அலங்கார மீன் வளர்ப்பு

 

அலங்கார மீன் வளர்ப்பு மற்றும் உற்பத்தி, மனதுக்கு இதமான ஒரு பணியாக இருப்பதோடு, ஒரு வருமானம் தரக்கூடிய தொழிலாகவும் அமைந்துள்ளது. உலகத்தில் 600 வகை அலங்கார மீன்கள் பல்வேறு நீர் நிலைகளில் இருப்பதாக கண்டறியப் பட்டுள்ளது. இந்திய நாட்டிலுள்ள பல நீர் நிலைகளில் 100 அலங்கார மீன் வகைகள், நமக்கே உரியதாக இருப்பது மட்டுமல்ல, இதே அளவுக்கு வெளிநாட்டின் வகைகளும், நம் நாட்டில் வாழ்வது, நம் நாட்டின் அலங்கார மீன் வளத்தை வெளிப்படுத்துகிறது. /p>

இனப்பெருக்கத்திற்கு உகந்த மீன் வகைகள்/இனங்கள் நம் நாட்டிலுள்ள அலங்கார மீன் வகைகளில், வியாபார ரீதியில் பெரும் மதிப்பு உடையவற்றை இனப்பெருக்கம் செய்து விற்பனை செய்யலாம். இதுபோன்ற வகைகள், முட்டை இட்டு இனப்பெருக்கம் செய்யும் வகை மற்றும் மீன் குட்டிகள் ஈன்று இனப்பெருக்கம் செய்யும் வகை என் இரண்டு வகைகளில் அடங்கும். மீன்குட்டிகள் ஈனும் வகைகள்: கப்பீ (பியோசில்லியா ரெட்டிகுலேட்டா) மோலி (மொல்லினேசியா) கத்திவால் (சிபோபோரஸ்) ப்ளேட்டி முட்டையிடும் வகைகள்: தங்கமீன் (கரேசிய அவுரேட்டஸ்) கோய் மீன் (சைப்ரினஸ் கார்பியோ வகை கோய்) சீப்ரா டேனியோ (ப்ரேச்சிடேனியோ ரீரியோ) கருப்பு ஜன்னல் டெட்ரா (சிம்னேக்ரோ-சிம்பஸ்) நியோன் டெட்ரா (ஹைபி-ப்ரைகான் இன்னேசி) செர்பே டெட்ரா (ஹைபிப்ரைகான் காலிஸ்டஸ்) மற்றவை குமிழ்க்கூடு கட்டுபவை தேவதை மீன் (டீரோபில்லம் ஸ்காலேர்) சிவப்புகோடு டார்பிடோ மீன் (புன்டியஸ் டெனிஸோனி) லோச்ச (போட்டியா) இலை மீன் (நான்டஸ் நான்ட) பாம்புத்தலை (சன்னா ஓரியன்டாலிஸ்) கப்பீஸ் (பியோசில்லியா ரெட்டிகுலேட்டா) தேவதை மீன் சாதாக் கெண்டை தங்க மீன் இலை மீன் லோச்சஸ் நியோன் டெட்ரா சிவப்புகோடு டார்பிடோ  சிகப்பு வாக் ப்ளேட்டி பாம்புதலை  பாம்புதலை  சீப்ரா டேனியோ ரோசிபார்ப்ஸ் (புன்டியஸ் கன்கோனியஸ்)  நமது நாட்டைச் சேர்ந்த குட்டை கவுராமி முதன்முதலாக இத்தொழிலில் ஈடுபடுபவர், குட்டிபோடும் மீன் வகையை வாங்கி வளர்க்க வேண்டும். பின்னர் தங்கமீன் அல்லது முட்டையிடும் வகைகளை வாங்கி வளர்க்கும்போது, மீன்வளர்ப்பு முறைகள், அதிலுள்ள நுணுக்கங்களை எளிதாக தெரிந்து கொள்ளலாம். உயிரியலில் நல்ல அனுபவம், உணவளிக்கும் முறை, சரியான சூழல் இவையாவும் தான் அலங்கார மீன் வகைகளை இனப்பெருக்கம் செய்ய அடிப்படைத் தேவைகளாகும். உயிருள்ள உணவு வகைகளான புழுக்கள், பூச்சிகள், மண்புழுக்கள், அதிக முக்கியத்துவம் பெறுகின்றன. தொடர்ந்து இந்த உணவு வகைகள் கிடைப்பது வெற்றிகரமான அலங்கார மீன் உற்பத்திற்கு பெரிதும் உதவும். இத்துடன் அலங்கார மீன்உற்பத்தியாளர், செயற்கை உணவையும் தானே தயார் செய்து கொள்ளலாம். அலங்கார மீன் வகைகளுக்கு நோய், நொடிஏற்படாமல் இருக்க நீர்நிலைகளை சுத்தமாக வைத்துக் கொள்ளவேண்டும். தரமான தண்ணீரை பயன்படுத்த வேண்டும். அலங்கார மீன் உற்பத்தி, தகுந்த சூழல் நிலவும் பட்சத்தில் வருடம் முழுவதும் இனப்பெருக்கம் செய்யலாம்.

வெற்றிகரமான அலங்கார மீன் வளர்ப்புக்கான சில குறிப்புகள்    மத்திய நன்னீர் மீன்வளர்ப்பு ஆராய்ச்சி நிலையத்தின் அலங்கார மீன்வளர்ப்பு யுனிட் இனப்பெருக்கம் மற்றும் மீன் உற்பத்தி தொகுதி - தொடர்   நீர்வரத்து மற்றும் மின்சாரம் கிடைக்கும் பகுதியில் அமைக்கப்பட வேண்டும். நீரோடைக்கு அருகில் அமையப்பெற்றால், தண்ணீரின் தரம் நன்றாக இருக்கும். வேளாண் உபபொருட்களான புண்ணாக்கு, அரிசித்தவிடு, கோதுமைத்தவிடு, மீன் உணவு, இறால் தலை உணவு ஆகியவை தொடர்ந்து கிடைக்கும் இடங்களில் திடமான குருணை வடிவ, மீன் உணவு தயார் செய்ய இயலும். அலங்கார மீன் உற்பத்திக்கு பயன்படுத்தப்படும் குஞ்சுகள் அதிக தரம் உடையவையாக இருத்தல் வேண்டும். இளம்குஞ்சுகள் நல்ல வளர்ச்சி அடையும்வரை வளர்க்கப்பட வேண்டும். இது நமக்கு நல்ல அனுபவத்தைக் கொடுப்பதோடு, நல்ல தரமான மீன்களை தேர்தெடுக்கவும் உதவுகிறது. குஞ்சு உற்பத்தி மற்றும் வளர்ப்பு இடங்கள் விமான நிலையம், ரயில் நிலையம் அருகில் அமைக்கப்பட வேண்டும். இதனால் எளிதில், விரைவாக உள்நாட்டிற்கும், வெளிநாட்டிற்கும் உயிருள்ள மீன் குஞ்சுகளை அனுப்ப இயலும். மீன்குஞ்சு உற்பத்தியாளர், ஒரே ஒரு வகையினை உற்பத்தி செய்வதிலும், இனப்பெருக்கம் செய்வதிலும் கவனம் செலுத்த வேண்டும். விற்பனை வாய்ப்பு, நுகர்வோரின் தேவை, உலகளவிலான விற்பனை குறித்த தகவல்களை சொந்தமாகவும், மக்கள் தொடர்பு மூலமாகவும் தெரிந்து வைத்துக் கொள்ளுதல் அவசியம். இத்துறையில் அதிக அனுபவம் பெற்றவர்களிடமும், நிபுணர்களிடமும் தொடர்பு வைத்துக்கொள்ள வேண்டும்.  இதன்மூலம் இத்துறையில் ஏற்படும் புதிய வளர்ச்சி, மாற்றம், விற்பனை நுணுக்கங்கள்,  ஆராய்ச்சி, பயிற்சி போன்றவை குறித்து நாம் தெரிந்து கொள்ள இயலும்.

சிறிய அளவில் இனப்பெருக்கம் மற்றும் உயிர் மீன் வளர்ப்பு பொருளாதாரம் வ.எண் பொருள் தொகை(ரூபாயில்) I. செலவு அ. நிலையான மூலதனம் 1 300ச.அடி கொட்டகை-குறைந்த செலவில் (மூங்கில், வலை கொண்டு போடுதல்) 10,000 2 இனப்பெருக்க குளம் (6'x3'x1'6"- சிமெண்ட் தொட்டிகள், 4 எண்கள்)    10,000 3.         வளர்ப்புக் குளம்(6'x4'x2'- சிமெண்ட் தொட்டிகள் - 2 எண்கள்) 5,600 4. குஞ்சுகள் இருப்பு செய்யும் குளம் 6'x4'x2' - தொட்டிகள்- 2 எண்கள் 5,600 5. புழுவளர்ப்புக் குளம் (4'x1'6"x1' சிமெண்ட் தொட்டிகள் - 8 எண்கள்)   9,600 6.         ஆழ்குழாய் கிணறு- ஒரு எச்.பி. மோட்டாருடன் 8,000 7.         பிராணவாயு சிலிண்டர் உபகரணங்களுடன் (1 எண்)   5,000 மொத்தம் 53,800 நடைமுறை செலவு      1. 800 பெண், 200 ஆண்( ஒரு மீனுக்கு ரூ 2.50)  (கப்பி, மோலி, கத்திவால், ப்ளேட்டி போன்றவை)    2,500 2. தீவனம்(150 கிலோ/ வருடத்திற்கு 20 ரூபாய் ஒரு கிலோவிற்கு) 3,000 3. பல்வேறு விதமான வலைகள் 1,500 4. மின்சாரம் /எரிபொருள் (250 ரூபாய் ஒரு மாதத்திற்கு) 3,000 5. துளை இடப்பட்ட ப்ளாஸ்டிக் இனப் பெருக்க கூடைகள் (20எண்கள் -30 ரூபாய் ஒன்றுக்கு) 600 6 கூலி (1000 ரூபாய் ஒரு மாதத்திற்கு) 12000 7 இதர செலவுகள் 2,000 மொத்தம்  24,600 இ மொத்த செலவு     1. நடைமுறை செலவு செலவு     24,600 2. நிலையான மூலதனத்திற்கு வட்டி (15% ஒரு வருடத்திற்கு)   8,070 3. நடைமுறை செலவிற்கு வட்டி (15%,  6 மாதத்திற்கு)    1,845 தேய்மானம்(20% நிலையான மூலதனத்தில்) 10,780 ஆக மொத்தம் 45,295 II         மொத்த வருமானம் 76800 மீன்கள் விற்பனை - ஒரு ரூபாய் ஒரு மீனுக்கு ஒரு மாதம் வளர்த்த பிறகு (40 எண்கள் /பெண்/ ஒரு முறைக்கு, 3 முறை ஒரு வருடத்திற்கு, 80% பிழைப்புத் திறன் இருக்கும் என்ற வகையில்)    76,800 III        நிகர வருமானம் (மொத்த வருமானம் -மொத்த செலவு      31,505

மூலம் : ஒரிசா, புவனேஷ்வர் -மத்திய நன்நீர் மீன்வளர்ப்பு ஆராய்ச்சி நிலையம்

வியாபார ரீதியில் கெண்டை மீன் மற்றும் மீன்குஞ்சுகள் உற்பத்தி

தேவையான அளவு மீன் குஞ்சுகள் அதிலும் தேவையான இனங்கள், குறிப்பிட்ட காலத்தில் கிடைப்பது என்பது, மீன் வளர்ப்புத் தொழில் வெற்றிகரமாக செயல்பட முக்கிய காரணியாகும். கடந்த சில ஆண்டுகளில் கெண்டை மீன் வளர்ப்பில் பல மைல்களைக் கடந்து வெற்றிபெற்றிருந்தாலும், மீன் குஞ்சு கிடைப்பதில் இன்றளவும் சில பிரச்சனைகள் இருந்து வருகின்றன. விதை மீன் குஞ்சுகள் உற்பத்தியானது, 3-4 நாட்கள் இளம் குஞ்சுகளை அவை சாப்பிடத் துவங்கி 15-20 நாட்கள் வரைத் தொடர்ந்து வளர்ப்பதாகும். இந்த காலகட்டத்தில் குஞ்சுகளின் அளவு 25-30 மி.மீட்டர் வரை இருக்கும். இந்தக் குஞ்சுகள் 2-3 மாதங்களுக்கு மற்றொரு குளத்தில் வளர்க்கப்படுகின்றன. அதாவது 100 மி.மீட்டர் அளவு பெருகும் வரை!

மீன் குஞ்சு வளர்ப்பு குள பராமரிப்பு: சிறிய குளங்கள் 0.02-0.10 ஹெக்டேர் பரப்பில், 1-1.5 மீட்டர் ஆழமுள்ள சிறிய குளங்கள் மீன் குஞ்சு உற்பத்திக்கு சரியாக இருக்கும். 0.5† ஹெக்டேர் பரப்புள்ள குளங்கள் வியாபார ரீதி உற்பத்திக்கு ஏற்றவை. வடிகால் வசதி உள்ள மற்றும் இல்லாத சாதாரண குளங்களிளும், சிமெண்ட் குளங்களும் மீன் குஞ்சுகள் உற்பத்திக்கு பயன்படுத்தப்படுகின்றன. மீன் குஞ்சு உற்பத்தியிலுள்ள பல்வேறு நுட்பங்களை ஒவ்வொன்றாக பார்ப்போம். மீன் குஞ்சுகளை இருப்பு வைப்பதற்கு முன் குளத்தயாரிப்பு: தண்ணீர் தாவரங்களை வெளியேற்றுதல் - அபரிமிதமான தாவர வளர்ச்சி, மீன் குளத்திலுள்ள சத்துக்களை எடுத்துக் கொள்ளுமாதலால், குளத்தின் உற்பத்திப் பெருக்கம் குறையும். இது தவிர, மற்ற உயிரினங்கள், தேவையற்ற மீன்கள், பூச்சிகளின் பெருக்கத்திற்கு இத்தாவரங்கள் உதவி செய்கின்றன. எனவே, தண்ணீரிலுள்ள தாவரங்களை முதலில் அகற்ற வேண்டும். பொதுவாக, மீன் குஞ்சு குளங்களை சுத்தம் செய்வதற்கு ஆட்கள் பயன்படுத்தப்படுகின்றனர். காரணம், இந்தக் குளங்கள் சிறியதாகவும், ஆழம் இல்லாமல் இருப்பதே. பெரிய குளங்களில் இயந்திரங்கள் மற்றும் இரசாயன உயிரின முறைகளைப் பயன்படுத்தி, குளங்களில் உள்ள தாவரங்கள் அழிக்கப்படுகின்றன. சிமெண்ட் தொட்டி நர்சரிகள் தேவையற்ற மீனினங்கள், ஊன் உண்ணிகளை அழித்தல் : பல்வேறு மீன் உண்ணிகள், தேவை இல்லாத மீன் இனங்கள், தவிர ஊன்உண்ணிகளான பாம்பு, ஆமை, தவளை, பறவைகள் போன்றவை குளத்திலுள்ள மீன் குஞ்சுகளுக்கு தொந்தரவு கொடுப்பதோடு, இடம், பிராணவாயு ஆகியவற்றிற்கும் போட்டியிடுகின்றன. குளத்திலுள்ள தண்ணீரை இறைத்து, காயவைத்து, சமயங்களில் சில ரசாயனங்களை பயன்படுத்தி தேவையற்ற மீனினங்களையும், ஊன் உண்ணிகளையும் அழிக்கலாம். இலுப்பை புண்ணாக்கு, ஒரு ஹெக்டேர்-மீ-க்கு 2500 கிலோ என்றளவில், மீன் குஞ்சுகளை குளத்தில் விடுவதற்கு மூன்று வாரங்களுக்கு முன் குளத்தில் இடலாம். இந்தப் புண்ணாக்கு ஒரு கிருமி நாசினியாக செயல்படுவதோடு, மக்கிய பின், இயற்கை எருவாகவும், பயன்படுகிறது. ப்ளீச்சிங் பவுடர்-(30 சதம் குளோரினை உள்ளடக்கியது) ஒரு ஹெக்டேர்-மீ-க்கு 350 கிலோ என்றளவிலும் பயன்படுத்தலாம். யூரியா ஒரு ஹெக்டேர்-மீ-க்கு 100 கிலோ போடும்போது ப்ளீச்சிங் பவுடர் அளவை பாதியாகக் குறைத்துக் கொள்ளலாம். ப்ளீச்சிங் பவுடர் போடுவதற்கு 18- 24 மணி முன்னால் யூரியாவை போட்டு விட வேண்டும். குளத்திற்கு உரமிடுதல்: ஒரு சில நீர்த்தாவரங்களே /பாசிகளே மீனிற்கு இயற்கை உணவாகும். இந்த நீர்த்தாவரங்கள்/ பாசிகள் உற்பத்திக்கு, உரங்களை குளத்தில் இடவேண்டும். குளத்தின் கார அமிலத் தன்மைக்கு ஏற்ற படி சுண்ணாம்பு போட வேண்டும். சுண்ணாம்பு இட்ட பிறகு குளத்தில் இயற்கை உரங்களான, சாணம், கோழி எரு, அல்லது கனிம உரங்கள் அல்லது இரண்டும் சேர்ந்து ஒவ்வொன்றாக இடவேண்டும். கடலை புண்ணாக்கு 750 கிலோ, சாணம் 200 கிலோ, ஒற்றை சூப்பர் பாஸ்பேட் 50 கிலோவை ஒரு ஹெக்டேரில் போடும்போது, நீர்த்தாவரங்கள்/பாசிகள் உற்பத்தி நன்றாக இருக்கும். இந்த அளவில் பாதியை எடுத்து தண்ணீர் சேர்த்து கொழ, கொழவெனத் தயார் செய்து மீன் குஞ்சுகளை இருப்பு செய்வதற்கு 2-3 நாட்களுக்கு முன்னால் குளத்தில் ஊற்ற வேண்டும். மீதியுள்ள பாதியை பாசிகள் உற்பத்தியை பொறுத்து 2,3 முறையாக குளத்தில் இடலாம்.              கெண்டை மீன் குஞ்சு   தண்ணீர்/ நீர்வாழ் பூச்சிகளைக் கட்டுப்படுத்துதல் : நீர்வாழ்பூச்சிகள் அதன் புழுக்கள், குளத்திலுள்ள சிறிய மீன் குஞ்சுகளோடு உணவிற்காக போட்டியிடுபவை. மேலும் சிறிய மீன் குஞ்சுகளை இவை அழிக்கவல்லவை. சோப்பு எண்ணைக் கரைசல் (விலை குறைந்த தாவர எண்ணெய் 56 கிலோ ஒரு ஹெக்டேருக்கு, இத்துடன் விலை குறைந்த சோப், தாவர எண்ணெய் எடையில் மூன்றில் ஒரு பங்கு எடை சேர்க்கவும்) பயன்படுத்துவது செலவு குறைந்த நுட்பமாகும். மேலும் நீர் மேற்பரப்பில் மூச்சுவிட்டு வாழும் பூச்சிகளையும் இது அழித்துவிடும். மண்ணெண்ணெய் 100-200 லிட்டர் அல்லது டீசல் 75 லிட்டருடன் சோப் திரவம் 560 மில்லி அல்லது துணி துவைக்கும் தூள் ஒரு ஹெக்டேர் தண்ணீர் அளவுக்கு 2-3 கிலோ ஆகியவற்றை சோப்பு எண்ணைக் கரைசலுக்கு மாற்றாக பயன்படுத்தலாம். இருப்பு செய்தல் பொறித்த மூன்று நாட்களுக்கு பிறகு, அவை மீன் குஞ்சு உற்பத்திக் குளங்களுக்கு மாற்றப்படுகின்றன. மாற்றுவதென்பது காலை நேரத்தில் செய்யப்படுகிறது. சாதாரண குளங்களில் ஒரு ஹெக்டேருக்கு 3-5 மில்லியன் குஞ்சுகள் இருப்பு வைக்கப்படுகின்றன. சிமெண்ட் தொட்டிகளில் 10-20 மில்லியன் குஞ்சுகள் இருப்பு வைக்கப்படுகின்றன. குஞ்சு உற்பத்திக் குளங்களில் ஒரே வகையான மீன் இனங்களே விடப்படுகின்றன. மீன் குஞ்சுகள் இருப்பு செய்த பின் குளப்பராமரிப்பு குளத்திற்கு அளிக்கப்படும் உரங்கள், 15 நாட்களில், 2-3 முறையாக பிரித்து அளிக்கப்படவேண்டும். நன்கு பொடிசெய்யப்பட்ட கடலை புண்ணாக்கு, அரிசி தவிடு இரண்டும் சம அளவில் (எடையின் அடிப்படையில்) எடுத்து ஒரு மில்லியன் குஞ்சுகளுக்கு 6 கிலோ என்றளவில் முதல் 5 நாட்களுக்கும், அடுத்தடுத்த நாட்களில் குஞ்சுகள் கொஞ்சம் வளர்ந்தபின் ஒரு மில்லியன் எண்ணிக்கைக்கு தினம் 12 கிலோ என்றளவிலும் இரண்டு தவணைகளில் பிரித்து இடவேண்டும். விஞ்ஞான தொழில் நுட்ப முறையினை கடைபிடிக்கும்போது நாம் விட்ட மீன் குஞ்சுகள் 15 நாட்களில் 20-25 மி.மீட்டர் அளவு வளர்ந்து விடும். குளத்தில் விட்ட மீன் குஞ்சுகளில் 40-50 சதவிகிதம் பிழைப்பு இருக்கும். நாற்றங்கால் குளம் என்பது 15 நாட்களுக்கு மட்டுமே பயன்படுத்தப்படுவதால், அதே குளம் மீண்டும் மீன் வளர்ப்புக்கு குறிப்பாக மீன் குஞ்சுகள் உற்பத்திக்கு சாதாரண குளமாக இருந்தால் 2-3 முறையும் சிமெண்ட் குளமாக இருந்தால் 4-5 முறையும் பயன்படுத்தலாம்.

மீன் குஞ்சு இருப்பு செய்யும் குளப் பராமரிப்பு : இந்த குளங்களின் அளவு, நாற்றங்கால் குளங்களை விட சற்று பெரிது. பொதுவாக 0.2 ஹெக்டேர் இருத்தல் நலம். மீன் குஞ்சு வளர்ப்பதிலுள்ள நுட்பங்களைப் பார்ப்போம். குளத்தில் மீன் குஞ்சுகளை இருப்பு செய்வதற்கு முன் குளப் பராமரிப்பு: மீன் குஞ்சுகளை குளத்தில் இருப்பு செய்வதற்கு முன் குளத்தை தயாரிப்பது என்பது தண்ணீரிலுள்ள தாவரங்களை சுத்தம் செய்தல், ஊன் உண்ணிகள், தேவை இல்லாத மீன் குஞ்சுகளை அகற்றுதல் முக்கியமான பணியாகும். ஆனால் தண்ணீர்வாழ் பூச்சிகளை குளத்தில் கட்டுப்படுத்த வேண்டியதில்லை. குளத்தில் கனிம உரங்களையும், இயற்கை எருக்களையும் பரிந்துரை செய்யும் அளவில் இட வேண்டும். இலுப்பை பிண்ணாக்கு பயன்படுத்தப்பட்டால், சாணி இடும் அளவை ஒரு ஹக்டேருக்கு 5 டன்னாக குறைத்துக் கொள்ள வேண்டும். சாதாரணமாக சாணம் இடும் அளவு 10 டன். மூன்றில் ஒரு பங்கு அடி உரமாக 15 நாட்களுக்கு முன் இட்டால், (அதாவது மீன் குஞ்சுகளை இருப்பு செய்வதற்கு 15 நாட்களுக்கு முன்) மீதியுள்ள இரண்டு பங்கு 15 நாட்களுக்கு ஒரு முறையாக பின்னர் இடப்படவேண்டும். யூரியா- 200 கிலோ, ஒற்றை சூப்பர் பாஸ்பேட் 300 கிலோ ஒரு ஹெக்டருக்கு, ஒரு வருடத்திற்கு 15 நாட்கள் இடைவெளியில் பிரித்து இந்த உரங்களை குளத்தில் இடவேண்டும்.          கெண்டை மீன் குஞ்சுகள் குளத்தில் குஞ்சுகளை இருப்பு செய்தல் : ஒரு குளத்தில் எவ்வளவு குஞ்சுகளை இருப்பு செய்கிறோம் என்பது குளத்தின் உற்பத்தி திறனையும், அதனை எவ்வளவு பராமரிக்கிறோம் என்பதை பொறுத்து அமைகிறது. பொதுவாக ஒரு ஹெக்டேருக்கு 0.1-0.3 மில்லியன் என்றளவில் இருப்பு செய்யலாம். நாற்றங்கால் என்பது ஒரே வகையான மீன் குஞ்சுகள் வளர்க்கபடுகின்றன, ஆனால், வளர்ச்சி பருவத்தில், பல்வேறு வகை மீன் குஞ்சுகளை வளர்க்களாம். குளத்தில் குஞ்சுகளை இருப்பு செய்தபின் பராமரிப்பது எப்படி? மீன் குஞ்சுகளுக்கு தீவனமாக அதன் எடையில் 5-10 சதவிகிதம் அளவில் இடவேண்டும். இத்துடன் இணை உணவாக கடலை புண்ணாக்கு, அரிசித் தவிடு இரண்டும் சம அளவில் (எடைக் கணக்கில்) கலந்து கொடுக்க வேண்டும். கிராமங்களில் கிடைக்கும் உணவுகளையும் பயன்படுத்தலாம். புல் கெண்டை மீனை வளர்க்கும்போது சில களைகளையும் உணவாக பயன்படுத்தலாம். குளத்தில் 1.5 மீட்டர் ஆழம் நீர் நிறுத்த வேண்டும். அவ்வப்போது, பரிந்துரைப்படி உரமிட்டு, முறையான பராமரிப்புகளை கையாளவேண்டும். இதன் மூலம் மீன் குஞ்சுகள் 80-100 மி.மீட்டர் அளவுக்கும் 8-10 கிராம் எடையும் அடையும். அத்துடன் 70-90 சதவிகிதம் குஞ்சுகள் பிழைப்புத்திறனும் கிடைக்கும்.

கெண்டை மீன் வளர்ப்பு பொருளாதாரம்: வ.எண். பணிகள்/ செலவுகள் தொகை (ரூபாயில்) I.      செலவுகள் அ.    நடைமுறைச் செலவு 1. குளத்திற்கான குத்தகை தொகை 5000 2. பிளீச்சிங் பவுடர் (10 பீபீஎம் குளோரைடு) /மற்ற ரசாயனங்கள் 2500 3.         எருக்கள் மற்றும் உரங்கள் 8000 4 கெண்டை மீன் குஞ்சுகள்(5 மில்லியன், ஒரு மில்லியன் 5000 ரூபாய் விலையில்) 25000 5. இணை உணவு (750 கிலோ- ஒரு கிலோ பத்து ரூபாய் விலையில்) 7500 6. வேலையாட்கள் பராமரிப்பு மற்றும் மீன் அறுவடை (100 மனித நாட்கள் - ஒரு மனித நாளுக்கு 50 ரூபாய் வீதம்) 5000 7.             இதர செலவுகள்      5000 மொத்தம்  58000 மொத்த செலவு 1. நடைமுறைச் செலவுகள்    58000 2.         நடைமுறைச்செலவுக்கு வட்டி (15 சதவிகிதம் வருடத்திற்கு ஒரு மாதத்திற்கு) 0.725 ஆக மொத்தம் 58725 = 59000 II மொத்த வருமானம் மீன் விற்பனை மூலம் (15 லட்சம் மீன்கள்- ஒரு லட்சம் மீன்களுக்கு 7000 ரூபாய் வீதம்)   1,05000 III        நிகர வருமான (மொத்த வருமானம் -மொத்த செலவு) 46000 குறைந்தது இரண்டு முறை ஒரு பருவகாலத்தில் மீன்களை வளர்க்க முடியும். இரண்டு முறை என்றால் ஒரு ஹெக்டேரிலிருந்து 92000 ரூபாய் நிகர வருமான எடுக்க முடியும்.

மீன் குஞ்சு வளர்ப்பு பொருளாதாரம்: வ.எண் பணிகள்/ செலவுகள் தொகை(ரூபாயில்) I. செலவுகள் அ. நடைமுறைச் செலவு 1. குளத்திற்கான குத்தகை தொகை 10,000 2. ப்ளீச்சிங் பவுடர் (10 பிபிஎம் குளோரைடு) / மற்ற ரசாயனங்கள்   2,500 3. எருக்கள் மற்றும் உரங்கள் 3,500 4. மீன் குஞ்சுகள் (மூன்று லட்சம்- ஒரு லட்சம் 7000 ரூபாய் விலையில்)    21,000 5. இணை உணவு (5 டன் - ஒரு டன் 7000 ரூபாய் விலையில்)     35,000 6. கூலி (100 மனித நாட்கள் - ஒரு மனித நாளுக்கு 50ரூபாய் வீதம் பராமரிப்பு மற்றும் மீன் அறுவடைக்காக)     5,000 7 இதர செலவுகள் 3000 மொத்தம் 80000 மொத்த செலவு நடைமுறைச் செலவு 80000 நடைமுறைச் செலவுக்கு வட்டி (15 சதவிதம் ஒரு வருடத்திற்கு)மூன்று மாதத்திற்கு     3000 ஆக மொத்தம் 83000 II மொத்த வருமானம் 2.1லட்சம் மீன்கள் விற்பனையின் மூலம் (ஒரு1000மீன்களுக்கு 500 ரூபாய்வீதம்) 1,05,000 III             நிகர வருமானம்    22,000

மூலம் : ஒரிசா- புவனேஷ்வரில் உள்ள மத்திய நன்னீர் மீன் வளர்ப்பு ஆராய்ச்சி நிலையம்.

Posted in: மீன் வளர்ப்பு