / 10 ச.மீ) (அ) எதிலின் டை பிரோமைட் (20 லி / எக்டர்) அல்லது டியூரோப்யூம் (30லி / எக்டர்) கொண்டு பாலித்தீன் பந்தலுக்கு கீழ் 2-3 நாட்கள் புகைமூட்டுதல் வேண்டும் அல்லது 2% பார்மலின் மருந்தினை கொண்டு நனைக்க வேண்டும். எக்டருக்கு 5 கிலோ கார்போபூரான் இட வேண்டும்.

நோய்கள்

மொசைக் அல்லது கட்டே நச்சுயிரி நோய் : இந்நோய் ஏலக்காயை தாக்கும் ஒரு முக்கியமான நோய் ஆகும். இதனால் அதிக அளவில் மகசூல் பாதிக்கப்படும். வாழை அசுவினி பூச்சி மூலம் இந்நோய் பரப்பப்படுகிறது. எனவே நோய் பரப்பும் பூச்சியைக் கட்டுப்படுத்த வேண்டும். எக்டருக்கு 750 மில்லி பாஸ்போமிடான் அல்லது மீதைல் டெமட்டான் அல்லது டைமித்தோயேட் தெளித்து இப்பூச்சியை கட்டுப்படுத்தவேண்டும்.

குத்து அழுகல் நோய் : பாதிக்கப்பட்ட குத்து அழுகிவிடும்.

கட்டுப்பாடு : நாற்றாங்காலில் விதைகளை, விதைப்பதற்கு முன்பே 3 சதுர மீட்டர் நாற்றாங்காலுக்கு 1 லிட்டர் பார்மால்டிஹைடு மருந்தை 50 லிட்டர் தண்ணீரில் கலந்து மண்ணில் ஊற்றவேண்டும். விதைத்தவுடன் 1 சதவீத கலசை அல்லது 0.25 சதம் மேன்கோசெப் கரைசலை மண்ணில் ஊற்றவேண்டும்.

ஏலக்காய்ப் பூ	முதிர்ச்சியடையாத ஏலக்காய்கள்

அறுவடை

ஏலக்காய் நட்ட மூன்றாம் வருடத்தில் இருந்து காய்க்கத்தொடங்கும். மே - ஜுன் மாதங்களில் அதிக அளவில் பூக்கும் பூ காயாக மாறி முற்றுவதற்கு சுமார் 8 மாதங்கள் பிடிக்கும். மாதத்திற்கு ஒரு முறை காய்களை அறுவடை செய்யலாம். அறுவடையாகும் காய்கள், வெவ்வேறு முதிர்ச்சி நிலையில் காணப்படும். விதைகள் முதிர்ந்து கருமை நிறமடையும் நிலையில் காய்களை காம்புகளுடன் அறுவடை செய்யவேண்டும். காய்களை நன்றாக முதிர்ச்சியடைய விட்டு அறுவடை செய்தால், காயவைக்கும் போது காய்கள் வெடித்துச் சிதற வாய்ப்புண்டு. எனவே அறுவடையை கவனமாக செய்யவேண்டும்.

ஏலக்காய்	ஏலக்காய் விதைகள்

மகசூல் : ஒரு எக்டருக்கு 200 முதல் 250 கிலோ ஏலக்காய்.

சந்தை தகவல்கள்

பயிரிடும் மாவட்டங்கள்	தேனி
முக்கிய சந்தைகள்	போடிநாயக்கனார், குமுளி, தேக்கடி, கம்பம்
முன்னுரிமை இரகங்கள்	அலப்பி பச்சை எக்ஸ்ட்ரா போல்ட் (AGEB)
தரம்	புதுமை, நிறம், நறுமணம் மற்றும் அளவு

Read More

தகதக தஞ்சாவூர் மோடிஃப் வேலைப்பாடு!

எந்த நல்ல காரியங்களுக்கும் அன்பளிப்பாகக் கொடுக்க முதல் சாய்ஸ் தஞ்சாவூர் ஓவியங்கள். பாரம்பரியமானதும், கவுரவமானதுமான தஞ்சாவூர் ஓவியங்கள், காலங்கள் கடந்தும் நினைவில் நிற்கக்கூடியவை. ஆனால், கையடக்க தஞ்சாவூர் ஓவியத்தின் விலையே ஆயிரங்களில்தான் ஆரம்பிக்கிறது என்பதால் அதை அன்பளிப்பாகக் கொடுப்பதென்பது எல்லோருக்கும் சாத்தியமாவதில்லை. தஞ்சாவூர் ஓவியத்தைப் பரிசளிக்க நினைத்தாலும், இயலாத நிலையில் இருப்போருக்கு சென்னையைச் சேர்ந்த அனுராதாவும் சித்ராவும் செய்கிற கைவினைப் பொருட்கள் சரியான மாற்று. தஞ்சாவூர் மோடிஃப் வேலைப்பாடு என அழைக்கப்படுகிற அந்தப் பொருட்களில், தஞ்சாவூர் ஓவியம்தான் ஹைலைட்!

‘‘ரெண்டு பேரும் ரொம்ப வருஷமா ஃப்ரெண்ட்ஸ். ரெண்டு பேருக்கும் தஞ்சாவூர் பெயின்ட்டிங் தெரியும். என்னதான் மாடர்னான, புதுமையான அன்பளிப்புப் பொருட்கள் வந்துட்டாலும் தஞ்சாவூர் ஓவியங்களுக்கு இப்பவும் மக்கள் மத்தியில பெரிய வரவேற்பு இருக்கு. ஆனா, அதைச் செய்யத் தேவையான முக்கியமான பொருள் 24 கேரட் தங்கம். அதனாலதான் தஞ்சாவூர் ஓவியங்களோட விலை எக்கச்சக்கமா இருக்கு. 

தஞ்சாவூர் ஓவியங்கள் வாங்கவும் கத்துக்கவும் வர்றவங்களோட இந்தப் புலம்பலைக் கேட்டப்பதான் ஒருநாள் திடீர்னு இந்தப் புதுமையான ஐடியா வந்தது. தஞ்சாவூர் ஓவியம் செய்யத் தேவையான அதே பொருட்களை வச்சுக்கிட்டு, அதை ஃபிரேம் வடிவத்துல கொடுக்காம, வேற எப்படியெல்லாம் மாத்திப் பண்ணலாம்னு யோசிச்சோம். எங்களோட அந்தப் புதுமையான முயற்சிக்கு மிகப் பெரிய வரவேற்பு...’’ என்கிற அனுராதாவும் சித்ராவும் தஞ்சாவூர் மோடிஃப் வேலைப்பாடுகளை மரப் பொருட்கள் எதிலும் பதித்துக் கொடுக்கிறார்கள். குங்குமச் சிமிழ், பேனா ஸ்டாண்டு, ஹேர் கிளிப், நகைப்பெட்டி, பென்டென்ட், போட்டோ ஃபிரேம், மரப்பாச்சி பொம்மைகள், புக் மார்க், பல்லாங்குழி, ராக்கோடி, சந்திரப்பிரபா, சூரியப்பிரபா, நெத்திச் சூட்டி, மினியேச்சர் கொலுப் படி என எல்லாவற்றிலும் பதிக்கிறார்கள்.

‘‘லெதர், சணல், கண்ணாடி, மரம், அக்ரிலிக் ஷீட்னு எந்த மெட்டீரியல்ல வேணாலும் இந்த வேலைப்பாட்டை ஒட்டித் தர முடியும். ஒரு சாதாரண, சிம்பிளான பொருளை, கலை நயமிக்க, காஸ்ட்லியான அன்பளிப்பா மாத்தறதுதான் இந்த வேலைப்பாட்டோட நோக்கம்’’ என்கிறவர்கள், 2500 ரூபாய் முதலீட்டில் இந்த பிசினஸில் இறங்கலாம் என தைரியம் தருகிறார்கள்.‘‘24 கேரட் கோல்டு ஃபாயில், அரபிக் கம், சாக் பவுடர், ஜெய்ப்பூர் ஸ்டோன்ஸ், போஸ்டர் கலர், பிரஷ், பிளைவுட்... இவை தான் தேவையான பொருட்கள். 2,500 ரூபாய் முதலீட்டுல 50 பீஸ் பண்ணலாம். ஒரு நாளைக்கு 50 பண்ணலாம். 50 ரூபாய்லேருந்து 8 ஆயிரம் ரூபாய் வரைக்கும் விற்கறதுக்கு இதுல வாய்ப்புகள் எக்கச்சக்கம்...’’ என ஆர்வம் கிளப்புவோரிடம் 2 நாள் பயிற்சியில் 6 அயிட்டங்களை தேவையான பொருட்களுடன் சேர்த்து 1,200 ரூபாய் கட்டணத்தில் கற்றுக் கொள்ளலாம் (97898 90757, 99444 85585).

Read More

5 ஜம் ஜம் ஜாம்!

நீங்கதான் முதலாளியம்மா!

குழந்தைகளைப் பழங்கள் சாப்பிட வைப்பதென்பது அனேக அம்மாக்களுக்கு சவாலான காரியம். ஜூஸாக, மில்க் ஷேக்காக, சாலட்டாக - இன்னும் எப்படிக் கொடுத்தாலும் பழங்களைச் சாப்பிட ‘பெப்பே’ காட்டும் குழந்தைகளை என்னதான் செய்ய? ‘‘ஜாம் செய்து கொடுத்துப் பாருங்க... ஜம்முனு சாப்பிடுவாங்க...’’ என்கிறார் சென்னையைச் சேர்ந்த வி.சுமதி. இரண்டு, மூன்று வகையான ஜாம்களை பற்றி மட்டுமே கேள்விப்பட்டிருக்கும் நமக்கு, வி.சுமதியின் கைவண்ணத்தில் தயாராகிற விதம் விதமான ஜாம்கள், எந்தக் குழந்தையையும் பழம் சாப்பிடப் பழக்கும் என்பது நிஜம்!

‘‘எம்.பி.ஏ. படிச்சிருக்கேன். டியூஷன் எடுக்கிறது, கேட்டரிங்னு பல வேலைகளைச் செய்யறேன். ஜாம் தயாரிப்பும் அதுல ஒன்று. ஒரு கேட்டரிங் ஆர்டருக்கு சும்மா ஆர்வத்தின் பேர்ல வித்தியாசமான சுவையில நான் செய்து கொடுத்த ஜாம், மிகப்பெரிய பாராட்டை வாங்கித் தந்தது. அது அப்படியே வாய்வழி விளம்பரமாகி, ஜாமுக்கான ஆர்டர் குவிய ஆரம்பிச்சது. கடைகள்ல மிக்ஸட் ஃப்ரூட் ஜாம், மாம்பழ ஜாம், ஆப்பிள் ஜாம்னு குறிப்பிட்ட சில டேஸ்ட்லதான் ஜாம் கிடைக்கும்.

நான் வாழைப்பழம், பலாப்பழம், பப்பாளி, கிர்ணி, கொய்யானு சதைப்பற்றுள்ள எல்லா பழங்கள்லயும் ஜாம் தயாரிக்கிறேன். குழந்தைகளுக்கான தயாரிப்புங்கிற தால, அதிக கெமிக்கல் சேர்க்கிறதில்லை...’’ - ஆர்வம் கிளப்புகிற சுமதி, 1 கிலோ ஜாம் தயாரிப்புக்கு 500 ரூபாய் முதலீடு போதுமானது என்கிறார்.‘‘நீர்ச்சத்து நிறைஞ்சது தவிர்த்து, சதைப்பற்றுள்ள எந்தப் பழத்துலயும் ஜாம் செய்யலாம். சீசனுக்கேத்த பழங்கள், சர்க்கரை, சிட்ரிக் ஆசிட், பிரிசர்வேட்டிவ், ஸ்டெரிலைஸ் செய்த பாட்டில்கள்...

இவைதான் தேவையான பொருட்கள். வாடிக்கையாளர்கள் எந்த பழத்துல ஜாம் கேட்கறாங்களோ, அதுக்கேத்தபடி பொருட்களை வாங்கிக்கலாம். கடைகள்ல விற்கறதைவிட, 10 - 20 ரூபாய் குறைச்சுக் கொடுத்தா, பிசினஸ் சீக்கிரம் வளரும். சுத்தத்துலயும் தரத்துலயும் கவனமா இருந்தா 40 சதவிகித லாபம் நிச்சயம்’’ என்கிற வி.சுமதியிடம், ஒரே நாளில் 5 ஜாம் வகை களைக் கற்றுக் கொள்ளக் கட்டணம் 750 ரூபாய்.(93802 32286)

Read More