25,000க்கும் மேற்பட்ட பெண் தொழில் முனைவோர்களை உருவாக்கியவராக என்னை உங்களுக்குத் தெரிந்திருக்கும். என் மூலம் தொழில் முனைவோர் ஆனவர்களை தொடர்ந்து இந்தப் பகுதியில் உங்களுக்காக அறிமுகப்படுத்தப்போகிறேன். இது உங்களுக்கு ஊக்கம் தர உதவும்!... முதலில், ஃபேஷன் ஜுவல்லரி டிஸைனராக முன்னேறி இருக்கும் பவித்ரா. இதோ அவரே தன்னைப் பற்றி சொல்கிறார்..
‘‘ஃப்ரீயா வீட்ல இருந்து நாமளே ஏதாவது தொழில் செய்யணும்னுதான் நான் செய்துக்கிட்டிருந்த வேலையை விட்டேன். எதையும் செய்ய முடியும்கற நம்பிக்கை இருந்தது. ஆனா என்ன செய்யப்போறோம் அப்படீங்கற தெளிவு இல்லை. அப்பதான் டாக்டர் நடராஜன் ஒரு ஐடியா கொடுத்தார். பர்சனல் யூஸுக்காக ஆர்டிஃபிஷியல் ஜுவல்லரி நான் செய்றதுண்டு. அதை அவர்கிட்டே சொன்னபோது ‘அதையே ஏன் பிஸினஸா செய்யக்கூடாது?’ன்னு சொன்னார். அதுதான் தொடக்கம்... சின்ன இன்வெஸ்மெண்ட்ல வீட்லேர்ந்தே ஜுவல்லரி செஞ்சு விற்க ஆரம்பிச்சேன்.
கோரல், பேர்ல், ஜேட், ஓனிக்ஸ், எமரால்ட், ரூபி இன்னும் நிறைய விதவிதமான கற்களை யு.எஸ்.லேர்ந்து மொத்தமா வரவழைச்சு வெச்சிருக்கேன். பொதுவா யு.எஸ்.லேர்ந்து இந்த மாதிரி கற்களை வாங்கிட்டு வரவங்க அதை ஒரு கயிறா அப்பிடியே கோர்த்து மாட்டிக்கறாங்க. ஏன் இதை டிஸைனா பலவிதமான கற்களோட மேட்ச் செஞ்சு அழகான, நீட்டான ஜுவல் செய்யக் கூடாதுன்னு தோணிச்சு. களத்துல இறங்கிட்டேன். ஜெய்ப்பூர்ல பீட்ஸ்,
குந்தன் ஸ்டோன்ஸ் தயாரிக்கற கம்பெனியை தொடர்பு கொண்டேன். தரமான குவாலிட்டில நேரடியா ஜெய்ப்பூர் தயாரிப்பாளர்கள்கிட்ட வாங்கி என்கிட்ட இருக்கற மணிகளோட சேர்த்து முதல் கட்டமா தெரிஞ்சவங்களுக்கு டிஸைன் செஞ்சு தந்தேன். இதுல குவாலிட்டியும் அதிகம், விலையும் குறைவுங்கறதால ரொம்ப விரும்பி வாங்கினாங்க. பேங்க் ஸ்டாப் கொஞ்ச பேர் பரிச்சயமானாங்க. எங்க ஏரியால கொஞ்சம் கொஞ்சமா இப்படி என்னோட பிசினஸ் பரவ ஆரம்பிச்சது. இப்ப என்னாலயே நம்ப முடியாத அளவுக்கு இது என்னை வளர்த்திருக்கு’’ என்கிறார் பவித்ரா. பிஸினஸில் அவர் சந்தித்த பிரச்னை பற்றிக் கேட்டோம்...“பெண்களுக்கு பொதுவா நிறைய டிஸ்ப்ளே வேணும். நிறைய நகைகளை கண் முன்னே நிறையப் பாத்தாதான் அதிலிருந்து ஒண்ணை வாங்குவாங்க... என்கிட்ட பத்து அல்லது பதினைஞ்சு செட் நகைகள்தான் இருக்கும். அதில நுணுக்கமான வேலைப்பாடுகள் செய்திருப்பேன், ராத்திரி பகல்னு டைம் பாக்காம வேலை பண்ணுவேன். இந்த பிரச்னையை சால்வ் பண்றதுக்காகவே சாம்பிள்ஸ் காட்ட ஒரு ‘கேட்டலாக்’ ரெடி பண்ணேன். இந்த என்னோட பிஸினஸ் இரண்டரை வருஷமா நல்லபடியா போயிட்டிருக்கு. நிறைய ஆர்டர்கள் கிடைக்குது. நல்ல லாபமும் கிடைக்குது’’ என்கிறார் மகிழ்ச்சியுடன்!...
பவித்ரா தரும் சக்ஸஸ் டிப்ஸ்!
வேலையை பணமா பார்க்காம முதல்ல ஆத்மார்த்தமா அதை அணுகணும். வீட்ல இருந்தபடியே நாம என்ன செஞ்சு சாதிச்சிட முடியும்கற அவநம்பிக்கையை முதல்ல விட்டுடணும். நம்மளால முடியுங்கற எண்ணம் இருந்தா சாதிக்கறதுக்குத் தடையே இல்லை.
0 comments:
Post a Comment