இந்ததளத்திற்கு வருகை தரும் உங்களை இன் முகத்தோடுவரவேற்கிறேன் .என் நட்புக்கள் அனைவருக்கும் ஏக இறைவனின் சாந்தியும் சமாதானமும் நம் அனைவர்கள் மீதும் நிகழட்டுமாக !!!

Saturday, January 31, 2015

கடவுள் உடை கச்சித மாலை

அம்மனுக்கு சிவப்புல ஜரிகை வச்ச புடவையும், அன்னப்பூரணிக்கு தங்க நிறத்துல தகதகனு மின்னும் சேலையும், பாபாவுக்கு ஆரஞ்சு கலர் அங்கியும், கிருஷ்ணருக்கு வெண்பட்டுல பஞ்சகச்சமும் எவ்வளவு அழகு தெரியுமா? உங்க வீட்டு பூஜை ரூம் எவ்வளவு சின்னதா வேணா இருக்கட்டும். காஸ்ட்லியான சாமி சிலைகள் இல்லாம இருக்கட்டும். அதனால என்ன? இருக்கிற சாமி உருவங்களுக்கு நீங்க விதம் விதமா தச்சு அணிவிக்கிற உடையும் மாலைகளும் உங்க பூஜை ரூமையே அட்டகாசமாக்கிடும்’’ என்கிறார் சென்னை ராயப்பேட்டையைச் சேர்ந்த திலகவதி. சாமி உருவங்களுக்கான உடைகள் மற்றும் மாலைகள் தயாரிப்பதில் நிபுணி இவர்!


‘‘பிளஸ் டூ படிச்சிருக்கேன். கல்யாணத்துக்குப் பிறகு கணவர், பிள்ளைகள், வீட்டு வேலை, சமையல்னு காலம் போச்சு. பிள்ளைங்க வளர்ந்த பிறகு நிறைய நேரம் கிடைச்சது. என் கடமைகளை எல்லாம் தவறாமப் பண்ணிட்டேன். என் சந்தோஷத்துக்கு ஏதாவது செய்யணும்னு நினைச்சு சின்னச் சின்ன கைத்தொழில்கள் கத்துக்க ஆரம்பிச்சேன். பெயின்ட்டிங், அலங்காரத்தட்டுனு எல்லாம் செய்வேன். அடிப்படையில எனக்கு கொஞ்சம் பக்தி அதிகம். 

அதனால என் வீட்டு பூஜை ரூம்ல உள்ள சாமி உருவங்களுக்கு அடிக்கடி புதுசு புதுசா டிரெஸ் தச்சு போட்டு அழகு பார்ப்பேன். அதைப் பார்க்கிறவங்க எல்லாம் கேட்பாங்க. நானே தைக்கிறதுனு சொன்னா ஆச்சரியமா பார்ப்பாங்க. கடையில நிறைய விலை கொடுத்து வாங்கறதைச் சொல்லி, என்கிட்ட தச்சுக் கொடுக்க ஆர்டர் கொடுக்க ஆரம்பிச்சாங்க. எந்த சாமிக்கு எந்த அளவுல என்ன மாதிரி டிரெஸ் வேணும்னு சொல்லிட்டாங்கன்னா, அதுக்கேத்தபடி தச்சுக் கொடுத்துடுவேன். 

அம்மன் பாவாடை, பஞ்சகச்சம், பாபா அங்கி, குத்துவிளக்கைச் சுத்தி அலங்கரிக்கிற துணி, சாமி சிலை வைக்கிற தாமரைப்பூனு நிறைய செய்வேன். கூடவே பட்டுநூல் மாலையும் சாட்டின் ரிப்பன் மாலையும் பண்ணுவேன்’’ என்கிற திலகவதி வெறும் 1,000 ரூபாய் முதலீட்டில் இந்த பிசினஸை ஆரம்பிக்க தைரியம் தருகிறார்.‘‘துணிக்கடைகள்ல சாமிக்கு தைக்கிறதுக்குன்னு துணிகளைப் பார்த்து வாங்கணும். 1 மீட்டர்ல சின்ன டிரெஸ் 5 தைக்கலாம். தையல் மெஷின் இருந்தா நல்லது. இல்லாதவங்க கையாலயும் தைக்கலாம். ஊசி, நூல்னு இதுக்குத் தேவையான பொருட்கள் ரொம்பக் கம்மி. 30 ரூபாய்லேருந்து கொடுக்கலாம். 50 சதவிகித லாபம் பார்க்கலாம்...’’ என்கிறவரிடம் 3 விதமான சாமி உடைகளையும் 2 விதமான மாலைகளையும் ஒரே நாள் பயிற்சியில கற்றுக்கொள்ள கட்டணம் 500 ரூபாய். ( 97908 12598)

0 comments:

Post a Comment

Share

Twitter Delicious Facebook Digg Stumbleupon Favorites