பிரதீப், மெடிமிக்ஸ்.
|
1983-ல் இந்த வேலைகளை செய்ய நான் பொறுப்பெடுத்துக்கொண்ட பிறகு, குடும்பத் தொழிலாக இருந்ததை விரிவுபடுத்தி ஒரு நிறுவனமாக மாற்றினேன். மருந்துக் கடைகளில் மட்டுமல்லாமல் மளிகைக் கடைகளிலும் விற்பனைக்குத் தந்தோம். மக்களிடம் எளிதில்கொண்டு சேர்க்க, சாம்பிள் சோப் செய்தோம். இது நல்ல விளம்பரமாக அமைந்தது. அடிக்கடி வெளியூர் பயணம் செய்பவர்களும், ஓட்டல்களில் தங்கும் பயணிகளும் ஒருமுறை பயன்படுத்திப் பார்த்துவிட்டு, பிறகு எங்கள் சோப்பை தொடர்ந்து வாங்கத் தொடங்கினார்கள்.
விற்பனை அதிகரிக்கத் திட்டமிட்டு, தமிழர்கள் வசிக்கிற இடங்களில் எல்லாம் மார்க்கெட்டிங் செய்தோம். குவைத், சவுதி அரேபியா போன்ற நாடுகளில் தமிழர்கள் கொடுத்த ஆதரவு காரணமாக அடுத்தடுத்து வெளிநாடுகளுக்கும் சோப் ஏற்றுமதி செய்ய ஆரம்பித்தோம். தற்போது 25 நாடுகளுக்கு ஏற்றுமதி செய்கிறோம். குறிப்பாக, தைவான் நாட்டில் எங்கள் தயாரிப்புதான் முன்னணி பிராண்ட்.
மருத்துவ குணம் பொருந்திய சோப் விற்பனையில் தனி இடத்தைப் பிடித்ததும், நகரங்களில் மட்டுமில்லாமல் கிராமச் சந்தையை உருவாக்கியதும் எங்கள் சாதனையாகவே நினைக்கிறோம். இன்று வெளிநாட்டு நிறுவனங்களின் பல பிராண்டுகள் சந்தையில் போட்டி போட்டாலும், மக்கள் எங்கள் சோப் மீது வைத்துள்ள நம்பிக்கை அதிகம். உண்மையாகவும், கடுமையாகவும் உழைத்தால் வெற்றி நிச்சயம். அதுதான் ஆயிரம் ரூபாய் முதலீட்டில் தொடங்கப்பட்ட இந்த தொழிலை நூறு கோடிக்கும் அதிகமாக டேர்னோவர் செய்யும் நிறுவனமாக மாற்றியிருக்கிறது!''
- நீரை.மகேந்திரன்,
படம்: ஜெ.வேங்கடராஜ்.
|
0 comments:
Post a Comment