இந்ததளத்திற்கு வருகை தரும் உங்களை இன் முகத்தோடுவரவேற்கிறேன் .என் நட்புக்கள் அனைவருக்கும் ஏக இறைவனின் சாந்தியும் சமாதானமும் நம் அனைவர்கள் மீதும் நிகழட்டுமாக !!!

Saturday, June 9, 2012

போட்டோ ஃபிரேமில்

எந்த வீட்டினுள் நுழைந்தாலும், முதலில் கவனம் ஈர்ப்பது சுவரையோ, அலமாரியையோ அலங்கரிக்கிற புகைப்படங்கள். முன் பெல்லாம் சதுரமான அல்லது செவ்வகமான மரச்சட்டத்துக்குள் மட்டுமே சிரித்துக்கொண்டிருந்த புகைப்படங்களை, இன்று அழகழகான, விதம்விதமான ஃபிரேம்களில் பார்க்க முடிகிறது. இப்படிப்பட்ட போட்டோ ஃபிரேம் செய்வதே முழுநேரத் தொழில் சென்னையைச் சேர்ந்த தமிழரசிக்கு.

‘‘தூரிகை ஆர்ட்ஸ் அண்ட் கிராஃப்ட்ஸ் என்ற பேர்ல 20 வருஷமா கைவினைக்கலைகள் கத்துக் கொடுக்கறேன். தெரியாத கைவினைக்கலையே இல்லைனு சொல்ற அளவுக்கு அத்தனையும் அத்துப்படி. போட்டோ

ஃபிரேம் செய்யறதுல தனி ஆர்வம் உண்டு. எந்த ஷேப்லயும், எந்த மெட்டீரியல்லயும் பண்ணக் கூடியது இது’’ என்கிறவர், கற்றுக்கொண்டு, தொழில் தொடங்க விரும்புவோருக்கு வழிகளைக் காட்டுகிறார்.

என்னென்ன தேவை? முதலீடு?

‘‘மர கட் அவுட்டுகள், மணிகள், அலங்கரிக்கத் தேவையான பொருள்கள், பசை, கலர் பேப்பர்... ஆயிரம் ரூபாய் முதலீடு போதும்.’’

எத்தனை மாடல்கள்? என்ன ஸ்பெஷல்?

‘‘இன்ன மாடல்லதான் பண்ண முடியும்னு இல்லை. அடிப்படையா ஏழெட்டு மாடல்கள் பண்ணக் கத்துக்கிட்டு, பிறகு கற்பனைக்கேத்தபடி டிசைன் பண்ணிக்கலாம். ஒரு போட்டோ வைக்கிறது, ரெண்டு வைக்கிறது, 3 படம் வைக்கிறதுனு நம்ம விருப்பம்தான்... மரத்துல மட்டுமில்லாம, பிளாஸ்டிக், சாப்பிடற மக்ரோனினு எதுல வேணாலும் ஃபிரேம் பண்ண முடியும்ங்கிறதுதான் ஸ்பெஷல்!’’

ஒரு நாளைக்கு எத்தனை?

‘‘முழு ஃபிரேமையும் நாமளே டிசைன் பண்ற மாதிரி, ரெடிமேட் ஃபிரேம்களை வாங்கியும் அலங்கரிச்சு ரெடி பண்ணலாம். ரெடிமேட் ஃபிரேம், ஸ்பெஷல் டிசைன்னா ஒரு நாளைக்கு 20-25 ஃபிரேம் வரைக்கும் பண்ணலாம். முழுசையும் ரெடி பண்றதுனா டிசைனைப் பொறுத்து எண்ணிக்கை கொஞ்சம் குறையும்.’’

விற்பனை வாய்ப்பு? லாபம்?

‘‘அன்பளிப்புப் பொருட்கள் விற்கிற கடைகள், பொட்டிக், கண்காட்சிகள்ல நல்லா விற்பனையாகும். பிறந்த நாள், கல்யாணப் பரிசுகளுக்காக ஸ்பெஷல் ஆர்டர் எடுத்தும் செய்யலாம். குறைஞ்சது 150 ரூபாய்லேர்ந்து விற்கலாம். 50 முதல் 100 ரூபாய் வரைக்கும் லாபம் நிக்கும்.’’
XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

 

0 comments:

Share

Twitter Delicious Facebook Digg Stumbleupon Favorites