கேக் செய்து விற்கலாம்

குழந்தைகளின் விருப்ப உணவுகளில் கேக்குகளுக்கு முதலிடம். உடல்நலமில்லாதவர் மட்டுமின்றி, எல்லா வயதினருக்கும் அவசரத்துக்குப் பசியாற்றும் உணவு பன்னும் பிரெட்டும். ‘‘எல்லா வீடுகளிலும் இந்த இரண்டுக்கும் தேவை இருக்கும்போது, ஏன் கடைகளில் வாங்க வேண்டும்? வீட்டிலேயே செய்யலாமே’’ என்கிறார் சென்னையைச் சேர்ந்த நிர்மலா ராமச்சந்திரன்.

கேக், பன், பிரெட், பிஸ்கெட், பஃப் என பேக்கரி அயிட்டங்கள் அத்தனையும் செய்வதில் நிபுணியான நிர்மலா, இவற்றைக் கற்றுக் கொள்கிறவர்களுக்கு லாபகரமான எதிர்காலம் காத்திருப்பதாகச் சொல்கிறார்.

‘‘பத்து வருஷத்துக்கு முன்னாடி வரை நானும் சாதாரண ஹவுஸ் ஒயிஃப்தான். பொழுதுபோக்கா பேக்கரி பயிற்சி கத்துக்கிட்டேன். குழந்தைங்களோட பிறந்த நாள், எங்களோட கல்யாண நாளைக்கெல்லாம் என் கைப்பட கேக், பஃப்ஸ் பண்ணுவேன். கடைல வாங்கறதை விட, வீட்ல செய்யறது சுவையோடவும், செலவு குறைவாகவும் இருக்கிறது தெரிஞ்சு, அக்கம்பக்கத்துல உள்ளவங்க பார்ட்டிகளுக்கு ஆர்டர் கொடுக்க ஆரம்பிச்சாங்க. இன்னிக்கு பிறந்த நாள், கல்யாணம், பார்ட்டினு மாசத்துல 30 நாளும் நான் பிசினஸ்ல பிசி...’’ என்கிற நிர்மலா, மற்றவர்களுக்கும் வழிகளைக் காட்டுகிறார்.

என்னென்ன தேவை? முதலீடு?

‘‘பேக்கரி அயிட்டங்கள் பண்றதுக்கு ஓடிஜி வசதியுள்ள மைக்ரோவேவ் பெஸ்ட் (விலை ரூ.5 ஆயிரத்திலிருந்து). அது முடியாதவங்க கன்வெக்ஷன் வசதியுள்ள மைக்ரோவேவ் ஓவன் (ரூ.4 ஆயிரத்திலிருந்து) வாங்கலாம். அதுவும் முடியாவங்களுக்கு, கேஸ் அடுப்புல வைக்கக்கூடிய சிம்பிளான கேக் பாத்திரம் கிடைக்குது. அது 200 ரூபாய்தான். கேக் அச்சு, தட்டு, மத்த பொருள்கள்னு எல்லாத்துக்கும் சேர்த்து 1,000 ரூபாய் முதலீடு தாராளம்.’’

எத்தனை வெரைட்டி?என்ன ஸ்பெஷல்?

‘‘கேக், பிஸ்கெட், குக்கீஸ், ரோல்ஸ், பாஸ்ட்ரீஸ், பஃப்ஸ்னு வெரைட்டி எக்கச்சக்கம். கடைகள்ல வாங்கறப்ப, அவங்க ஏற்கனவே செய்து வச்சதுலேர்ந்துதான் செலக்ட் பண்ண முடியும். பெரும்பாலான கடைகள்ல டால்டா, மார்ஜரின் உபயோகிக்கிறாங்க. அது உடம்புக்கு நல்லதில்லை. வீட்ல வெஜிடபுள் ஆயில் உபயோகிச்சு, ஃப்ரெஷ்ஷான பழங்களையும், பழச்சாறுகளையும் வச்சு பண்ணலாம். கொழுப்பும், இனிப்பும் கம்மியா இருக்கிற மாதிரி பண்ணலாம். ஐசிங் இல்லாமலும் செய்யலாம். விருப்பமான சுவைல செய்ய முடியுங்கிறதுதான் எல்லாத்தையும் விடஹைலைட்!’’

விற்பனை வாய்ப்பு? லாபம்?

‘‘பிறந்த நாள் பார்ட்டிகளுக்கு ஆர்டர் எடுத்தாலே வருஷம் முழுக்க பிசினஸ் இருக்கும். சின்னச் சின்ன கடைகளுக்கு சப்ளை பண்ணலாம். கண்காட்சிகள்ல ஸ்டால் போட்டா, ஒரே நாள்ல வித்துடும். ஆரம்பத்துல மூணுல ஒரு பங்கும், போகப்போக பாதிக்குப் பாதியும் லாபம் கிடைக்கும்.’’
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
தேவையான பொருள்கள்:
முந்திரிப் பருப்பு – 3/4 கப்
பாதாம் பருப்பு – 3/4 கப்
கடலை மாவு – 1 டேபிள்ஸ்பூன்
பால் – 3/4 லிட்டர்
சர்க்கரை – 1 1/2 கப்
நெய் – 1 கப்
ஏலக்காய் – 5

செய்முறை:

• பாதாம் பருப்பை வெந்நீரில் 10 நிமிடம் ஊறவைத்து தோல்நீக்கி, காயவைத்துக் கொள்ளவும்
• முந்திரி, பாதாம் பருப்பை மிக்ஸியில் மென்மையாகப் பொடித்துக்கொள்ளவும்.
• பாலை அடுப்பில் வைத்து சேர்ந்தாற்போல் திரிதிரியாய் வரும் பதத்திற்குக் காய்ச்சிக்கொள்ளவும். (முற்றிலும் இறுகவேண்டாம்.)
• அதே நேரத்தில் இன்னொரு அடுப்பில் வாணலியில் சர்க்கரையுடன் ஒரு கப் தண்ணீர் சேர்த்து, (தேவைப்பட்டால் சர்க்கரை கரைந்ததும் சிறிது பால்சேர்த்து அழுக்கு நீக்கி) ஒற்றைக் கம்பிப் பதத்திற்கு பாகு காய்ச்சவும்.
• பாகு வந்தவுடன் பருப்புப் பொடிகள், கடலைமாவை சிறிது சிறிதாகத் தூவிக் கிளறிக்கொண்டே இருக்கவும்.
• எல்லாப் பொடியும் கலந்து, கலவை சேர்ந்தாற்போல் வரும்போது, பால்கோவாவையும் கலந்து கிளறவும்.
• ஏலப்பொடி தூவி, நெய்யைச் சிறிது சிறிதாகச் சேர்த்து, தொடர்ந்து கிளறவும்.
• நெய் பிரிந்து, கலவை ஒட்டாமல் சேர்ந்துவரும்போது நெய்தடவிய தட்டில் கொட்டி, லேசான சூடு இருக்கும்போதே வில்லைகள் போட்டு, ஆறியதும் எடுத்துவைக்கவும்
• xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

Posted in: பேக்கரி தொழில்